Fréttablaðið - 20.01.2005, Blaðsíða 1
ÍRAKSMÁLIÐ Veturinn 2002 til 2003
voru málefni tengd Írak einungis
til umræðu á tveimur fundum
utanríkismálanefndar. Á hvorug-
um þeirra var ræddur hugsanleg-
ur stuðningur Íslendinga við inn-
rásina í Írak heldur var einungis
rætt um tiltekin mál er vörðuðu
skýrslu vopnaleitarmanna og
þingsályktunartillögu Vinstri
grænna.
Samkvæmt heimildum Frétta-
blaðsins sat Halldór Ásgrímsson,
þáverandi utanríkisráðherra,
fund utanríkismálanefndar 19.
febrúar. Hann gerði nefndinni
grein fyrir skýrslu Hans Blix,
yfirmanns vopnaeftirlits Samein-
uðu þjóðanna, til öryggisráðs SÞ.
Ekki var rætt um það á fundinum
hvort Íslendingar ættu að styðja
innrás Bandaríkjamanna og Breta
í Írak ef til hennar kæmi.
Síðari fundurinn fór fram 2.
mars þar sem rætt var um þings-
ályktunartillögu Vinstri grænna
um að ríkisstjórnin beitti sér
gegn áformum um innrás í Írak
og að Ísland stæði utan við hvers
kyns hernaðaraðgerðir gegn
Írak. Ekki var rætt um það á
fundinum hvort Íslendingar ættu
að styðja innrás Bandaríkja-
manna og Breta í Írak ef til henn-
ar kæmi.
„Ég hef farið yfir málið í mín-
um gögnum og fæ ekki betur séð
en að umræður um ástandið í
Írak hafi farið fram tvisvar sinn-
um í nefndinni þennan vetur.
Hinn einfaldi sannleikur er sá að
það var aldrei rætt um stuðning
við innrás Breta og Bandaríkja-
manna í nefndinni,“ segir Þórunn
Sveinbjarnardóttir, þingmaður
Samfylkingarinnar.
- sda
sjá síðu 4.
MEST LESNA DAGBLAÐ Á ÍSLANDI
FIMMTUDAGUR
KR MÆTIR NJARÐVÍK Fjórir leikir
verða í Intersport-deild karla í körfubolta
klukkan 19.15. KFÍ mætir Tindastól, KR tek-
ur á móti Njarðvík, Fjölnir sækir ÍR heim
og Snæfell mætir Hamari/Selfossi. Í 1.
deild kvenna mætast Haukar og Grindavík
klukkan 19.15.
DAGURINN Í DAG
VEÐRIÐ Í DAG
20 janúar 2005 – 18. tölublað – 5. árgangur
● óvissa með ingva hrafn
Starfsfólk talmáls-
útvarps þegir
Helga Vala yfir á Gufuna:
▲
SÍÐA 38
EFTIRLAUN
SENDIHERRA
Fyrrverandi utanrík-
isráðherra og núver-
andi sendiherra í
Finnlandi hefur rétt
á tæplega 400.000
króna eftirlaunum á
mánuði auk fullra
launa vegna sendi-
herrastöðu sinnar. Sjá síðu 2
FÍNA FÓLKIÐ NOTAR KÓKAÍN Yfir-
lögregluþjónn í Reykjavík segir fíkniefna-
neytendur vera fjölbreyttari nú en áður.
Margir kókaínneytenda séu þekkt og fínt
fólk. Sjá síðu 6
NÝ SÓKN FYRIR EYJAGÖNGUM
Árni Johnsen blæs til sóknar í dag í sam-
göngumálum Vestmannaeyinga. Hann ætl-
ar að kynna gjörbreyttar forsendur fyrir
göngum til Eyja. Sjá síðu 8
225 ÞÚSUND LÁTNIR Ljóst er orðið
að minnst 225 þúsund manns létu lífið af
völdum flóðbylgjunnar í Asíu. Hún er því
orðin að næstmannskæðustu náttúruham-
förum í rúma öld. Sjá síðu 10
Kvikmyndir 34
Tónlist 30
Leikhús 32
Myndlist 32
Íþróttir 26
Sjónvarp 36
● heimili ● matur ● tíska
Gott að hugsa í
þvottahúsinu
Guðjón Rúnarsson:
▲
Í MIÐJU BLAÐSINS
ÉLJAGANGUR NYRÐRA Bjart með
köflum syðra. Frost víðast 1-8 stig.
Sjá síðu 4.
Veffang: visir.is – Sími: 550 5000
Stuðningurinn
aldrei ræddur
Utanríkismálanefnd fjallaði aldrei um hugsanlegan stuðning Íslendinga
við innrás Bandaríkjamanna og Breta á fundum sínum veturinn 2002
til 2003. Málefni Íraks komu til umræðu á tveimur fundum.
SIGURINN Í HÖFN Borghyltingar héldu ekki vatni eftir góðan sigur á Menntaskólanum í Reykjavík í Gettu betur spurningakeppninni í
gær. Í liði Borgarholtsskóla eru frá vinstri: Björgólfur Guðni Guðbjörnsson, Steinþór Helgi Arnsteinsson og Baldvin Már Baldvinsson.
KJARAMÁL Fulltrúar ítölsku
verkalýðshreyfingarinnar og
Alþjóðasambands bygginga-
verkamanna komu til Egilsstaða
í gærkvöld. Ítalarnir eru fjórir
og skoða þeir aðbúnað verka-
manna hjá Impregilo í dag.
Marion Hellmann, fram-
kvæmdastjóri Alþjóðasam-
bandsins, sagði við komuna til
Egilsstaða í gærkvöld að þeir
myndu láta skoðun sína í ljós
eftir skoðunarferðina í dag.
„Við verðum ekki hlutlausir
en við munum heldur ekki
blanda okkur í deiluna. Við
munum hinsvegar segja skoðun
okkar hreinskilnislega í lok
dagsins,“ sagði hann.
Heimsókn Ítalanna var skipu-
lögð í framhaldi af rammasam-
komulagi sem þeir náðu við
Impregilo í lok nóvember. Mark-
mið þess var að auka gagnsæi í
aðstæðum verkamanna.
„Íslenska verkalýðshreyfing-
in tilheyrir alþjóðasamtökunum,
hún er hluti af fjölskyldunni. Við
komum fyrst hingað til lands því
að hér er erfiður tími fyrir
verkamenn, allar aðstæður
erfiðar og veðráttan sömuleiðis.
Síðar munum við skoða aðstæð-
ur í öðrum löndum,“ sagði Hell-
mann.
- ghs
Framkvæmdastjóri Alþjóðasambands byggingaverkamanna skoðar aðstæður í dag:
Ætlar ekki blanda sér í deiluna
Inni í
Fréttablaðinu
í dag
Allir í Laugum ■ Bóndadagsóskir ■ Göturnar í lífi Ágústs Einarssonar prófessors ■ Frönsk sælkeraveisla á Vox
Matgæðingurinn Egill Helgason ■ Dóri vinur: með gítarinn í annarri og golfkylfuna í hinni
F23. TBL. 2. ÁRG. 20. 1. 2005
Framkvæmdaglaðir Íslendingar
Tíðarandinn í innanhússhönnun
Matur og heilsa
Kemíska kryddið MSG
leynist ótrúlega víða
í Spaksmannsspjörum
Hafa klætt Drew Barrymore, Teri Hatcher og Umu Thurman
Vala
og Björg
Me›allestur dagblaða
Samkvæmt fjölmi›lakönnun Gallups nóvember 2004
MorgunblaðiðFréttablaðið
69%
49%
Hætt við innrás:
Ísraelar ræða
við Abbas
ÍSRAEL, AP Ariel Sharon, forsætis-
ráðherra Ísraels, aflétti í gær sam-
skiptabanni við Mahmoud Abbas,
forseta Palestínu. Í kjölfarið fund-
uðu yfirmenn öryggismála Ísraels
og Palestínu um hvernig hægt
væri að sporna við auknu ofbeldi.
Sharon bannaði ráðamönnum að
hafa samskipti við Abbas eftir
sjálfsmorðsárás palestínskra öfga-
manna í síðustu viku.
Mikil spenna ríkti fyrir botni
Miðjarðarhafs í gær. Um miðjan
dag heimilaði Sharon hershöfð-
ingjum Ísraelshers að hefja undir-
búning innrásar á Gaza-svæðið.
Þau áform voru lögð í salt eftir að
fregnir bárust af því að Abbas
væri að ná samkomulagi við leið-
toga Hamas og Jihad um að hætta
árásum og óskaði einnig eftir við-
ræðum við ísraelsk stjórnvöld um
að binda enda á óöldina. Þessi við-
leitni Palestínumanna og sú
ákvörðun þeirra að senda hundruð
lögreglumanna að landamærunum
varð til þess að Sharon hætti við
undirbúning innrásar. ■
Gettu betur:
MR úr leik
SPURNINGAKEPPNI „Þetta var góður
sigur og við ætlum að vinna keppn-
ina í ár,“ segir Steinþór H. Arn-
steinsson úr spurningaliði Borgar-
holtsskóla sem sló lið Menntaskól-
ans í Reykjavík út úr spurninga-
keppninni Gettu betur í gærkvöld.
Lið MR kemst því ekki áfram í
fjórðungsúrslit í sjónvarpi en það
hefur ekki gerst síðan 1991.
Borghyltingar náðu mest fimm
stiga forystu en MR-ingar náðu að
saxa á muninn og þegar fjögur
stig voru eftir í pottinum skildi
eitt stig liðin að. Borgarholtsskóli
tryggði sér þá sigurinn með því að
fá tvö stig fyrir að svara spurn-
ingu með tóndæmi rétt.
Borghyltingar slógu MR einnig
út í keppninni í fyrra en fyrir það
hafði lið MR unnið keppnina ell-
efu ár í röð. Borgarholtsskóli
komst í úrslit í fyrra en tapaði þar
fyrir Verzlunarskóla Íslands. - bs
Á EGILSSTAÐAFLUGVELLI
Þrír fulltrúar ítölsku verkalýðshreyfingar-
innar og einn fulltrúi Alþjóðasambands
byggingaverkamanna á tali við blaða-
mann Fréttablaðsins á Egilsstaðaflugvelli í
gærkvöld. Þeir skoða aðstæður á Kára-
hnjúkum í dag.
FR
ÉT
TA
B
LA
Ð
IÐ
/V
AL
LI