Fréttablaðið - 22.12.2005, Side 6

6 22. desember 2005 FIMMTUDAGUR
Komdu í spennandi heim
afþreyingar og upplýsinga
Smelltu þér á www.ogvodafone.is, farðu í næstu verslun Og Vodafone
eða hringdu í 1414 fyrir nánari upplýsingar.
24.900 kr.
MOTOROLA V3 RAZR
SÍMI
INNBROT „Ég ákvað að bregða
mér í World Class og fór í tvo
tíma. Þegar ég kom heim sá
ég að spenntur hafði verið upp
kræktur eldhúsgluggi og brotist
inn,“ segir Berglind Bjarný Guð-
mundsdóttir, hjúkrunarfræði-
nemi sem býr ásamt vinkonu sinni
í kjallaraíbúð við Hátún í Reykja-
vík. „Þetta gerðist 15. desember,
sama dag og ég kláraði prófin.“
Meðal þess sem stolið var hjá
Berglindi var glæný fartölva sem
hún hafði þá átt í um þrjár vikur.
„Ég var búin að vera inni í her-
bergi að læra fyrir próf nánast
allan þennan tíma og skrifborðið
er þannig staðsett að örugglega
sést vel inn og blokk beint á móti.
Svo er náttúrlega blár bjarmi af
tölvunni. Svo datt mér reyndar
líka í huga að einhver hefði fengið
ábendingu eða séð til þegar tölv-
an var keypt og setið um að stela
henni, en auðvitað gæti þetta
hafa verið hver sem er,“ segir
Berglind. Lögreglan kom sama
dag og innbrotið var framið en
ekki hefur heyrst frá henni síðan
um gang rannsóknarinnar.
Berglindi Bjarnýju er nokkuð
brugðið við atburðinn og hefur
gripið til aðgerða til að sagan
endurtaki sig ekki. Í gær voru
til að mynda settir rimlar fyrir
glugga hjá henni. Þá er tjónið við
að tapa nýrri fartölvu tilfinnan-
legt enda um dýrt tæki að ræða.
„Ég keypti hana á tölvukaupaláni
Tryggingamiðstöðvarinnar og á
raunar ekki að byrja að borga af
henni fyrr en í næsta mánuði. Við
fyrstu sýn virðist sem ég verði
að gera það því starfsmanninum
sem seldi mér tölvuna láðist að
spyrja hvort ég vildi tryggingu
með henni, en ég hélt að hún
fylgdi með í kaupunum fyrst
tölvan var á láni frá trygginga-
félaginu,“ segir Berglind, sem
þó kveðst ætla að kanna þau mál
nánar.
Hörður Jóhannesson, yfir-
lögregluþjónn í Reykjavík, segir
að oftast virðist sem tilviljun ráði
mestu um hvar innbrotsþjófar
láta greipar sópa. „Stundum virð-
ist manni sem þessum mönnum
sé ætlað að vera skipulagðari en
þeir eru í raun. Núna í vikunni
gripum við einn sem gekk bara á
milli húsa og bankaði upp á með
upplogið erindi. Þar sem enginn
var heima braust hann inn,“ segir
Hörður.
Pétur Már Jónsson, yfirmaður
tjónadeildar VÍS, segir innbrots-
þjófa væntanlega hafa ýmis ráð
þegar að því kemur að velja sér
fórnarlömb. „Síðasta vor heyrði
ég af því að misindismenn hefðu
gáð að því hvaða börn væru að
fermast til að velja vænlegan stað
til innbrota. Svo er auðvitað er
fræðilegur möguleiki að fylgjast
með einhverjum sem er að kaupa
grip á borð við fartölvu eða flat-
skjársjónvarp, elta heim og sæta
svo lagi með þjófnaðinn síðar.“
olikr@frettabladid.is
Þjófur sætti lagi með-
an enginn var heima
Ung kona í Reykjavík lenti í að brotist var inn hjá henni um hábjartan dag með-
an hún brá sér frá. Þrjár vikur voru síðan hún keypti sér nýja fartölvu. Nýlega
var gripinn þjófur sem bankaði upp á í húsum til að gá hvort einhver væri heima.
BERGLIND BJARNÝ GUÐMUNDSDÓTTIR Þegar ljósmyndara bar að garði í gær var verið að
setja rimla fyrir glugga kjallaraíbúðarinnnar þar sem Berglind býr, en um miðjan mánuðinn
var spenntur upp hjá henni gluggi og verðmætum stolið.RÉTTABLAÐIÐ/HEIÐA
MOSKVA, AP Dúman, neðri deild
rússneska þingsins, er komin vel
á veg með að samþykkja umdeilt
lagafrumvarp þar sem starfsemi
frjálsra félagasamtaka eru settar
verulegar skorður.
Frumvarpið felur í sér að sér-
stök opinber eftirlitsstofnun verð-
ur sett yfir hundruð frjálsra rúss-
neskra félagasamtaka og fylgist
með skráningu, fjárreiðum og
starfsemi þeirra. Stofnunin getur
leyst samtök upp og til henn-
ar verða þau að gefa ítarlegar
skýrslur.
Við aðra umræðu í gær sam-
þykkti Dúman frumvarpið með
yfirburðum, með 376 atkvæðum
gegn tíu, og er talið nánast útilok-
að að það falli í þriðju umræðu eða
meðförum efri deildarinnar. Þá á
einungis Vladimír Pútín forseti
eftir að skrifa undir það.
Fylgismenn laganna segja þau
nauðsynleg til að koma í veg fyrir
starfsemi öfgahópa og hryðju-
verkasamtaka. Andstæðingar
þeirra segja hins vegar að með
lögunum vilji stjórnvöld halda
frjálsum réttindasamtökum undir
járnhæl sínum svo gagnrýni
þeirra hrindi ekki af stað mót-
mælahreyfingu eins og gerðist
í Úkraínu á síðasta ári. Raunar
eru stuðningsmenn frumvarps-
ins einnig ófeimnir við að viður-
kenna að þeir hafa áhyggjur af
starfi samtaka sem gagnrýna
stjórnvöld. - shg
Neðri deild rússneska þingsins samþykkir umdeild lög:
Starf félagasamtaka takmarkað
VLADIMÍR PÚTÍN Ósennilegt er talið að
hann leggist gegn lögunum enda eru þau
sögð runnin undan rifjum hans.
FRÉTTABLAÐIÐ/AP
DÓMSMÁL 26 ára Sunnlendingur
var dæmdur í níu mánaða fangelsi
í Héraðsdómi Suðurlands í gær.
Maðurinn rauf með ítrekuð-
um ölvunarakstri undir lok ágúst
skilorð fyrri dóms og fer því í fang-
elsi. Sjö mánuðir refsingarinnar
eru hins vegar skilorðsbundnir í
þrjú ár. Þá var maðurinn sviptur
ökuréttindum ævilangt.
Maðurinn hefur margoft hlotið
dóma, en árið 1997 var hann
tvívegis sektaður og sviptur öku-
rétti í samtals fjóra mánuði fyrir
ölvunarakstur. Þau brot framdi
hann fyrir átján ára aldur. Næst
hlaut maðurinn dóm árið 1999, þá
2001 og svo síðast í maí 2003. Er
þar um margvísleg brot að ræða,
þar á meðal á lögum um ávana- og
fíkniefni. - óká
Skilorðsrof með ölvunarakstri:
Fékk 9 mánaða
fangelsisdóm
SKATTAMÁL Borgarstjórn hefur
ákveðið að lækka álagningarpró-
sentu fasteignaskatts um 22 pró-
sent frá og með áramótum. Álagn-
ingarhlutfall fasteignaskatts á
íbúðarhúsnæði verður þá 0,25
prósent. Hlutfallið á yfirstand-
andi ári er 0,32 prosent.
Álagning á atvinnuhúsnæði verð-
ur óbreytt, 1,32 prósent, lóðarleiga
sömuleiðis eða 0,08 prósent en
álagningarhlutfall holræsagjalds
verður lækkað um tíu af hundraði
samhliða flutningi reksturs Frá-
veitunnar til Orkuveitu Reykja-
víkur.
Í stað þess að lækka álagning-
arprósentu fasteignaskatts mun
Kópavogsbær innheimta fast-
eignaskattinn og endurgreiða svo
með því að senda ávísun heim til
fólks. - ghs/jh
Fasteignaskattur í Reykjavík:
Lækkar um
22 prósent
SKIPULAGSMÁL Íbúasamtökin Betri
byggð boðuðu til blaðamannafund-
ar í Álftanesskóla í gær þar sem
Guðmundi Gunnarssyni, bæjar-
stjóra á Álftanesi, var afhentur
undirskriftalisti með 700 undir-
skriftum þar sem tillögum um nýtt
miðbæjarskipulag er mótmælt.
„Þrír af hverjum fjórum
íbúum sem náðist í skrifuðu
undir og það þykir okkur nokkuð
gott,“ segir Berglind Libungan
frá íbúasamtökunum. „Einnig
bárust um 200 athugasemdir
við þessar tillögur um nýjan
miðbæ.“
Guðmundur sagði á fundinum
að boðað yrði til fundar um málið
milli jóla og nýárs þar sem rætt
yrði framhaldið á þessu máli
sem sett hefur nokkurn svip á
mannlífið á Álftanesi.
Orri Gunnarsson frá Sam-
tökum um betri byggð, sem er
með aðsetur sitt í Reykjavík, vill
árétta að þau samtök eru á engan
hátt tengd því sem íbúasamtökin
á Álftanesi standa fyrir. „Hvaða
nafn sem íbúar á Álftanesi hafa
valið á samtök sín þá tengjast
þeir Samtökum um betri byggð á
engan hátt og það sem meira er,
baráttumál þeirra virðast sam-
kvæmt fréttaflutningi ganga þvert
á markmið Samtaka um betri
byggð,“ segir Orri. - jse
Tillögur um nýjan miðbæ á Álftanesi umdeildar:
Sjö hundruð mótmæla
MIAMI BEACH, AP Fyrstu niðurstöður
bandarískra flugmálayfirvalda á
tildrögum þess að sjóflugvél með
22 innanborðs hrapaði í hafið á
mánudagskvöldið benda til þess
að hægri vængur vélarinnar hafi
rifnað af skrokki hennar. Allir um
borð fórust.
Svo virðist sem sprunga hafi
verið í stoðgrind vængsins og er
talið að skemmdin hafi grafið
lengi um sig. Mark Rosenker, for-
maður rannsóknarnefndarinnar,
segir að þótt erfitt hafi verið að
finna sprunguna hefðu eigend-
ur vélarinnar átt að koma auga á
hana. 
Flugslysið við Miami Beach:
Vængurinn
brotnaði af
FLAKIÐ VEITT ÚR SJÓNUM Bátur hífði flak
sjóflugvélarinnar upp úr sjónum í gær og
var það illa farið eins og vonlegt var.
FRÉTTABLAÐIÐ/AP
NOREGUR Norskir saksóknarar
hafa ákært sex manns fyrir ránið
á tveimur af frægustu mynd-
um Edvard Munch, Ópinu og
Madonnu.
Tveir menn stálu myndunum úr
Munch-safninu í Ósló um hábjartan
dag í ágúst 2004 og síðan hefur ekk-
ert til verkanna spurst. Þriðji mað-
urinn ók ræningjunum af vettvangi
og hinir þrír eru sagðir hafa geymt
verkin og skipulagt tengda glæpi.
Talið er að þeir sem stóðu á
bak við Stafangursránið svo-
nefnda hafi látið stela myndunum
til að beina athyglinni frá því. Í
því ráni var hunduð milljónum
króna rænt. 
Ópið og Madonna Munchs:
Sex ákærðir
fyrir ránið
KJÖRKASSINN
Vildir þú sjá Hillary Clinton sem
næsta forseta Bandaríkjanna?
Já 80%
Nei 20%
SPURNING DAGSINS Í DAG:
Á að herða kröfur á starfsmanna-
leigur?
Segðu skoðun þína á visir.is
NÝJU MIÐBÆJARSKIPULAGI MÓTMÆLT Guðmundur Gunnarsson, bæjarstjóri á Álftanesi,
tekur við mótmælalistanum á blaðamannafundi Betri byggðar í gær.
Ferskur eldislax bannaður
Rússnesk yfirvöld hafa bannað
innflutning á ferskum eldislaxi frá
Noregi og gildir bannið frá næstu
áramótum. Gengi bréfa í norskum
fiskeldisfyrirtækjum hefur fallið vegna
þessa.
NOREGUR