Fréttablaðið - 04.07.2005, Blaðsíða 38

22 4. júlí 2005 MÁNUDAGUR
Hér er hægt að hlaupa í hringi þangað til maður getur ekki
meir og kasta sér svo í grasið og þefa aðeins af því.
Trén í Norðurmýrinni bera bráðum byggðina ofurliði og teygja
sig hátt til himins.
Þessi leikvöllur er í felum inn á milli Auðarstrætis, Bollagötu
og Gunnarsbrautar.
Hér er greinilega verið að undirbúa mikla matjurtarækt Flest húsin í Norðurmýrinni eru svipuð að utan og státa af fallega grónum görðum.
Útilistaverk eru á víð og dreif um Miklatúnið og eru bæði til prýði auk þess að lífga
ímyndunaraflið.
Há tré, litrík blóm, ljós og skuggar eru táknræn fyrir garðana í
Norðurmýrinni sem hafa haft hátt í sjötíu ár til að dafna.
Húsin við Flókagötuna eru mörg hver einkar glæsileg. Á Miklatúninu var nýverið komið upp strandblakvelli, með sandi og neti. Nú vantar bara sólina.
Norðurmýrin er með rómantískustu hverfum
Reykjavíkur. Hverfið byggðist á fjórða áratugnum
og þá voru sett niður örlítil tré sem hafa teygt úr
sér í tímans rás og nú fylla há tré heila garða. Hús-
in kúra í skjóli trjánna, grá, ferköntuð og feimin,
öll ólík en með sama svipmóti. Göturnar heita eftir
hetjum Íslendingasagnanna: ástarþríhyrningnum
Guðrúnu, Kjartani og Bolla, Gunnari á Hlíðarenda
og Hrafna-Flóka svo fáir séu nefndir. Ýmsar bók-
menntir eiga upptök sín á þessum slóðum, fyrst
kemur auðvitað upp í hugann bókin Mýrin eftir
Arnald Indriðason sem á sér að mestu leyti stað í
Norðurmýrinni og þar hafa ýmis mikilmenni vaxið
úr grasi en því til sönnunnar má nefna að uppvaxt-
arsaga Megasar, sem Þórunn Valdimarsdóttir
skráði, heitir einmitt Sól í Norðurmýri.
Norðurmýrin er einstaklega vel staðsett, stutt
niður á Laugaveginn og niður í miðbæ en langt í há-
vaðann sem oft vill fylgja miðbæjum. Stutt upp í
Kringlu ef eini tilgangurinn er að versla. Ekki má
gleyma Miklatúninu sem hvílir eins og grænn gim-
steinn við jaðar Mýrarinnar. Þar tíðkaðist að
sleppa lömbum og kálfum á vorin á fjórða áratugn-
um og þá var alveg bannað að leika sér á túninu. Nú
er öldin önnur og á Miklatúni eiga allir möguleika
á að una sér vel; leikvellir, íþróttasvæði, útilista-
verk, og stór græn tún sem duga vel þegar mann
langar að hlaupa eins hratt og maður getur, beint af
augum. Á Kjarvalsstöðum eru ætíð skemmtilegar
myndlistarsýningar og notalegt kaffihús fyrir list-
vini og þá sem kunna því vel að taka lífinu með ró.
Norðurmýrin er paradís fyrir ketti og krakka sem
stöðugt geta fundið ný ævintýri handan garðveggj-
anna og á milli stórra skuggsælla trjánna. Fólki líð-
ur vel þar í kyrrðinni, anganinni frá túninu og
trjánum með allt innan seilingar. ■
Með allt innan seilingar
Norðurmýrin er í raun bæjarmiðjan, mitt á milli miðbæjarins og Kringlunnar. Hverfið byggðist á
fjórða áratug síðustu aldar og er án vafa eitt það rómantískasta í borginni.
FR
ÉT
TA
B
LA
Ð
IÐ
/V
AL
LI