Fréttablaðið - 05.06.2005, Blaðsíða 23

um, sex kartöfluflögur, tvær
smákökur og vatn. Þarna var ég í
sex eða átta mánuði og þetta var
auðvitað eins og annað ömurlegur
tími,“ segir Aron.
Hann hefur nú komið sér fyrir
í íbúð í bænum Beaumont í Texas.
Faðir hans ber kostnað af íbúðinni
en lætur Aroni Pálma í té verkefni
sem hann vinnur á tölvu og fær af
því tekjur. Endar ná þó vart sam-
an en hann nýtur stuðnings for-
eldra sinna. Lífið er betra í leigu-
húsnæði en innan veggja fang-
elsanna. Aron Pálmi nýtur lífsins
með ýmsum hætti en er bundinn
reglum sem settar eru af fangels-
isyfirvöldum og hefur hann tæki
fast við ökkla sér svo hægt sé að
fylgjast með ferðum hans.
„Ég má fara einu sinni í viku út
í búð eða í kirkju. En ég þarf að
láta vita með viku fyrirvara ef ég
ætla mér að fara eitthvert annað
svo sem í klippingu og má auðvit-
að bara fara ef tilefni er til að
mati skilorðseftirlitismanns. En
ég hef ýmislegt fyrir stafni. Ég
les bækur og var núna að enda við
að lesa ævisögu Bills Clintons. Ég
hlusta líka mikið á tónlist. Tónlist
hjálpar mér að finna hvernig mér
líður, hún hjálpar mér mikið.“
Ætla ekki að hata sjálfan mig
Aron Pálmi segist bjartsýnn á
framtíðina. Hann vonast til að
barátta stuðningsmanna hans á Ís-
landi sem og ytra skili árangri og
hann fái tækifæri til að verða
fluttur til Íslands og ljúka afplán-
un sinni hér á landi. Hann segist
hafa gengið í gegnum nóg og hann
hugsi um framtíðina. Hann vilji
komast til Íslands enda sé banda-
rískt samfélag ekki draumasam-
félagið en Ísland hafi upp á margt
að bjóða.
„Það hefur ekkert upp á sig að
líta til baka. Í dag veit ég að það
sem ég gerði er rangt. Ég hugsa
og bið til þess einstaklings sem ég
braut gegn. Ég veit ekkert hvern-
ig er komið fyrir þeim einstak-
lingi í dag enda er mér bannað að
hafa samband við hann. En ég bið
til guðs að honum gangi vel. Ég
ætla ekki að hata sjálfan mig fyr-
ir það sem ég hef gert. Það skilar
engum árangri, ég verð að halda
áfram með mitt líf,“ segir Aron
Pálmi.
Hann er bjartsýnn á lausn.
Kaupsýslumaður í New Jersey
hafði samband við hann á dögun-
um og ætlaði að beita sér í máli
hans og sama hefur RJF-hópurinn
gert, svo og biskup Íslands og
fleiri. Aron Pálmi segist þakklát-
ur öllum þeim sem gera hvað þeir
geta til að sýna honum stuðning.
Allur stuðningur skipti máli og
hann er þakklátur.
„Eitt lítið bréf frá fólki getur
gert mig glaðan í marga daga. Það
er svo nauðsynlegt fyrir mig að
vita af stuðningi, það er það sem
heldur mér gangandi. Einn góðan
veðurdag vil ég geta þakkað öllum
fyrir stuðninginn með einhverju
móti en í dag geri ég það eitt að
bíða, biðja og vona að ég fái að
fara til Íslands og takast á við nýtt
líf.“
SUNNUDAGUR 5. júní 2005
Dagskráin í dag
sunnudaginn 5. júní
Næg bílastæði í Faxaporti
Samstarfsaðilar:
Listahátíð í Reykjavík og Íþrótta- og tómstundaráð Reykjavíkur
10:00 Athöfn við Minningaröldur Sjómannadagsins
við Fossvogskapellu í Fossvogskirkjugarði. Sr. Hjálmar Jónsson fer
með ritningarorð og bæn.
11:00 Sjómannaguðsþjónusta í Dómkirkjunni.
Karl Sigurbjörnsson biskup Íslands predikar og minnist drukknaðra
sjómanna. Sr. Hjálmar Jónsson þjónar fyrir altari. Meðan á
guðsþjónustu stendur verður lagður blómsveigur
á leiði óþekkta sjómannsins.
12:00 Hopp og skopp leiktæki: leikir, leiktæki, líf og fjör.
Fitnesskeppni fyrir börn kl. 14:30 - 15:30. Miðbakkinn.
13:00 - 16:00 Tjaldið - komdu og kynnstu hafinu, iðnaði og
íþróttum tengdu því. Háskólinn á Akureyri, Fiskistofa, Hafsúlan,
Faxaflóahafnir, Fjöltækniskóli Íslands, Hampiðjan, Sjómennt,
Kænu- og kappróðradeild Brokeyjar, Elding, Sportkafarafélag
Íslands, Vaktstöð siglinga, Björgunarsveitin Ársæll, nýbakaðar
vöfflur og lifandi harmonikkutónlist.
13:00, 14:00 og 15:00 Skemmtisigling fjölskyldunnar:
Skólaskipið Sæbjörg siglir um sundin blá. Ómetanlegt tækifæri
fyrir Reykvíkinga og gesti höfuðborgarinnar að sjá borgina frá
allt öðru sjónarhorni en venjulega. Aðgangur ókeypis.
Handavinna, basar og kaffisala á Hrafnistuheimilunum í Reykjavík
og Hafnarfirði.
13:00 - 16:00 Varðskipið Týr býður gestum um borð. Faxagarður.
13:30 Lúðrasveit Reykjavíkur leikur á Hafnarbakkanum fyrir
framan sirkustjaldið.
13:50 Í tilefni af Hátíð hafsins og alþjóðlegum umhverfisdegi
verður Bláfáninn afhentur Ylströndinni í Nauthólsvík fyrir gott
umhverfisstarf. Hjólað verður með fánann frá Miðbakka kl. 13:50.
Allir velkomnir.
14:00 - 15:00
Hátíðahöld Sjómannadagsins á Miðbakka
SETNING HÁTÍÐARINNAR:
Guðmundur Hallvarðsson, formaður Sjómannadagsráðs
ÁVÖRP:
Árni Mathiesen, sjávarútvegsráðherra.
Hjörtur Gíslason, formaður Útvegsmannafélags Reykjavíkur
Helgi Hjörvar, stjórnarformaður Faxaflóahafna.
Árni Sverrisson, skipstjóri
Sjómenn heiðraðir.
Kynnir: Guðjón Petersen.
Ath. Hátíðardagskrá Sjómannadagsins fer fram
í sirkustjaldinu á Miðbakkanum.
14:10 Sjósund á vegum Sjósundfélags Íslands. Synt verður frá
Faxagarði yfir á Hafnsöguprammann í Suðurbugt.
15:00 Ráarslagur: Kappar björgunarsveitinni Ársæli takast á og
reyna að fella andstæðing sinn í sjóinn.
Hafnsöguprammi í Suðurbugt.
Þyrla Landhelgisgæslunnar verður með björgunaræfingar yfir
austurhluta Reykjavíkurhafnar.
Hin eina sanna sjómannasveifla. Félagar úr Harmonikkufélagi
Reykjavíkur taka lagið í sirkustjaldinu.
Kappróður í innri höfninni. Frækin lið ræðara takast á.
Vinna Færeyingar bikarinn aftur í ár eða verða reykvískir
lögregluþjónar sigursælir?
Listflug yfir Reykjavíkurhöfn.
15:30 Hinir óviðjafnanlegu Gunni og Felix skemmta börnum
og fullorðnum í sirkustjaldinu á Miðbakkanum. Skyldu þeir nokkurn
tíman hafa farið á sjóinn?
16:00 Verðlaunaafhending úr róðrarkeppni fer fram í sirkustjaldi.
20:00 Sagan um Gústa trúð. Sýnt í sirkustjaldinu á Miðbakkanum.
Sagan um Gústa trúð er samstarfsverkefni Listahátíðar í Reykjavík
og Hátíðar hafsins með stuðningi Símans.
Miðasala síma 552 8588 og í Bankastræti 2.
MEÐ TÆKI FAST VIÐ ÖKKLANN Tækið, sem bundið er við ökkla Arons, getur numið
allar hreyfingar og hægt er að fylgjast með öllum ferðum hans.
Heimilisfang Arons
Hægt er að senda Aroni Pálma
bréf á eftirfarandi heimilisfang:
893 Alma Street
Beaumont
Texas 77705
USA