Fréttablaðið - 12.12.2004, Blaðsíða 28
28 12. desember 2004 SUNNUDAGUR
Lagið sem kemur mér í jólaskap
Hvaða lag er það sem fær þig til að taka fram hrærivélina, hveitið og vanilludropana eða storma af stað á Laugaveginn og kaupa
gjafir handa fjölskyldumeðlimum? Fréttablaðið tók nokkra tónlistarmenn tali og fékk að vita hvert þeirra uppáhaldsjólalag væri.
Margrét Eir Hjartardóttir söngkona er önnum kafin við ýmiss konar jólastörf og er
núna á Akureyri að æfa fyrir leikritið Óliver Twist sem er frumsýnt þann 28. desem-
ber. Hún er einnig á fullu að kynna ýmsa jólatónleika og til dæmis voru hinir árlegu
tónleikar þeirra Frostrósakvenna á föstudaginn.
„Ég þarf ekkert að hugsa mig um. Lagið er The Christmas Song með Nat King Cole,
það byrjar á orðunum „Chestnuts roasting on an open fire....“ Þetta er yndislegt lag og
ég verð svo meyr þegar ég hlusta á það. Það hríslast um mig einhver notaleg tilfinn-
ing og ég fer að hugsa um alla þá sem mér þykir vænt um. Ég hef ekki ennþá heyrt ís-
lenskan texta sem jafnast á við þann enska og enginn jafnast á við Nat King Cole, það
er alls ekki sama hver syngur lagið.“
Magnús Jónsson eða Maximum eins
og hann kýs að kalla sig er rappari í
hljómsveitinni Ant Lew/Maximum
sem gaf nýlega út disk. Þeir drengir
eru nú önnum kafnir við að kynna
plötuna með tónleikahaldi og þess
háttar.
„Lagið Each Christmas Is the Same
Ol’ Shit er uppáhaldsjólalagið mitt.
Þetta er gott lag og það er líka heil-
mikil merking í textanum. Lagið fjall-
ar ekki einungis um það góða við jólin
heldur alvöruna líka. Til dæmis þá
staðreynd að það er nauðsynlegt að
eiga fullt af pening á jólunum.
Sænska hiphop-hljómsveitin Time-
bomb á þetta lag sem er frá árinu
1991 held ég og það kemur mér alltaf
í jólaskapið.“
Bjarni Arason, söngvari og dagskrárstjóri Bylgjunnar, er nú á fullu á Bylgjunni eins
og vanalega og segir vera mikið fjör þar á þessum árstíma. Þrátt fyrir það er ekkert
jólastress að finna í Bjarna.
„Ég held ég verði að nefna lagið It’s Beginning to Look a Lot Like Christmas, með
Johnny Mathis. Þetta er svo ótrúlega flott útsetning og vel sungið. Það er ekki sama
hver tekur þetta lag og hann gerir það best. Jólin eru ekki komin fyrr en þetta lag
hljómar í eyrum mér. Ég er annars mjög rólegur á jólunum og örlar ekki fyrir
jólastressi á mínum bæ.
Ragnheiður Gröndal söngkona er úti um allt land þessa dagana að
syngja og kynna nýju plötuna sína Vetrarljóð. Hún heldur næst
jólatónleika í Iðnó 22. desember ásamt Hauki Gröndal, Ásgeiri Ás-
geirssyni, Róbert Þórhallssyni og Eric Quick. Þar munu þau spila
jólalög og lög af plötunni auk þess að bjóða upp á jólaglögg og pip-
arkökur.
„Uppáhaldsjólalagið mitt núna er lagið Einmana á jólanótt sem er
nýtt lag með strákunum í Brooklyn Five. Þetta er gífurlega fallega
sungið, flott raddað lag og rosalega falleg túlkun hjá strákunum.
Það yljar manni um hjartaræturnar og róar mann niður í jólagír-
inn. Ég er nú reyndar ekkert að stressa mig rosalega á jólunum en
það er mikið að gera í tengslum við vinnuna og plötuna.“
hilda@frettabladid.is
Daníel Þorsteinsson,
trommari í hljómsveitinni
Maus, er þessa dagana að taka
jólaundirbúninginn með
trompi auk þess sem þeir fé-
lagar í Maus eru hafa verið að
kynna safnplötuna sína. Hann
er að vinna á leikskóla á milli
þess sem hann kaupir jóla-
gjafir, slappar af og bakar Frú
Hoydens jólasmákökur.
„Uppáhaldsjólalagið mitt er
Ég hlakka svo til með Svölu
Björgvins. Við í Maus gerðum
reyndar okkar eigin útgáfu af
þessu lagi þar sem hún söng
með okkur. Þetta lag tengist
einhverjum gömlum æsku-
minningum og gefur manni
svona jólafiðring í magann.
Hún er með frábæra rödd
stelpan og þetta lag er geð-
veikt flott jólalag!“