Fréttablaðið - 02.12.2005, Síða 28

2. desember 2005 FÖSTUDAGUR28
fólkið í landinu
STAÐURINN
TÖLUR OG STAÐREYNDIR
Þingeyri við Dýrafjörð kúr-
ir værðarlega undir gráyrj-
óttu Sandafellinu, þegar við
Sigurður Þór Salvarsson og
Gunnar V. Andrésson ökum
niður af Gemlufallsheiðinni
milli Önundarfjarðar og
Dýrafjarðar.
Það er því sem næst alskýjað;
hæglætisveður og drungaleg
skammdegisskíman endurkast-
ast af sléttum haffletinum. Dýra-
fjörðurinn er hvítur yfir að líta,
þó ekki alhvítur, það er frekar
snjólétt; fjöll engu að síður fann-
barin hið efra.
Kaldbakur gnæfir yfir til suð-
urs en í vestri stendur Mýrafellið
stakt einsog útvörður fjarðarins.
Við brúna yfir fjörðinn á móts
við Ketileyri hópar sig æðarfugl
í straumkastinu.
Fjarðargata verður Hafnarstræti
Þorpið á Þingeyri er langt og mjótt;
teygir sig frá eyrinni sjálfri þar
sem sagan segir að Dýrafjarðar-
þing hafi verið haldið til forna og
út með Sandafellinu til austurs.
Fjarðargata er lengsta gatan; svo
löng að það þarf tvö nöfn á hana,
nafnið breytist í Hafnarstræti
þegar komið er niður á eyrina.
Nýsteiktar kleinur
Við ætlum að heilsa upp á eina
af þekktustu dætrum Þingeyrar;
Vögnu Sólveigu Vagnsdóttur, sem
er þjóðkunn fyrir framlag sitt til
þjóðmálaumræðunnar gegnum
spjallþætti útvarpsstöðvanna.
Það er ekki þrautalaust að finna
húsið hennar; Þingeyrarbúar eru
sparir á húsnúmer einsog gerist
víða á landinu. Það hefst að lokum
og Sólveig tekur á móti okkur af
íslenskum rausnarskap; kaffi og
nýsteiktar kleinur á borðum og
brauð með hangiketi aukinheld-
ur.
Húsfreyja gerir lítið úr góð-
gerðunum; snertir varla á þeim
sjálf, nýtur þess frekar að sjá
gestina gera sér þær að góðu.
Utan við gluggann eru börn að
leik; reyna að renna sér á sleða en
það gengur hálfbrösuglega vegna
snjóleysis. Hér og hvar er búið að
hengja upp jólaljós.
Fiskvinna í fimmtíu ár
Sólveig hefur búið á Þingeyri
síðan hún var tvítug en hún
stendur á sjötugu. Og lengst af
vann hún í fiskvinnslu. Nú er hún
komin á eftirlaun og dagarnir
líða hægt. „Það er rólegt og gott
að búa hérna, en það er ekkert að
hafa fyrir sálina,“ segir hún og
hlær íbyggin á svip. Röddin er
hrjúf.
Hún segir meðalaldur íbú-
anna háan. „Þetta er svo mikið
sextíu ára og eldra,“ segir hún
með hægð. „Þess vegna er svona
lítið gert fyrir Þingeyri,“ bætir
hún við, „þetta er ónýtt fólk,“ og
nú ískrar í henni hláturinn. Hún
talar umbúðalaust; er hress og kát
og sér iðulega hinar spaugilegu
hliðar hlutanna. „Ég segi það sem
mér finnst,“ segir hún ákveðin.
„Mér er nákvæmlega sama hver á
í hlut, ef ég tel mig hafa rétt fyrir
mér. Og það má líka segja hvað
sem er við mig á móti, ég ræð því
hvað ég tek inn á mig.“
Beinagrindin ein eftir
Þingeyri sameinaðist byggð-
arlögum norðan Dýrafjarðar
fyrir nokkrum árum undir nafni
Ísafjarðarbæjar. Sólveig seg-
ist ekki hafa stutt sameiningu
og að margir sjái nú eftir því
að hafa samþykkt þetta. „Það
er bara búið að éta allt utan af
beinagrindinni,“ segir hún hisp-
urslaust. „Frá því göngin komu
og sameiningin varð, þá er bara
ekkert eftir, hvert einasta starf
farið til Ísafjarðar. Göngin liggja
bara í norður ... ekki suður,“ segir
hún fastmælt.
Og sem dæmi um það hvern-
ig þjónusta hefur minnkað með
árunum nefnir hún læknisþjón-
ustuna. „Það kemur hér læknir
frá Flateyri eða Ísafirði tvisvar
í viku og þú verður eiginlega að
panta tíma viku eða hálfum mán-
uði áður en þú veikist,“ segir hún
sposk á svip og skellir svo upp úr.
Listakona í höndunum
Þegar Sólveig hætti að vinna í
frystihúsinu var hún ekki tilbú-
in að setjast í helgan stein. Hún
fór að dunda við að móta styttur
af alls kyns fígúrum og hlutum í
leir og fæst líka við að skera úr
andlit í fjalir og spýtur auk þess
sem hún saumar út. „Ég sit ekki
iðjulaus og læt mér leiðast,“ segir
hún og það hnussar í henni.
Allt ber þetta góðu handverki
vott og Sólveig hefur af og til
brugðið sér suður til að sýna og
selja. Mest segist hún þó gera
þetta til gjafa. „Þetta er fínt í jóla-
gjafir,“ segir hún og handfjatlar
gripina sína af varúð.
Langar að fara
Sólveig kemur úr stórum syst-
kinahópi og þær eru enn fjórar
systurnar sem búa á Þingeyri og
nokkur barna þeirra líka. Og svo
gæti farið að Sólveig og hennar
börn færu burt einsog svo margir
á undan þeim. „Okkur langar til
að fara en hvað verður úr því veit
ég ekki,“ segir hún og horfir fjar-
rænum augum útum gluggann. ■
Ekkert að hafa fyrir sálina
VAGNA SÓLVEIG VAGNSDÓTTIR Vagna hóf listsköpun þegar hún hætti launavinnu og mótar fígúrur í leir, sker út í tré og saumar út.
Íbúafjöldi 1. desember 2004: 335
Íbúafjöldi 1. desember 2000: 333
Íbúafjöldi 1. desember 1988: 472
Sveitarfélag: Ísafjarðarbær
Bæjarstjóri: Halldór Halldórsson
Helstu atvinnufyrirtæki: Fjölnir fisk-
vinnsla, Véla- og bílaþjónusta Kristjáns,
Verslun Dúdda Sigm, Harðfiskverkun
Ragnars, Heilsugæslan
Skólar: Grunnskólinn á Þingeyri, Leik-
skólinn Laufás
Vegalengd frá Reykjavík: 429 km um
Hvalfjarðargöng
ÞINGEYRI
Sú var tíðin að fjórar verslanir voru reknar á Þing-
eyri. Nú er aðeins ein eftir, sem ber nafn einsog
búðir gerðu hér á öldinni sem leið: Dúddabúð.
Verslunin er til húsa í gömlu bárujárnsklæddu
húsi niður á eyrinni og þar er Ragnar Þórðarson
konungur í ríki sínu; kaupmaður í þriðja ættlið.
Verslun og veitingahús
Ragnar segir reksturinn erfiðan og það sé í raun
tóm vitleysa að standa í þessu. „Ég er búinn að
basla í þessu í tvö og hálft ár og það sem vantar
er eiginlega að fólkið hér á staðnum geri það
upp við sig hvort það vill hafa búð hérna eða
ekki,“ segir hann mæðulega. Og til að skjóta
fleiri stoðum undir reksturinn heldur hann úti
litlum veitingastað eða bar í sama húsnæði.
„Það er þetta sem heldur þessu uppi eins og er,“
segir hann um leið og hann afsakar hvað úrvalið
á barnum sé fátæklegt.
Flutningskostnaðurinn sligar
Eitt af því sem Ragnar segir að sé að sliga alla lands-
byggðaverslun er flutningskostnaðurinn. „Ég fékk til
dæmis þrjátíu kílóa pakka með flugi um daginn og
það kostaði sextíu krónur á kílóið og ég fékk tíu kílóa
pakka með Flytjanda og það kostaði 166 krónur á
kílóið. Þetta er auðvitað bara rugl,“ segir hann og hristir
höfuðið.
Stofnleið um Suðurfirðina
Samgöngumálin eru Ragnari í Dúddabúð hugleikin og
hann segir ekkert vit í að halda úti tveimur stofnleiðum
frá svæðinu, annars vegar um Djúpið og hins vegar
um Suðurfirðina. „Leiðin um Suðurfirðina er og verður
styst og ef við einbeitum okkur að því að byggja upp
stofnleiðina um Suðurfirðina komast allir Vestfirðingar
til Reykjavíkur á þremur tímum,“ segir hann og talar
einsog pólitíkus.
ATVINNUREKANDINN: RAGNAR ÞÓRÐARSON Í DÚDDABÚÐ
Það er tóm vitleysa að standa í þessu
ÞINGEYRI Jaðarbyggð í Ísafjarðarbæ sem hefur orðið útundan að sumra sögn.
um ›JÓL
ALIÐ!
Vinningar ver›a afhentir hjá BT Smáralind 19-23.desember milli kl 12-22. 99 kr/skeyti›. Me› flátttöku ertu kominn í SMS klúbb.
AÐALAVINNINGUR ER JÓLAPAKKI
HANDA ALLRI FJÖLSKYLDUNNI!
10. hver vinnur eitthva› af flessu hér:
MEDION V8 X2 tölvur • PANASONIC heimabíó • Denver DVD
spilarar • PANASONIC miniDV tökuvélat • Sony Stafrænar
myndavélar • GSM símar • Jólaís Kjörís • PSP tölva • Sony MP3
spilarar • Konfekt frá Nóa Síríus • PlayStation 2 tölvur
• Bíómi›ar fyrir tvo á The Family Stone • Fullt af geislaplötum
• CocaCola kippur • Fullt af DVD • Víking Malt kippur • Fullt af
tölvuleikjum • Frí ADSL áskrift hjá BTnet!
að verðmæ
ti
550.000,-
Sendu SMS skeyti› BT BTF á
númeri› 1900 og flú gætir unni›!
Vi› sendum flér spurningu tengda BT og jólunum sem flú
svarar me› SMS skeyti BT A, B á númeri› 1900.
10. hver
vinnur!