Fréttablaðið - 22.12.2005, Qupperneq 41

FIMMTUDAGUR 22. desember 2005 3
1 dálkur 9.9.2005 15:19 Page 6
GJAFAKORT Í
JÓLAPAKKANN
HENNAR
Dýrasta gata Parísar er Avenue
Montaigne sem liggur frá miðri
Champs-Elysée breiðgötunni
og niður að Ölmugöngunum,
þar sem Díana prinsessa lést í
bílslysi. Avenue Montaigne og
Champs-Elysée mynda, ásamt
Avenue George V (með sam-
nefndu hóteli og tískuhúsi Jean-
Pauls Gaultier), hinn svokallaða
gyllta þríhyrning. Reyndar er
Champs-Elysée breiðgatan sú fal-
legasta í heimi, að sögn Frakka. Í
það minnsta er hún ótrúlega fal-
leg með jólaljósum sínum.
Á Avenue Montaigne eru öll
flottustu tískuhúsin í París sam-
ankomin á einum stað. Þessi gata
er ómissandi viðkomustaður hjá
efnuðum útlendingum og reynd-
ar öðrum sem láta sér nægja að
berja dýrðina augum og anda á
rúðurnar.
Þarna eru, svo dæmi séu tekin,
aðalstöðvar Dior-veldisins í húsi
númer þrjátíu sem Christian Dior
keypti á sjötta áratugnum. Jóla-
gjöfin í ár er úrið „Cristal“ eftir
John Galliano sem hægt er að
kaupa á litlar 1500 evrur í stálút-
gáfu en verðið er líklega ekki það
sama með 48 demöntum og safír-
armbandi. Á númer 27 er skart-
gripabúð Bulgari, Louis Vuitton á
54, Emmanuel Ungaro á 2, Chanel
á 42, Calvin Klein 45, Nina Ricci,
Prada, Dolce og Gabbana og svo
mætti lengi telja. Ekki má heldur
gleyma einu flottasta hóteli Par-
ísar, Plaza Athénée sem þarna er.
Daglegt brauð er að sjá svartan
Mercedes Benz, Rolls Royce eða
Jagúar með bílstjóra stoppa fyrir
utan tískuhúsin og út stíga Nicole
Kidman, Söru Jessicu Parker
eða Brad Pitt. Prinsessur eru oft
á ferð, hvort sem þær eru evr-
ópskar eða arabískar og blæjum
huldar. En lúxusheimurinn hefur
breyst og nú gerist það einnig að
meðaljóninn kemur og kaupir
sér eina tösku eða flík. Þegar ég
var hjá YSL fyrir ein jólin seldi
ég manni forláta krókódílatösku,
jólagjöf eiginkonunnar sem borg-
uð var í tvennu lagi.
Japanir eru einstaklega hrifn-
ir af frönskum merkjum og safna
sér oft árum saman fyrir ferð og
þá er hápunkturinn að fjárfesta
í lúxusvarningi á Avenue Mont-
aigne. Oft er Asíubúum reyndar
aðeins selt að hámarki fimm ein-
tök af því sama til að koma í veg
fyrir að þeir braski með vöruna
þegar heim er komið.
Það merkilega er þó að fræga
fólkið sem er búsett í París kýs
oft heldur að rölta um St. Germ-
ain des Prés-hverfið, til dæmis
um götu sem heitir Rue de Gren-
elle, án bílstjóra og lífvarða. Þar
er allt eins líklegt að mæta Mon-
icu Belucci, Charlotte Gains-
bourg eða Kylie Minogue með
hundinn sinn.
Síðasta sunnudag fyrir jól og á
aðfangadag, því þá eru tískuhús-
in opin til klukkan 18.00, er við-
skiptavinum svo gjarnan boðið
upp á kampavín eða heitt súkku-
laði.
Hinn gyllti þríhyrningur
Úr háborg tískunnar
BERGÞÓR BJARNASON SKRIFAR FRÁ PARÍS
Ófeigur Sigurðsson á gamlan
frakka frá Eimskipafélaginu
sem hann notar mikið. Fólki
bregður við þegar það sér
hnappana á yfirhöfninni en þar
má sjá þórshamarinn, merki
Eimskipafélagsins.
Rithöfundurinn Ófeigur Sigurðs-
son á frakka sem er í miklu uppá-
haldi. ,,Þetta er sennilega um 80
ára gamall skipstjórafrakki frá
Eimskipi. Hann er alíslenskur og
framleiddur í Kjörgarði í Reykja-
vík. Hann skartar forláta gull-
hnöppum með gamla merki Eim-
skipafélagsins, þórshamrinum.“
Ófeigur keypti frakkann í Fríðu
frænku síðastliðið sumar. ,,Það
vantar nokkra hnappa á hann en
Fríða ætlaði að finna fleiri fyrir
mig svo ég á eftir að smíða frakk-
ann aðeins betur til.“
Yfirhöfnina notar Ófeigur
dagsdaglega en kveðst þó ein-
ungis klæðast henni á Íslandi.
,,Fólki bregður dálítið við þegar
það sér þórshamarinn og áttar sig
ekki strax á því að merkið sé frá
Eimskipafélaginu. Ég myndi ekki
klæðast frakkanum í Þýskalandi
enda væri það ólöglegt þar sem
svastikan er bönnuð. Mér yrði
ekki hleypt inn í landið í honum,“
segir Ófeigur hlæjandi og bætir
því við að hann sjái eftir merkinu
á gamla Eimskipafélagshúsinu.
,,Ég tel algjör mistök að hengja
yfir merkið. Það verður aldrei
hægt að afhjúpa það aftur því það
yrði of mikið sjokk.“
Ófeigur kveðst yfirleitt ganga í
notuðum fötum. ,,Ég fer nú eigin-
lega aldrei í búðir en þau fáu föt
sem ég kaupi verða að duga lengi.
Ég er yfirleitt alltaf í sömu fötunum
sem ég nota þar til þau hverfa.“
Ófeigur hefur nóg að gera þessa
dagana en hann var að gefa út
bókina Áferð hjá forlaginu Trakt-
or og hefur fengið frábæra dóma.
,,Ég er að lesa upp hér og þar og
reyna að kynna bókina vegna þess
að Traktor hefur ekki efni á aug-
lýsingum,“ segir hann að lokum.
mariathora@frettabladid.is
,,Það eru aðallega útlendingar sem fá
nett sjokk þegar þeir sjá frakkann. Þegar
betur er að gáð þá stendur Eimskipafélag
Íslands kringum merkið,“ segir Ófeigur um
hnappana á frakkanum.
Frakki úr Kjörgarði
OPIÐ Í DAG
TIL KL. 22
ÞORLÁKSMESSU
TIL KL. 23
AÐFANGADAG
FRÁ KL. 10-12
Gjafakortið hennar
Gleðileg jól
ÞÖKKUM FRÁBÆRAR
VIÐTÖKUR Á ÁRINU
SEM ER AÐ LÍÐA.
STARFSFÓLK
OG EIGENDUR
NÆS CONNECTION
550 5000
AUGLÝSINGASÍMI