Fréttablaðið - 15.12.2004, Page 28
15. desember 2004 MIÐVIKUDAGUR
Gefðu þér vistvæn jól
Vistvernd í verki gefur góð
ráð til að halda hátíðunum
umhverfisvænum.
Jólin eru oftar en ekki hátíð
bruðls og ofgnóttar og því miður
fer slíkt oft saman við kæruleysi
varðandi umhverfisvernd. Frétta-
bréf samtakanna Vistvernd í
verki kom út á dögunum og þar er
að finna nokkur hollráð til að
gleyma ekki vistkerfinu um jólin.
Einnig geta þeir, sem vex í augum
að vistvænar vörur eru dýrari en
aðrar, notað jólin til að dekra
virkilega við sig og keypt lífræn-
ar lúxusvörur. Hér fylgja um-
hverfisvænar ábendingar sem
hægt er að fylgja án þess að
skerða jólagleðina á nokkurn hátt:
Veldu lífrænt ræktað, líka um jólin.
Villibráð og lambakjöt er vist-
vænni kostur en svínakjöt og ann-
að kjöt úr verksmiðjubúskap.
Kauptu mat sem er framleiddur í
heimabyggð. Mikil olía fer í að
flytja mat langar leiðir.
Hugsaðu um gæði frekar en magn
og kauptu vandaða og lífræna
matvöru í litlu magni frekar en
fjöll af fjöldaframleiddu drasli.
Kauptu gæðavörur til jólagjafa.
Óvistvænustu gjafirnar eru þær
sem skemmast eftir tvær vikur og
er hent vegna þess að viðtak-
andinn þarfnast þeirra ekki.
Gefðu upplifanir og þjónustu í
staðinn fyrir hluti.
Notaðu maskínupappír sem gjafa-
pappír. Venjulegan gjafapappír er
ekki hægt að endurvinna. Mask-
ínupappír er hægt að endurvinna
og að auki geturðu sett á hann
munstur að eigin vali.
Forðastu jólakort með tónlist og
rafhlöðum. Í þeim eru yfirleitt
eiturefni.
Kauptu íslenskt jólatré. Það hefur
ferðast stystu leiðina, ber ekki
með sér óþekkta plöntusjúkdóma
eða lýs og hefur verið ræktað á
mun vistvænni máta en erlend
tré.
Gerðu þrifin eins vistvæn og þér
er unnt, líka um jólin. Gefðu jörð-
inni og þér þessa alúð í jólagjöf.