Fréttablaðið - 03.10.2005, Síða 44

26 3. október 2005 MÁNUDAGUR
Af Norðurbrú blasir tanginn við sem bryggjan mun setja svip sinn á í framtíðinni og þá mun bryggjuhverfið standa undir nafni.
Rautt og blátt eru áberandi litir utanhúss í Sjálandshverfi.
Sterk heildarmynd er á hverfinu og húsin falla vel hvert að öðru.Hallgrímskirkja og Skarðsheiðin blasa við úr gluggum.
Sjálandsskóli er myndarleg bygging sem máluð er í glaðlegum litum. Örn Z. Árnason teiknaði hann. Strandvegurinn er aðalíbúðagatan.
FR
ÉT
TA
B
LA
Ð
IÐ
/E
. Ó
L.

Glæsilegt hverfi er að byggjast upp við Arn-
arnesvoginn í Garðabæ. Það heitir Sjáland
og sækir götunöfn sín til Kaupmannahafnar.
Bryggjuhverfið í Garðabæ er sem óðast að taka á
sig mynd. Þótt bryggjan sé ekki komin þá er búið
að forma tangann sem hún verður við og á honum
er húsasmíðin að hefjast. Ör uppbygging er á
svæðinu sem hlotið hefur nafnið Sjáland og nú
þegar hefur verið flutt inn í fjölda íbúða sem
flestar eru í tveggja og þriggja hæða fjölbýlis-
húsum. Lóðir eru meira að segja frágengnar
sums staðar og gróður farinn að setja svip á um-
hverfið. Um 760 íbúðir verða í Sjálandshverfinu
þegar það verður fullbyggt, þar af 200 fyrir eldri
borgara og gert er ráð fyrir að íbúar hverfisins
verði um 2000 talsins. Arkitektar að flestum hús-
um í hverfinu eru Björn Ólafsson, Björn Jóhann-
esson og Guðni B. Pálsson.
Í samræmi við heiti hverfisins hafa nöfn á göt-
urnar verið sótt til gömlu herraþjóðarinnar, Dan-
merkur. Þannig mun Langalína teygja sig út á
tangann og verslunargatan heita Strikið. Aðal-
íbúagatan heitir Strandvegur í höfuðið á einni
lengstu götu Kaupmannahafnar og niður á hana
gengur Norðurbrú. Höfnin sem enn er ekki
fullgerð mun heita Nýhöfn og göngustígar með-
fram ströndinni hafa fengið nöfnin Hafnarslóð og
Sagnaslóð.
er nú sjáanlegt á Íslandi
Sjáland