Fréttablaðið - 02.02.2006, Blaðsíða 60

2. febrúar 2006 FIMMTUDAGUR40
Framleiðendur kvikmyndarinnar
Köld slóð leita nú logandi ljósi að
fimm ára gamalli stúlku. Myndin
fer í tökur 20. febrúar og eru á
meðal leikenda Þröstur Leó Gunn-
arsson, Elva Ósk Ólafsdóttir og
Anita Briem í aðalhlutverkum.
Telpunni er einmitt ætlað að leika
Elvu Ósk á bernskuárunum og þarf
því að hafa svipað andlitsfall. Hún
á að vera grannleit, ófeimin, ljós-
hærð eða skolhærð, með millisítt
hár. Er það ágætis lýsing á þeirri
heppnu sem hreppir hlutverkið.
Köld slóð er spennumynd sem
gerist við virkjun á hálendi Íslands.
Blaðamaðurinn Baldur rannsakar
dularfullt dauðsfall öryggisvarð-
ar við virkjunina. Í fyrstu er hinn
harðsnúni blaðamaður hálf áhuga-
laus um málið en það breytist
skjótt þegar móðir hans tilkynnir
honum að hinn látni sé blóðfaðir
hans, sem Baldur kynntist aldrei.
Í trássi við ritstjóra sinn fer Bald-
ur að virkjunni, staðráðinn í að
fræðast meira um örlög föður síns
og kemst þar í kynni við alls kyns
óþjóðalýð.
Það er Björn Br. Björnsson
sem leikstýrir myndinni og auk
áðurtaldra leikara koma meðal
annars við sögu Helgi Björnsson
og Hjalti Rögnvaldsson. Áætlað er
að frumsýna Kalda slóð í lok árs-
ins. - fgg
Leitað að ungri Elvu Ósk
ELVA ÓSK Leitað er að fimm ára stelpu til
að leika Elvu á bernskuárunum.
FRÉTTABLAÐIÐ / VALGARÐ
Það er gott að þekkja gott fólk – einkum þegar nær dregur kosn-
ingunum. Fréttablaðið skautaði yfir sviðið og kannaði hverjir
eru hvar þegar kemur að prófkjöri.
FRÍTT FÖRUNEYTI
FRAMBJÓÐENDA
ÞORHILDUR ÞORLEIFSDÓTTIR
LEIKSTJÓRI
Steinunn Valdís Óskarsdóttir borgarstjóri mun hafa safnað öfl-
ugu teymi á bak við sig og Bergþór Bjarnason er kosningastjóri
hennar. Fyrst skal telja upp þingmenn Samfylkingar og eru
það þau Guðrún Ögmundsdóttir, Jóhanna Sigurðardóttir,
Katrín Júlíusdóttir og Helgi Hjörvar. Þá er Steinunn Valdís
sögð hafa sterka stöðu í úthverfum borgarinnar, til dæmis
í Grafarvogi. Einnig nýtur hún stuðnings Þórhildar Þor-
leifsdóttur, Ragnheiðar Vigfúsdóttur og Kristínar Jónsdótt-
ur, móðursystur Dags B. Eggertssonar, en þær voru allar
saman í Kvennalistanum á sínum tíma. Ekki fylgir sögunni
hvort önnur flokksystir hennar, Ingibjörg Sólrún Gísladóttir,
styður hana en það gerir fyrrum aðstoðarkona hennar, Anna
Kristín Ólafsdóttir. Sigurð Gylfa Magnússon og
Gísla Gunnarsson sagnfræðinga þekkir Stein-
unn sjálfsagt frá því í Árnagarði þar sem hún
sat á skólabekk, en báðir hafa þeir ritað bréf
henni til stuðnings. Þá hafa Hilmar Odds-
son leikstjóri og Ragnheiður Skúladóttir,
deildarforseti leiklistardeild-
ar LHÍ, einnig hvatt Stein-
unni til dáða.
Stefán Jón Hafstein, oddviti Samfylkingar-
innar í borgarstjórn, er formaður menning-
ar- og ferðamálaráðs borgarinnar. Það þarf
því ekki að koma á óvart að hann leitaði í
listaheiminn eftir liðsinni og fékk Soffíu
Karlsdóttur, kynningarfulltrúa Listasafns
Reykjavíkur, til að stýra kosningabarátt-
unni fyrir sína hönd. Stefán Jón blés í lúðra
á laugardaginn og hóf kosningabarátt-
una með léttum fundi. Sjónvarpsstjarnan
Sirrí sá um fundarstjórn og þarna mátti
meðal annars sjá Ara Skúlason og Gylfa
Arnbjörnsson framkvæmdastjóra. Stefán
nýtur einnig stuðnings meðal skálda því
á fundinum voru þeir Kristján Hreinsson
og Einar Kárason. Einar Már Guðmunds-
son og Halldór Guðmundsson hafa einn-
ig lýst yfir stuðningi við Stefán Jón. Það
hafa María Ellingsen leikkona, Margrét
Pálmadóttir kórstjóri, Jón Atli Jónasson og
Andri Viðarsson líka gert, sem og Ásthild-
ur Helgadóttir, landsliðsfyrirliði í knatt-
spyrnu en það vekur ekki síst athygli fyrir
þær sakir að hún býður sig fram á lista
sjálfstæðismanna í Kópavogi. Þá hafa Sig-
urður G. Guðjónsson útgefandi og Sigurjón
Sighvatsson verið orðaðir við stuðnings-
mannalið Stefáns.
Dagur B. Eggertsson hefur fram
að þessu verið óháður borgar-
fulltrúi Samfylkingarinnar, og
hefur hann marga góða menn á
sínum snærum. Valgerður systir
hans stýrir kosningabaráttunni og
hefur hún, eins og bróðir hennar
áður, góð tengsl í stúdentapólitík-
inni þar sem hún sat í stúdentaráði
fyrir hönd Röskvu. Guðmundur
Steingrímsson fjölmiðlamaður
og Kristján Guy Burgess, fyrr-
verandi blaðamaður, eru sagðir
vilja veg Dags sem mestan innan
borgarstjórnar og það gera líka
þeir Andri Snær Magnason rithöf-
undur og Sigtryggur Magnason
auglýsingamógúll. Dagur nýtur
líka stuðnings Felix Bergssonar
leikara, Björgvins G. Sigurðsson-
ar, þingmanns Samfylkingarinnar,
og Hrannars B. Arnarssonar, fyrr-
verandi borgarfulltrúa R-listans.
Þá er Jón Baldvin Hannibalsson
stuðningsmaður Dags og haft er
fyrir satt að Þórólfur Árnason,
fyrrverandi borgarstjóri, styðji
hann af hliðarlínunni.
bergsteinn@frettabladid.is
GUÐMUNDUR STEIN-
GRÍMSSON FJÖL-
MIÐLAMAÐUR
ANDRI SNÆR MAGNASON RITHÖFUNDUR
HILMAR ODDSSON LEIKSTJÓRI
SIGURÐUR G. GUÐJÓNSSON ÚTGEFANDI
fréttablaðið/e.ól
FR
ÉT
TA
B
LA
Ð
IÐ
/
R
Ó
B
ER
T
FRÉTTABLAÐIÐ
/ STEFÁN
FR
ÉT
TA
B
LA
Ð
IÐ
/
G
VA
FR
ÉT
TA
B
LA
Ð
IÐ
/
P
JE
TU
R
FR
ÉT
TA
B
LA
Ð
IÐ
/
P
Á
LL
B
ER
G
M
A
N