Fréttablaðið - 05.02.2005, Síða 29

LAUGARDAGUR 5. febrúar 2005
Bifreiðastillingin ehf. • Smiðjuvegi 40d • Sími 557 6400
Vissir þú að 90% af sjálfskiptingum
bila vegna hitavandamála?
Láttu skipta um olíu og síu á sjálfskiptingunni.
Sjálfskiptingar, stillingar og alhliða viðgerðir.
Áfram veginn
Einar Elí Magnússon kemst leiðar sinnar
Gatnamót 101
Ímyndum okkur að ég bjóði þér í bíltúr. Út úr bænum að skoða hitt
eða þetta. Við þurfum að fara af Kringlumýrarbrautinni yfir á Miklu-
braut og við lendum á rauðu á beygjuakrein með þrjá bíla fyrir fram-
an okkur. Við bíðum. Ljósin skipta yfir í grænt og við mjökum okkur
af stað. Ég er orðinn spenntur að komast út úr bænum og finnst þar
að auki ekkert gaman að hanga á ljósum.
Fremsti bíllinn á akreininni kemst yfir en svo stoppum við fyrir
umferð sem er að koma á móti. Ljósin skipta yfir í gult og loks rautt.
Við erum NÆSTUM ÞVÍ komin út á gatnamótin, umferðin á móti er
að klárast. Ég ákveð að taka sénsinn, gef í og ætla að freista þess að
komast yfir. Umferð um Miklubraut fær grænt ljós og við fáum bíl
inn í farþegahliðina á miðjum gatnamótunum. Þína hlið.
Þetta var nú ekkert rosalega sniðugt hjá mér, var það nokkuð?
Á hverjum degi fer ég um þessi gatnamót til vinnu og á hverjum
degi sé ég bílstjóra taka þennan séns. Flestir sleppa. En ekki allir.
Í mínum huga eru tveir möguleikar til að fækka þessum algjörlega
óþörfu árekstrum sem oft valda slysum á fólki.
Annar er dauður tími á gatnamótum. Rauða ljósið logar í allar átt-
ir í hálfa mínútu á meðan gatnamótin tæmast. Ódýrt og einfalt í fram-
kvæmd en hefur sína ókosti: Þetta veldur óþarfa töfum á einni helstu
umferðaræð höfuðborgarinnar og við myndum fljótlega komast upp
á lagið og taka sénsinn á eldrauðu.
Hinn möguleikinn er að við förum að keyra eins og fólk og rifja
upp hvað litirnir þýða. Grænt: „Koma svo!“ Gult: „Tæmum gatnamót-
in.“ Rautt: „Ekki einu sinni láta þér detta í hug að hreyfa þig.“
Umferðin snýst um líf. Bæði mitt og þitt. Ég keyri til vinnu á
hverjum degi og er á stórum og þungum bíl. Þú vilt EKKI fá mig inn
í hliðina á þér.
Rautt þýðir rautt.
Guli engillinn
Nýi Audi A6 bíllinn fékk nýverið heið-
ursnafnbótina Guli engillinn, frá félög-
um í ADAC, sam-
tökum þýskra bif-
reiðaeigenda. Með
heiðursnafnbótinni
hlýtur hann einnig
titilinn bíll ársins
2005. Audi A6
hafði mikla yfir-
burði í öllum
flokkum þrátt fyrir
að til keppni
hefðu valist allar helstu bílategundir
heims eða 55 talsins. Velgengni Audi
A6 byggist ekki síst á þeirri stefnu
framleiðandans að ná forskoti á
grundvelli tækni, einstakra þæginda,
heillandi sportlegrar hönnunar og yfir-
burðagæða þessa fólksbíls. Lesendur
Motorwelt völdu Audi A6 besta bílinn
en tímaritið er sent öllum 15 milljón-
um félaga í ADCD, samtökum þýskra
bifreiðaeigenda og var Guli engillinn
veittur í fyrsta sinn í ár.
„Þetta er allt frá monster-trukk-
um niður í venjulega jeppa sem
við sýnum í dag,“ segir Skúli H.
Skúlason, formaður ferða-
klúbbsins 4X4, en sýningin verð-
ur í nýju húsnæði Bílabúðar
Benna að Tangarhöfða 8-12.
Jafnframt verður klúbburinn
með sýningu á dekkjastærðum
og myndræna útlistun á því
hvaða hlutverk þær spila, auk
þess sem starfsemi klúbbsins
verður kynnt.
„Klúbburinn stendur fyrir
ferðum á hverju ári og þar á
meðal eru nýliðaferðir sem eru
fyrir þá sem eru að byrja að
stunda þessa tegund af ferða-
mennsku,“ segir Skúli og bætir
við að einnig sé klúbburinn með
kvennaferðir sem eru gífurlega
vinsælar. „Karlarnir eru skildir
eftir heima og konurnar fá tæki-
færi til að ferðast án aftursætis-
bílstjóra,“ segir Skúli og hlær.
„Við förum einnig í land-
græðsluferðir í samstarfi við
Landgræðslu ríkisins og þá oft
upp í Þórsmörk,“ segir Skúli, en
ferðaklúbbnum 4X4 er annt um
landið og rekur áróður gegn ut-
anvegarakstri.
„Þetta er klúbbur fyrir þá
sem ferðast á eigin vegum og við
rekum harðan áróður fyrir því
að menn sýni tillitssemi í um-
ferðinni, bæði innanbæjar og
utan,“ segir Skúli sem leggur
metnað sinn í að vera prúður í
umferðinni. ■
Prúðir í umferðinni
Í dag verður ferðaklúbburinn 4X4 með kynningu á starfsemi
sinni og sýningu á jeppum félagsmanna.
„Þetta er allt frá monster-trukkum niður í venjulega jeppa sem við sýnum í dag,“
segir Skúli H. Skúlason formaður ferðaklúbbsins 4X4.
Audi A6 hlýtur
fyrstur bíla heið-
ursnafnbótina
Guli engillinn.