Fréttablaðið - 20.01.2005, Blaðsíða 44
Halldór Bragason hefur verið blús-
aðdáandi allar götur frá árinu 1972
þegar hann kynntist Willie Dixon.
„Hann var á plötum Bítlanna og Led
Zeppelin og hafði samið einhver lög.
Við nánari eftirgrennslan kom í ljós
að þetta var einhver bassaleikari í
Chicago, sem var kannski ekki heit-
asta borgin á þessum árum,“ segir
Halldór og hlær. Seinna meir komu
síðan BB King og fleiri inn í spilið.
Halldór hefur verið sendiherra
blúsins á Íslandi um árabil og þeir eru
ófáir sem hafa barið hljómsveit hans,
Vinir Dóra augum. Þótt það hafi
farið óvenju lítið fyrir þeim félögum á
undanförnum árum eru þeir hvergi
nærri dauðir úr öllum æðum heldur
ráðgera að gefa út plötu á næstu mán-
uðum.
Sumir vilja meina að blúsinn hafi
verið í lægð á Íslandi og telja jafnvel
einhverjir að blúsinn hafi hreinlega
sungið sinn svanasöng þegar Púlsinn
lagðist af. Halldór segir þó að árið í
fyrra hafi sennilega verið það blóm-
legasta í sögu blúsins á Íslandi, og
bendir á blúshátíðina í Reykjavík,
blúskennslu, nýjan vef blus.is. „Blús-
inn er ekki dauður á Íslandi þótt
minna fari fyrir okkur gömlu refun-
um, það er einfaldlega komin miklu
meiri breidd inn í blússamfélagið og
nýjar hljómsveitir sífellt að koma
fram.“
Blús og golf
Og þó að ekki hafi mikið borið á því,
og margir viljað tengja Halldór ein-
göngu við blúsinn, þá eru ekki margir
sem vita að Halldór er mjög liðtækur
golfari. „Ég lenti í slysi 1987 og fór
því að nota golfið í heilsubótarskyni.“
Hann segist hafa byrjað með bróður
sínum, en vegna þess að hann sé svo
manískur sé hann betri en hann í dag,
kominn með 7,5 í forgjöf sem þykir
nú nokkuð gott. „Golfið er ákaflega
heillandi íþrótt, vegna þess að maður
er að takast á við sín eigin mistök,
þetta er því ekki eingöngu heilsubæt-
andi, heldur einnig ákaflega þrosk-
andi.“
Halldór segir margt vera sammerkt
með golfi og blús. „Ég kynntist því
þegar ég var að kenna blús hvað það
eru margir sem halda að þetta sé ein-
falt. Alveg eins og golfið. Þetta er ekki
bara að sveifla einhverri kylfu og
blúsinn er ekki bara einhverjir þrír
hljómar.“
Halldór segir það algengan mis-
skilning að nóg sé að vera með flott
sett til að geta verið góður
golfari. „Það eru ótrúlega margir sem
kaupa sér sett upp á marga tugi þús-
unda, föt og allar græjur, en eru svo að
týna boltunum mest allt sumarið.
Menn þurfa náttúrlega að fara í
kennslu til þess að geta eitthvað,“
segir hann og hlær.
Hann segir að eftirlætisgolfarinn
hans sé Vijah Singh, enda eigi þeir
margt sameiginlegt. „Hann vinnur
langmest í öllu því sem hann gerir,“
segir Halldór og glottir. Hann bætir
þó við að það sé ekkert endilega það
versta að tapa í golfinu. „Ég spilaði
einu sinni á móti Þorsteini Hallgríms-
syni Íslandsmeistara og tapaði með
einu höggi. Hann vann með fugli á
síðustu holi, en ég get ekki sagt að
það hafi verið leiðinlegt, enda er þetta
persónuleg íþrótt.“
Halldór spilaði líka golf með
Guðmundi heitnum Ingólfssyni.“ Við
spiluðum svolítið golf saman. Hann
var svona grannur, hann var alveg
rosalega beinn og spilaði með tré-
dræver.“ Halldór er í golfklúbbnum
úti á Nesi og bíður óþreyjufullur eftir
því að komast út á völl á ný. „Núna er
maður bara að æfa sig í Básum,“ segir
konungur blúsins sem virðist vera að
leggja golfið undir sig líka.
Halldór Bragason bíður eftir því að snjóa leysi
Blúsaður golfari?
Halldór Bragason
Er jafn liðtækur með gítarinn og dræverinn.
F2 18 20. janúar 2005 FIMMTUDAGUR
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
G
V
2
70
74
01
/2
00
5
Verðtrygging í ADSL þjónustu.
BORGAÐU
ALDREI
MEIRA EN
2 GB
ADSL viðskiptavinir Og Vodafone þurfa aldrei að
greiða fyrir meira en 2 GB af erlendu niðurhali.
Komdu í Og Vodafone verslun, smelltu þér á
www. ogvodafone.is eða hringdu í 1414 fyrir
nánari upplýsingar.
Sunnudagar eru áfram frídagar
Viðskiptavinir okkar fá aukalega 500 MB niðurhal
alla sunnudaga.
Tilboð á búnaði miðast við 1 GB að lágmarki og 12 mánaða samning á kreditkort.
Þráðlaust Internet
1.990 kr.
Fröken Freyja leysir vandann
Með þrjá í takinu
Ég get ekki annað sagt en ég sé í
gríðarlegum vandræðum. Málið er
að ég er hrikalega heit fyrir þremur
strákum og er ég búin að vera að
hitta þá alla á sama tíma. Þar sem
Reykjavík er frekar lítil borg nýt ég
mín aldrei því ég er alltaf svo
hrædd um að hitta hina þegar ég er
með einum þeirra. Ég hef því
brugðið á það ráð að gera ekkert
venjulegt eða hitta þá heima. Nú er
ég hins vegar að verða uppiskroppa
með hugmyndir. Svo fæ ég
martraðir nótt eftir nótt og þær eru
allar þess eðlis að gæjarnir banki
allir upp á á sama tíma
Hvað á ég að gera?
HH í Reykjavík
Þú lifir greinilega mjög spennandi lífi
og það er ekki laust við að Freyjunni
myndi langa að vera með í þessu
bingói. Í mínum huga er þetta alls
ekkert vandamál. Njóttu hverrar mín-
útu og láttu það ekki hvarfla að þér að
þú sért að gera eitthvað rangt. Farðu á
bókasafnið og reyndu að viða að þér
fleiri hugmyndum. Nú ef piltarnir
mæta allir á sama tíma heim til þín
skaltu bjóða þeim öllum til stofu og
spila við þá Marías.
Útsöluvandræði
Ég er í miklum bobba staddur.
Þannig er mál með vexti að eigin-
kona mín er með svokallað útsölu-
æði. Það lýsir sér þannig að þegar
það eru útsölur helst hún ekki
heima fyrir heldur hangir í versl-
unarmiðstöðvum öllum stundum.
Á meðan á útsölum stendur fer allt
úr skorðum á heimilinu, börnin eru
vanrækt og það kemst ekkert
annað að hjá henni. Þar fyrir utan
er þetta að gera út af við fjárhag
heimilisins. Hvernig get ég brugð-
ist við þessu vandamáli?
BJ í Garðabæ
Þetta kalla ég ekki vandamál, þetta er
rolugangur. Þú verður náttúrlega að
taka tillit til eiginkonunnar og leyfa
henni að njóta sín þessi tvö misseri á
ári sem útsölurnar eru allsráðandi.
Fáðu þér aukavinnu svo eiginkonan
hafi ráð á að fjárfesta vel á útsölum og
einnig til að borga barnapíu sem getur
séð um börnin og heimilið meðan á
þessu útsölubrasi stendur. Með þessu
móti munt þú upplifa sanna hamingju
sem mun endast til langframa.
Sendið fyrirspurnir og vandamál til
fröken Freyju, F2, Skaftahlíð 24, 105 Rvk
eða sendið henni tölvupóst á netfangið
frkfreyja@frettabladid.is. Nöfn sendenda
verða ekki gefin upp í blaðinu.