Fréttablaðið - 22.12.2005, Síða 38

22. desember 2005 FIMMTUDAGUR38
Allt stefnir í það að raunávöxtun
lífeyrissjóðanna fyrir árið í heild
verði mjög góð.
„Það eru allar líkur á því að
ávöxtunin í ár verði yfir tíu prósent.
Þannig gæti þetta orðið þriðja árið
í röð sem lífeyrissjóðirnir fara yfir
tíu prósenta markið en auðvitað er
erfitt að spá,“ segir Hrafn Magnús-
son, framkvæmdastjóri Landssam-
taka lífeyrissjóða.
Þetta stafar einkum af hag-
stæðri þróun á íslenskum hluta-
bréfamarkaði, þar sem sjóðirnir
eru umsvifamiklir, en úrvalsvísi-
talan hefur hækkað um 60 prósent
á árinu. Úrvalsvísitalan hækkaði
um 23 prósent á fyrri hluta ársins
en hefur hækkað um 30 prósent á
þeim seinni. Einnig hafa erlendir
hlutabréfamarkaðir verið hagfelld-
ir en á móti kemur styrking á gengi
krónunnar.
Þá bendir allt til þess að rau-
návöxtun síðustu fimm ára hækki
talsvert þar sem árið 2000 dettur út
en þá var ávöxtun lífeyrissjóðanna
neikvæð. Hrafn býst við að þegar
árið 2005 verði tekið inn þá hækki
fimm ára ávöxtunin úr þremur pró-
sentum í yfir fimm.
„Allt hefur þetta í för með sér að
það er mikil aukning í eignum sjóð-
anna,“ bendir Hrafn á. Þannig fóru
hreinar eignir lífeyrissjóðanna upp
fyrir eitt þúsund milljarða króna í
febrúar síðastliðnum og voru komn-
ar í 1.110 milljarða í lok ágúst.
Milliuppgjör lífeyrissjóðanna
sýndu mjög góða ávöxtun. Þannig
nam til dæmis raunávöxtun Gildis
lífeyrissjóðs, eins af stærstu lífeyr-
issjóðunum, um fimmtán prósent-
um á fyrstu sex mánuðum ársins og
ellefu prósentum hjá Söfnunarsjóði
lífeyrisréttinda. Á síðasta ári nam
raunávöxtun lífeyrissjóðanna 10,5
prósentum en 11,3 árið 2003. Ekki
er þó víst að metárið 1999 falli en þá
var raunávöxtunin tólf prósent.
Lífeyrissjóðir miða við að þeir
verði að ná 3,5 prósenta ávöxtun
umfram verðbólgu til að geta staðið
við framtíðarskuldbindingar sínar.
Þrátt fyrir góðan árangur á síðustu
tveimur árum hafa skuldbindingar
sjóðanna aukist vegna hækkandi
örorkubyrði og lífsaldurs fólks.
Tryggingafræðileg staða stærstu
lífeyrissjóða landsins versnaði á
síðasta ári þrátt fyrir góða ávöxt-
un. eggert@frettabladid.is
Skjár einn tapaði 400
milljónum króna á
fyrstu sex mánuðum
þessa árs. Uppsafnað tap
var í lok júní rúmir 1,3
milljarðar.
Íslenska sjónvarpsfélagið, sem
rekur meðal annars Skjá einn,
tapaði um 400 milljónum króna
á fyrri helmingi þessa árs. Sam-
kvæmt efnahagsreikningi félags-
ins í lok júní var uppsafnað tap
rúmir 1,3 milljarðar króna. Allt
árið í fyrra tapaði Skjár einn 182
milljónum króna.
Þegar Síminn var enn í eigu
ríkisins var ákveðið að kaupa
90 prósent hlutafjár í Íslenska
sjónvarpsfélaginu. Það var gert
með kaupum á tveimur félögum;
Íslensku sjónvarpi og Fjárfesting-
arfélaginu Bröttubrú fyrir sam-
tals 183 milljónir króna. Mánuði
áður en Síminn var seldur í sumar
var 750 milljón króna skuld Skjás
eins við Símann breytt í hlutafé.
Á hluthafafundi Símans á
þriðjudaginn var samþykkt að
Skjár einn myndi renna saman við
Símann. Fengu hluthafar Skjás
eins hlutabréf að nafnverði 173
milljóna króna í Símanum fyrir
tíu prósenta hlut sinn.
„Síminn átti fyrir í þessu félagi
rúmlega 90 prósent og þetta er
samkvæmt samkomulagi sem var
í gildi við þessa eigendur áður
en við keyptum Símann,“ sagði
Lýður Guðmundsson, stjórnarfor-
maður Símans, á hluthafafundin-
um. Aðspurður sagðist hann ekki
geta, vegna trúnaðarsamnings,
greint nákvæmlega frá verðmæti
tíu prósenta hlutar í Íslenska sjón-
varpsfélaginu.
365 miðlar, sem gefur út Frétta-
blaðið, rekur einnig Stöð tvö og
NFS sem eru í samkeppni við Skjá
einn á sjónvarpsmarkaðnum. - bg
Tapaði 400 milljón-
um á hálfu ári
LÍFEYRISSJÓÐIRNIR VAXA HRATT Raunávöxtun lífeyrissjóðanna stefnir í að verða yfir tíu prósent
þriðja árið í röð. Þrátt fyrir það hafa skuldbindingar sjóðanna verið að aukast.
Raunávöxtun yfir tíu pró-
sent þriðja árið í röð
Lífeyrissjóðirnir njóta góðs af miklum hækkunum innlendra hlutabréfa. Eignir
sjóðanna vaxa hratt. Framtíðarskuldbindingar aukast þrátt fyrir góða ávöxtun.
„Niðurstaðan kom okkur dálítið á
óvart. Könnunin var gerð í síðustu
viku þegar margir voru að gagn-
rýna starfsemi Íbúðalánasjóðs. Við
erum að vonum mjög ánægð með
þetta,“ segir Hallur Magnússon,
sviðstjóri hjá Íbúðalánasjóði, um
könnum Gallups á viðhorfi fólks til
sjóðsins.
Spurt var í könnuninni: „Hversu
traustan eða ótraustan telur þú
Íbúðalánasjóð vera.“ Niðurstaðan
sýnir að 84 prósent svarenda telja
Íbúðalánasjóð traustan, en tæp
fjögur prósent töldu sjóðinn ótraust-
an. Tólf prósent svöruðu því til þeir
teldu Íbúðalánasjóð hvorki traustan
né ótraustan.
Lítill munur var á svörum eftir
kyni, þeirra sem eru eldri en 24 ára,
búsetu og menntun. Tekjulægri
fjölskyldur treysta Íbúðalánasjóði
heldur minna en þær tekjuhærri.
Þó töldu 75 prósent þeirra Íbúða-
lánasjóð vera traustan. - bg
HVERSU TRAUSTUR ER ÍBÚÐA-
LÁNASJÓÐUR*
Mjög traustur 38,8%
Frekar traustur 45,4%
Hvorki né 12%
Frekar ótraustur2,6%
Mjög ótraustur 1,2%
*Könnun IMG Gallup í desember 2005
Telja Íbúðalánasjóð traustan
Mörg andlit Símans
Brynjólfur Bjarnason, forstjóri Símans, sagði á hlut-
hafafundi í fyrradag að það væri kannski viðkvæmt
fyrir marga hluthafa að breyta nafni fyrirtækisins.
Samþykkt var að breyta nafni Landssíma Íslands í
Síminn, en það nafn hefur verið notað í auglýsing-
um fyrirtækisins undanfarið. Brynjólfur sagðist þó
ætla að halda nafninu Landssími Íslands ehf. sem
á hundrað ára afmæli á næsta ári. Rifjaði hann upp
að upphaflega hét fyrirtækið Landssíminn, síðan
Póst- og símamálastofnun, Póstur og sími, Lands-
síminn hf. og núna Síminn. Sagði hann
að það ætti ekki að koma neinum á
óvart að það nafn, sem gæti fleytt þeim
best fram í framtíðina, væri valið.
Skattmann vill vita
Núningur er alltaf nokkur á milli Rík-
isskattstjóra og bankanna um hversu
miklar upplýsingar hinir síðarnefndu
eigi að gefa til skattsins um viðskiptavini sína.
Bankarnir halda fast í það sjónarmið að meðan
lagaóvissa sé um það hvaða upplýsingar megi
láta af hendi, þá muni þeir hvergi hreyfa sig til að
létta Indriða Þorlákssyni ríkisskattstjóra lífið við
netvæðingu skattframtala landsmanna. Innan KB
banka hafa menn verið harðir á þessu sjónarmiði
og þar innanbúðar gætir nokkurrar furðu yfir því
að Indriði hafi sagst hafa spurt að því hvers vegna
KB banki neitaði að láta upplýsingar af hendi hér
á landi sem látnar væru af fúsum og frjálsum vilja
í Noregi og Svíþjóð, þar sem dótturfé-
lög bankans störfuðu. Fór í taugarnar á
sumum að skattstjórinn dró fram eitt
fyrirtæki umfram annað, auk þess sem
bankinn rekur ekki enn sem komið er
lánastarfsemi í Noregi og hefur því ekki
sent norskum skattayfirvöldum upplýs-
ingar um lánastöðu viðskiptavina.
Peningaskápurinn...
Greining Íslandsbanka telur verð-
lagningu á bréfum Avion Group
vera hæfilega. Í dag hefst sex
milljarða hlutafjárútboð til fag-
fjárfesta í tengslum við skráningu
félagsins í Kauphöllina.
Þar sem rekstur félagsins er
ólíkur rekstri annarra skráðra
félaga er líklegt að það henti vel
inn í hlutabréfasöfn fjárfesta
vegna áhættudreifingar að mati
Íslandsbanka.
Avion Group fær tímabunda
undanþágu vegna skráningarinn-
ar þar sem fyrirtækið uppfyllir
ekki skilyrði um dreifða eignar-
aðild. Ætlunin er að Straumur-
Burðarás greiði öllum hluthöfum
sínum í arð hluta af bréfasafni
Straums í Avion.
Bankinn reiknar með að Avion
Group verði komið í úrvalsvísitöl-
una um mitt næsta ár. - eþa
Avion Group hóflega verðlagt
MARKAÐSPUNKTAR
Gengið var frá kaupum Landsnets á
flutningsvirkjum Landsvirkjunar. Það
er liður í gefa raforkusölu frjálsa um
áramót.
Eignarhlutur Atorku Group stendur í
65,7 prósent af virku hlutafé í Jarðbor-
unum
SÍF hf. hefur selt 40% eignarhlut sinn í
sölufyrirtækinu Icebrit Ltd. í Bretlandi.
Við það eignast Páll Sveinsson og fjöl-
skylda fyrirtækið að fullu.
MAGNÚS ÞORSTEINSSON Hlutafjárútboð
Avion Group tiil fagfjárfesta hefst í dag.
Íslandsbanki álítur að Avion sé á hóflegu verði.
SKJÁR EINN Mikið tap var af rekstrinum á
fyrrihluta ársins.
Tölur miðast við 21.12.2005 kl. 14:39
SKATA
saltfiskur,
siginn fiskur og kinnar.
OPIÐ Í DAG
10-22
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 5.361 +0,14% Fjöldi viðskipta: 249
Velta: 2.522 milljónir
HLUTABRÉF Í ÚRVALSVÍSITÖLU: Actavis 49,80 +1,00% ... Bakkavör
51,70 +0,40% ... FL Group 18,15 +1,40% ... Flaga 4,86 -0,80% ...
HB Grandi 9,50 -0,50% ... Íslandsbanki 16,90 -0,60% ... Jarðbor-
anir 24,50 +0,00% ... KB banki 702,00 +0,30% ... Kögun 59,80
+0,00% ... Landsbankinn 24,90 -0,40% ... Marel 65,70 +0,00%
... SÍF 4,18 +0,50% ... Straumur-Burðarás 15,70 +0,00% ... Össur
112,00 +0,50%
MESTA HÆKKUN
Nýherji +1,49%
FL Group +1,40%
Atlantic Petroleum +1,09%
MESTA LÆKKUN
Flaga -0,82%
Íslandsbanki -0,59%
Mosaic Fashions -0,56%