Fréttablaðið - 05.06.2005, Page 54

30 5. júní 2005 SUNNUDAGUR
Mikið var um dýrðir þegar haldið var upp á 75 ára af-
mæli Austurbæjarskóla í gær.
Hátíðahöldin hófust þegar farin var skrúðganga
frá skólanum niður á Laugaveg, þaðan upp Klappar-
stíg og Skólavörðustíg og framhjá Hallgrímskirkju
að skólanum aftur. Göngumenn rifjuðu upp tíðarand-
ann í kringum skólann á hinum ýmsu tímum í sögu
hans. Þannig klæddust nemendur fötum sem lýstu
tískusveiflum hvers áratugar frá því skólinn tók til
starfa til dagsins í dag. Í fararbroddi var þó slag-
verkssveit, fánaberar og fólk í þjóðbúningum.
Þegar skrúðgöngunni lauk hófst skemmtidagskrá
í skólaportinu. Þar var þess meðal annars minnst að
hundrað ár eru liðin frá fæðingu Stefáns Jónssonar
rithöfundar sem lengi kenndi við skólann við góðan
orðstír. Var gamla kennslustofan hans opin af því til-
efni fyrir gesti og gangandi. Þá sagði Vilborg Dag-
bjartsdóttir skáld frá kynnum sínum af Stefáni.
Hátíðardagskránni lauk með rokktónleikum í
skólaportinu. ■
Hann á afmæli...
Núverandi og fyrrverandi nemendur auk starfsmanna Austurbæjarskóla fögnu›u
í gær 75 ára afmæli skólans. Nemendur túlku›u tískusveiflur og tí›aranda me›
flví a› klæ›ast gömlum klæ›na›i í skrú›göngu um mi›bæ Reykjavíkur.
SJÓNVARPIÐ KEMUR Göngumenn virtust í engum vafa um hvað væri hápunktur sjö-
unda áratugar síðustu aldar. Sjónvarpið var þar fremst í flokki en þar á eftir fólk í fötum
sem einkenndu klæðaburð landsmanna milli 1960 og 1970.
Á ÖRUGGUM STAÐ Stundum er affarasælast að koma sér fyrir á háum stöðum og láta
aðra um að þramma áfram.
GÓÐ STEMNING Stúlkurnar virtust skemmta sér hið besta á afmælishátíð Austurbæjarskóla.
FR
ÉT
TA
B
LA
Ð
IÐ
/H
Ö
RÐ
U
R