Fréttablaðið - 29.04.2005, Side 6

6 29. apríl 2005 FÖSTUDAGUR
Verðbólguspá efnahagsskrifstofu fjármálaráðuneytisins:
Greiðslubyrði hækkar
EFNAHAGSMÁL „Greiðslubyrði af
húsnæðislánum ætti að hækka
miðað við spárnar og húseigendur
munu finna fyrir því,“ segir Ing-
unn S. Þorsteinsdóttir, hagfræð-
ingur Alþýðusambands Íslands,
vegna spár efnahagsskrifstofu
fjármálaráðuneytisins um horfur
í efnahagsmálum.
Spárnar eru að hennar mati
bjartsýnar en í þeim er meðal
annars gert ráð fyrir örum hag-
vexti í ár og því næsta. Hagvöxt-
urinn mun myndast að töluverðu
leyti vegna minnkandi halla á ut-
anríkisviðskiptum. Áætlað er að
vísitala neysluverðs hækki um 3,9
prósent milli ára en lækkun á
gengi krónunnar er forsenda þess
að að verðbólguspá upp á 3,8 pró-
sent gangi eftir á næsta ári.
Ingunn segir erfitt að meta
áhrif þessa á einstaka liði enda
séu óvissuþættir margir en verið
er að vinna að þjóðhagsspá Al-
þýðusambandsins og ætti hún að
liggja fyrir í næstu viku. „Það
sem mun hafa mikil áhrif næstu
misseri er hvernig gengið mun
haga sér og um það eru skiptar
skoðanir.“ - aöe
Kveður með söknuði
„Ögrandi verkefni og varla pláss fyrir annað í svo krefjandi starfi“, segir Ásdís Halla Bragadóttir sem
tekur við forstjórastarfi hjá BYKO eftir mánuð. Gunnar Einarsson forstöðumaður fræðslu- og menn-
ingarsviðs Garðabæjar tekur við bæjarstjórastafinu.
SVEITARSTJÓRNARMÁL Ásdís Halla
Bragadóttir bæjarstjóri Garða-
bæjar hefur verið ráðin forstjóri
BYKO hf. „Mér fannst þetta ein-
stakt tækifæri og ögrandi að
takast á við verkefni hjá traustu
fyrirtæki. BYKO hefur verið að
gera góða hluti og það er mér
mikill heiður að stjórn félagsins
skuli bjóða mér starfið og sýna
mér slíkt traust,“ segir Ásdís
Halla. „Ég er búin að vera 12 ár í
stjórnmálum. Það hefur verið
mjög gefandi og ég hafði svo
sem ekki hugsað mér að hætta.
Ég kveð stjórnmálin með sökn-
uði. En þetta var ögrandi tæki-
færi. Þegar maður tekur svo
krefjandi starfi er varla mikið
pláss fyrir önnur verkefni. Ég
einbeiti mér að því að vinna vel
með þessu hæfa fólki.“
Á aukafundi bæjarstjórnar
Garðabæjar á miðvikudag í
næstu viku verður borin upp til-
laga meirihluta Sjálfstæðis-
manna um að Gunnar Einarsson,
forstöðumaður fræðslu-og
menningarsviðs, verði ráðinn
bæjarstjóri í Garðabæ. Ráðgert
er að hann taki við embætti 24.
maí næstkomandi. Gunnar er 49
ára, kvæntur Sigríði Dís Gunn-
arsdóttur. Þau eiga þrjú börn.
Gunnar er með meistaragráðu í
stjórnun og stundar nú doktors-
nám í stjórnun menntamála. „Ég
hlakka til að að vinna með
bæjarbúum og starfsmönnum
bæjarins. Ákvörðun bæjar-
stjórnar kom á óvart og ég er
þakklátur fyrir það traust sem
mér er sýnt,“ segir Gunnar.
„Þetta kemur vissulega flatt
upp á okkur, en við sýnum þessu
fullan skilning,“ segir Erling Ás-
geirsson, formaður bæjarráðs
Garðabæjar. Hann segist hafa
unnið með Gunnari í 20 ár og
þegar hugmynd hafi kviknað um
að fela honum bæjarstjórastarf-
ið hafi meirihlutinn verið fljótur
að komast að einhuga niður-
stöðu.
Bjarni Benediktsson þing-
maður Sjálfstæðisflokksinn er
samstarfsmaður Ásdísar Höllu
og situr í skipulagsnefnd Garða-
bæjar. „Ákvörðun Ásdísar Höllu
kemur á óvart og það er mikil
eftirsjá af henni úr stjórnmálun-
um. Hún hefur sinnt starfi sínu
af miklum myndarbrag og eftir
störfum hennar hefur verið tek-
ið. Ég óska henni til hamingju
með nýja starfið. Jafnframt óska
ég Gunnari Einarssyni velfarn-
aðar í bæjarstjórastarfinu, en
hann hefur tekið það að sér út
kjörtímabilið. Gunnar er mjög
hæfur maður“, segir Bjarni.
johannh@frettabladid.is
Á að afnema fyrningu kynferð-
isbrota gegn börnum?
SPURNING DAGSINS Í DAG:
Er ástæða til að herða eftirlit
með fólki á örorkubótum?
Niðurstöður gærdagsins á visir.is
15,41%
84,59%
Nei
Já
Farðu inn á fréttahluta visir.is
og segðu þína skoðun
KJÖRKASSINN
FR
ÉT
TA
B
LA
Ð
IÐ
/S
TE
FÁ
N
HÆRRI GREIÐSLUBYRÐI
Miðað við verðbólguspár hækkar greiðslu-
byrði íbúðakaupenda næstu mánuði.
Vorfagnaður
Í Hveragerði
4. maí á Hótel Örk

Vorfagnaður Lionsklúbbs Hveragerðis er
í sérstökum hippabúning í ár.
Fulltrúar fyrirtækja og stofnanna úr
bænum flytja söngatriði frá
hippatímabilinu.

3 rétta Hippamatseðill

Friðarsúpa
Ástarsteik
Regnbogaísterta

“Flowerpower” tilboð
Hátíðarkvöldverður, skemmtun, dansleikur og gisting
6000,- krónur
(á mann í tvíbýli)

Mætum eldhress í hippagallanum!
Upplýsingar og pantanir
483 4700
info@hotel-ork.is
www.hotel-ork.is
ÍSRAEL, AP Vladimír Pútín Rúss-
landsforseti, sem er í fyrstu op-
inberu heimsókn valdhafa í
Moskvu til Ísraels, vann sér inn
prik hjá gestgjöfum sínum í gær
með því að fordæma tilburði
ráðamanna í Íran til að koma sér
upp kjarnorkuvopnum. En hann
deildi við ísraelskan starfsbróð-
ur sinn, Moshe Katsav, um
vopnasölusamning sem Rússar
hafa gert við Sýrland, en þennan
samning skynja Ísraelar sem
ógnun við öryggi Ísraels.
Í þessari tímamótaheimsókn,
sem miðuð er að því að bæta
tengsl landanna eftir áratuga
fjandskap á dögum sovétstjórn-
arinnar, sagði Pútín að Helför
nasista gegn gyðingum skapaði
sérstök tengsl milli Rússlands
og Ísraels, bæði vegna þess
mikla fjölda sovéskra borgara
sem féllu í Síðari heimsstyrjöld
en einnig vegna fjölda rúss-
neskumælandi innflytjenda í
Ísrael.
Rússar eru að smíða kjarn-
orkuver í Íran og því þóttu varn-
aðarorð Pútíns í garð ráða-
manna þar í landi þeim mun eft-
irtektarverðari.
Í samræðum sínum við ísra-
elska ráðamenn varði Pútín
samning sem rússneskir vopna-
framleiðendur hafa gert um
sölu á loftvarnaflaugum til Sýr-
lands, óvinaríkis Ísraels. Pútín
hélt því fram að umræddum
flaugum væri ekki hægt að
breyta þannig að hryðjuverka-
menn ættu auðvelt með að beita
þeim, en það er það sem Ísrael-
ar óttast sérstaklega. Hann ítr-
ekaði fyrri yfirlýsingar um að
flaugarnar væru engin ógn við
ísraelskt yfirráðasvæði. ■
Í YAD VASHEM
Forsetar Rússlands og Ísraels, Vladimír
Pútín og Moshe Katsav, í Helfararsafninu
Yad Vashem í Jerúsalem í gær.
Pútín í Ísrael:
Tengslin bætt í
tímamótaheimsókn
TEKUR VIÐ BÆJARSTJÓRASTÓLNUM
Gunnar Einarsson mun taka við sem bæjarstjóri í Garðabæ þegar Ásdís Halla Bragadóttir
lætur af störfum í lok maí.
Fimm menn sektaðir:
Börðu mann
við Gesthús
DÓMAR Héraðsdómur Suðurlands
hefur sektað fimm menn um tví-
tugt um 75 þúsund krónur hvern
fyrir að ráðast á og berja mann
við Gesthús á Selfossi haustið
2003. Mennirnir eru frá Selfossi
og Árborg.
Hjörtur Aðalsteinsson hér-
aðsdómari kvað sektina hæfi-
lega þar sem afleiðingar árásar-
innar hefðu ekki verið alvarleg-
ar. Þeir höfðu þó barið og spark-
að ítrekað í manninn. Greiði
ungu mennirnir ekki sektina
bíður þeirra 16 daga fangelsi.
- óká
Íslenskt gjaldþrot í
Norður-Noregi:
Milljónir úr
sjóðum
GJALDÞROT Íslensku fyrirtækin
GLM og Balis í Norður-Noregi
sem úrskurðuð hafa verið gjald-
þrota og Fréttablaðið sagði frá í
gær, fengu tugi milljóna króna í
styrki og lán frá norskum þró-
unarsjóðum á síðustu árum.
Eigendur fyrirtækjanna eru
nú gufaðir upp og eftirlýstir af
skattayfirvöldum í Norður-Nor-
egi auk þess sem fjöldi kröfu-
hafa í þrotbú þeirra vill hafa
hendur í hári þeirra.
GLM stendur fyrir Green
Line Machines og er móðurfyr-
irtækið skráð á Íslandi en dótt-
urfyrirtækið GLM Norway er
skráð í Narvik í Norður-Noregi.
Ætlun eigenda GLM var að
framleiða fiskiker úr plasti eftir
nýjum aðferðum sem þróaðar
hafa verið í Frakklandi og áttu
tæki og form til framleiðslunnar
að koma þaðan.
Balis, sem var staðsett í bæn-
um Ballangen skammt sunnan
við Narvik og sömuleiðis í eigu
Íslendinga, var í samstarfi við
GLM en eitt rannsóknaratriði
skattayfirvalda í Norður-Noregi
eru flókin fjárhagsleg tengsl
fyrirtækjanna. Meðal annars
vantar öll gögn í bókhald GLM
um útgjöld upp á nærri 15 millj-
ónir króna.
- ssal
Lögmannafélagið:
Gjöf frá
Baugi þegin
LÖGMANNAFÉLAGIÐ Á almennum fé-
lagsfundi í Lögmannafélagi Íslands
í gær var tillaga um að skila skyldi
tveggja milljóna króna gjöf frá
Baugi í Námssjóð lögmanna felld.
Samþykkt var að skipa nefnd sem
falið yrði að fara yfir og semja
reglur um gjafir til félagsins.
Stjórn félagsins hafði þegið um-
rædda gjöf enda taldi hún það í
samræmi við stofnskrá námssjóðs-
ins, sem gerir ráð fyrir að gjafir
frá fyrirtækjum séu ein tekjulinda
hans. Við þessa ákvörðun var hóp-
ur félagsmanna ekki sáttur, þar
sem gjafir af þessu tagi væru til
þess fallnar að skapa efasemdir
um hlutleysi og sjálfstæði lög-
manna gagnvart gefendum. Því
var boðað til félagsfundarins.
Að sögn Helga Jóhannssonar,
formanns félagsins, var fundurinn
málefnalegur og umræður hrein-
skiptnar. Ánægjulegt væri að af-
gerandi niðurstaða lægi fyrir. ■
VILLY SØVNDAL FORMAÐUR Villy
Søvndal var í gær kjörinn for-
maður Sósíalíska þjóðarflokksins.
Hann fékk tæp sextíu prósent at-
kvæða en næst kom Pia Olsen
með rétt rúm þrjátíu prósent.
Søvndal tekur við embætti af Hol-
ger Nielsen en hann sagði af sér
eftir að flokkurinn beið afhroð í
þingkosningunum í febrúar.
■ DANMÖRK