Fréttablaðið - 09.06.2005, Blaðsíða 70
Á yfirborðinu eru herra og frú
Smith bara venjuleg úthverfa-
hjón. Lifa átakalausu lífi sem
líður áfram eins og straumlaust
fljót. Ekki er þó allt sem sýnist
því bæði eru þau einhverjir
bestu leigumorðingjar sem
sögur fara af og hvorugt veit af
hinu. Það á þó fljótlega eftir að
breytast. Í næsta verkefni eiga
þau nefnilega að drepa hvort
annað og þá fer gamanið heldur
betur að kárna. Þau gera sér þó
fljótlega grein fyrir því að það
er maðkur í mysunni og ef þau
ætla að bjarga hjónabandinu
verða þau að standa saman.
Kvikmyndin Mr. & Mrs.
Smith verður heimsfrumsýnd í
kvöld. Myndin hefur verið á
milli tannanna á fólki síðan
tökur hófust. Ekki þó fyrir þær
sakir að málefni myndarinnar
sé eldfimt heldur fóru fljótlega
sögur á kreik um að
aðalleikararnir væru að stinga
saman nefjum. Þau Brad Pitt og
Angelina Jolie hafa þráfaldlega
neitað þeim orðrómi.
Það eru miklar væntingar
gerðar til Mr. & Mrs. Smith. Hún
skartar enda tveimur af
skærustu stjörnum Hollywood.
Í leikstjórasætinu situr Doug
Liman sem gerði kvikmyndina
Bourne Identity en Pitt valdi
hann til þess að leikstýra
myndinni. Nokkrir þekktir
leikarar koma við sögu í
myndinni sem aukapersónur.
Má þar fyrstan nefna gaman-
leikarann Vince Vaughn sem
leikur hálfgerðan vin John’s,
Eddie og þá kemur Adam Brody,
stjarnan úr OC þáttunum einnig
við sögu.
Angelina Jolie er ein
vinsælasta leikkona heimsins í
dag. Hún vakti fyrst athygli í
sjónvarpsmyndinni Gia, þar
sem hún lék samnefnda
fyrirsætu sem drap sjálfa sig á
eiturlyfjaneyslu. Næst á eftir
fylgdi myndin Girl, Interrupted
þar sem Jolie fór hamförum og
vann Óskarsverðlaun fyrir leik
sinn. Síðan þá hefur hún gert
Lauru Croft góð skil auk þess
sem hún ferðast um heiminn
sem sérstakur sendiherra
Sameinuðu þjóðanna. ■
42 9. júní 2005 FIMMTUDAGUR
MR & MRS. SMITH
Internet Movie Database
Rottentomatoes.com 65% / fersk
Metacritic.com 6,2 / 10
FRUMSÝNDAR UM HELGINA
(DÓMAR Í ERLENDUM MIÐLUM) Þar til dauðinn
aðskilur þau
bio@frettabladid.is
Brad Pitt er ekki búinn að vera lengi að í
kvikmyndum. Hann var orðinn 24 ára
þegar hann birtist fyrst sem þjónn í
myndinni No Man’s Land. Þá var aðal-
stjarnan í myndinni Charlie Sheen og
nafn Pitt kom ekki fram á leikaralistan-
um.
Það var ekki fyrr en 1991 þegar Brad
Pitt fékk hlutverk í kvikmyndinni Thelma
& Louise sem hann vakti fyrst athygli, þá
28 ára gamall. Hlutverkið var ekki stórt
en það var eitthvað við þennan dreng
frá Springfield, Oklahoma. Hans næsta
stóra hlutverk var í veiðimyndinni A
River Runs Through it. Hann lék síðan
fjöldamorðingja í Kalifornia og stelpur
víða um heim skræktu þegar hann var
ber að ofan í gallabuxum að grafa skurð.
Kvikmyndaspekúlantar spáðu þessum
sykursæta dreng ekki langlífi í kvikmynd-
um en þeir þurftu heldur betur að éta
allt ofan í sig. Pitt hefur verið duglegur
að nýta sér ekki útlitið heldur leyft hæfi-
leikum sínum að blómstra. Hann lék
blóðsuguna du Lac í Interview with a
Wampire. Hann varð loks ein stærsta
kvikmyndastjarna Hollywood þegar hann
lék lögreglumanninn David Mills í Seven
og kynntist þar sinni fyrstu eiginkonu,
Gwyneth Paltrow. Hann var tilfnefndur
til Óskarsverðlauna fyrir leik sinn í Terry
Gillian myndinni Twelfe Monkeys og
gerði Tyler Durden ódauðleg skil í Fight
Club.
Það væri hreinlega of langt mál að telja
upp allar þær myndir sem hafa gert það
gott í miðasölunni og Brad Pitt leikið í.
Hvort ástæðan sé sú að hann hefur
reynt að velja góð handrit og leiki bara í
góðum myndum skal ósagt látið. Brad
Pitt sjálfur er nefnilega nokkuð góð
ástæða fyrir velgengni kvikmyndar.
MÆLUM MEÐ Á DVD...
... kvikmyndinni Closer sem
kom út í gær. Natalie Portman,
Julia Roberts, Clive Owen og
Jude Law eru öll stórgóð í þess-
ari mynd eftir Mike Nichols. Ekki
skemmir tónlistin fyrir en meðal
laga í myndinni er The Blower’s
Daughter með Damien Rice.
Bæði Clive Owen og Natalie
Portman voru tilnefnd til Ósk-
arsverðlauna fyrir leik sinn í
myndinni og þar að auki fengu
þau bæði Golden Globe-verð-
launin. Þá var Owen tilnefndur til
bresku BAFTA-verðlaunanna.
Ekki bara sæti strákurinn
„Mrs. Robinson, you’re
trying to seduce me.“
Hinn saklausi Benjamin veit ekki hvaðan á sig
stendur veðrið þegar hin kynþokkafulla móðir
kærustu hans, frú Robinson, fer á fjörurnar við
hann. Ógleymanlegt atriði sem er klassískt í kvik-
myndasögunni. Anne Bancroft heitin og Dustin
Hoffman í fantaformi og ekki má gleyma lagi
Simon & Garfunkel, Mrs. Robinson.
BRAD PITT Er án nokkurs vafa orðinn að gull-
kálfi í Hollywood og myndir hans ganga oftast
mjög vel í miðasölu.
JOLIE OG PITT Það er óhætt að lofa því
að myndin sé kynþokkafull því bæði Jolie
og Pitt hafa verið ofarlega á listum yfir
fallegasta fólk heims.
INSIDE DEEP THROAT
Internet Movie Database 6,7 / 10
Rottentomatoes.com 79% / fersk
Metacritic.com 8,5 / 10
Þeir sem ekki stunda kvikmynda-
húsin af neinu viti bera oft fyrir
sig að þeir bíði eftir myndunum á
myndböndum. Það verður því há-
tíð í bæ hjá þeim í júnímánuði því
fjöldi gæðamynda mun líta dags-
ins ljós hjá myndbandaleigunum.
Fyrsta ber að nefna Napoleon
Dynamite sem kitlar hláturtaug-
arnar svo um munar en hún kom
út sjötta júni. Þann sextánda júní
er svo komið að stórmyndinni Avi-
ator eftir Martin Scorsese sem
flestir spáðu að myndi sópa að sér
Óskarsverðlaunum. Þrátt fyrir að
svo hafi ekki orðið þá er myndin
veisla fyrir augu og eyru. Tutt-
ugusta júní er komið að franska
meistarastykkinu Les Choristes
og skömmu eftir það kemur svo
Ray þar sem Jamie Foxx fer ham-
förum í hlutverki hins blinda Ray
Charles en hún kemur út 23. júní.
Þann 27. júní kemur svo loks
Million Dollar Baby eftir Clint
Eastwood, en myndin fékk öll
helstu Óskarsverðlaunin í ár.
Meðal annarra mynda sem koma
út í þessum mánuði má nefna
mynd Pedro Almódvar, La mala
educacion, House of Flying Dag-
gers og Mean Creek en þær voru
allar sýndar á IIFF kvikmyndahá-
tíðinni. ■
DICAPRIO OG BLANCHETT Það kom mörgum á óvart að mynd Scorsese skyldi ekki fá
Óskarinn í ár. Aviatior kemur á leigurnar 20. júní
Óskarsver›launamyndir
koma út á myndbandi