Fréttablaðið - 05.02.2005, Qupperneq 10

5. febrúar 2005 LAUGARDAGUR
Til athugunar hjá VR:
Greiða ávísanirnar
út í peningum
ORLOFSMÁL Hjá VR er til athugun-
ar að endurskoða orlofsávísana-
fyrirkomulagið á næsta ári, jafn-
vel með það í huga að greiða upp-
hæðina út. Ekkert er þó ákveðið
enn þá enda hefur ýmislegt þarna
áhrif, til dæmis skattar.
„Þetta er stór spurning og það
getur vel verið að þetta þróist
meira í það form. Það eru hug-
myndir um breytingar á næsta ári
svo að hugsanlega mun þetta
breytast,“ segir Gunnar Páll Páls-
son, formaður VR.
Hann útskýrir að í þessu sam-
bandi séu vangaveltur um að
breyta „framsetningu á félaginu“,
til dæmis „að safna öllum þessum
styrkjum frekar upp í séreigna-
sparnað sem er þá bundinn en
menn geta leyst út við ákveðnar
aðstæður.“
Orlofsávísunin nemur 5.000
krónum á hvern fullgildan félags-
mann og 7.500 krónum hafi við-
komandi ekki notað ávísunina
sína í fyrra. Upphæðin stendur
síðan í stað sé ávísunin ekki notuð.
Gamla ávísunin fellur úr gildi og
er ný send á hverju ári.
- ghs
Nýr vefur stúdenta:
Bylting í þjónustu
NÁMSMENN Stúdentaráð Háskóla Ís-
lands, í samvinnu við Félagsstofnun
Stúdenta, opnaði nýtt vefsvæði fyr-
ir stúdenta sem lið í því að auðvelda
stúdentum aðgang að þjónustu FS.
„Þetta er bylting í þjónustu við
stúdenta á Íslandi,“ segir Jarþrúður
Ásmundsdóttir, formaður Stúdenta-
ráðs Háskóla Íslands. „Þarna er að
finna á einum stað miðlanir fyrir
stúdenta, sem sumar hverjar eru
reknar á mörgum mismunandi
stöðum í dag,“ segir hún.
Jarþrúður bendir á að miðlunin
sé unnin með þarfir stúdenta í huga
og að Stúdentaráð hafi greint helstu
þarfir og eftirspurn stúdenta eftir
aðstoð með ýmis mál. „Þetta er liður
í því að auðvelda stúdentum lífið,
enda verða oft miklar breytingar á
högum fólks í upphafi háskóla-
náms,“ segir hún. - sda
Bílar og mótorhjól
keypt á netinu
Viðskipti Íslendinga við bandarísk netfyrirtæki jukust um allt að 100 prósent í des-
ember miðað við sama tíma í fyrra. Íslendingar sjá sér hag í að kaupa dýra hluti eins
og snjósleða, ísskápa, bíla, mótorhjól og húsgögn þegar gengi dollarans er lágt.
VIÐSKIPTI Netviðskipti ruku upp í
fyrra og þá ekki síst í desember.
Lágt gengi dollarans hafði þar
mikið að segja.
Hjá Flugleiðum frakt jókst
innflutningurinn frá Bandaríkj-
unum um 64 prósent í fyrra, þar
af nam aukningin í desember 80
prósentum miðað við sama tíma í
hittiðfyrra. Róbert Tómasson,
markaðs- og sölustjóri, segir að
þarna sé fyrst og fremst um net-
viðskipti að ræða vegna hins lága
gengis dollarans og nefnir sem
dæmi að Flugleiðir frakt hafi
flutt um 200 bíla til landsins
fyrir einstaklinga í fyrra.
Erling Valur Ingason, tals-
maður Shopusa.is, segir að um
tvöföldun hafi verið að ræða á
netviðskiptum. Íslendingar hafi
tekið verslun frá Ameríku
opnum örmum og menn hafi gert
stórar fjárfestingar, sérstaklega
í bílaviðskiptum.
Hjá Fedex nam aukningin allt
að 40 prósentum. Af hátt í 7.000
sendingum í desember hafi um
30 prósent verið netviðskipti en
netviðskiptin hafi nánast engin
verið fyrir.
„Við mælum smásendingar og
sjáum að fólk er að panta allt frá
DVD-diskum í tölvuhluti, tölvur
og margt fleira,“ segir Jón Ólaf-
ur Bergþórsson, framkvæmda-
stjóri Fedex.
Íslendingar hafa keypt allt
mögulegt á Netinu upp á síðkast-
ið, ekki síst dýra hluti á borð við
sófasett, húsgögn, tölvur og ís-
skápa. Þá segir Ragnar Sigurðs-
son, starfsmaður í Vöruhúsinu í
Keflavík að kaup á bílum, mótor-
hjólum og snjósleðum séu
algeng.
Ragnar hefur þriggja ára
reynslu af netviðskiptum. Á þess-
um tíma hefur hann keypt um 100
hluti. Hann keypti m.a. Ford '55 í
fyrrasumar og kostaði hann 2.800
dollara eða 174 þúsund krónur sé
dollarinn 62 krónur.
Fyrir síðustu jól keypti
Ragnar litla 50 kúbika skellinöðru
á 95 dollara sem hann ætlar að
leika sér á á go kart-völlum. Flutn-
ingurinn til New York kostaði 150
dollara og þá er eftir flutningur-
inn heim. Ragnar býst þó við að
spara að minnsta kosti 40 þúsund
krónur á viðskiptunum.
ghs@frettabladid.is
Launanefndin:
Lág laun
ekki málið
HAFNARFJÖRÐUR Sjálfstæðismenn í
minnihluta bæjarráðs Hafnar-
fjarðar mótmælta staðhæfingu
Starfsmannafélags Hafnarfjarðar
um að bæjarstjórnin standi að
grjótharðri láglaunastefnu með
því að eiga aðild að launanefnd
sveitarfélaga.
Starfsmannafélagið hefur ósk-
að þess að bærinn semji sjálfstætt
við félagsmenn. Lúðvík Geirsson
bæjarstjóri segir bæjarráð hafa
ákveðið að senda erindi þess til
starfskjaranefndar eftir fund
ráðsins í gær. Þar komi fulltrúar
bæjayfirvalda og starfsmanna að
málinu. - gag
GUNNAR PÁLL PÁLSSON
Það eru hugmyndir um breytingar á næsta
ári svo að hugsanlega mun þetta breytast.
FORD '55
Fordinn nýkominn til landsins.
PÁLL SKÚLASON OG JARÞRÚÐUR ÁS-
MUNDSDÓTTIR
Opna formlega nýjan vef, studentamidlun.is,
sem bæta á þjónustu við stúdenta.
RAGNAR SIGURÐSSON
Hefur m.a. keypt Ford '55 á ebay.com. Fyrir
síðustu jól keypti hann litla skellinöðru
sem er á leið til landsins. Hann býst við að
spara að minnsta kosti 40 þúsund á þeim
kaupum.