Fréttablaðið - 19.03.2006, Side 2

FLUGVALLARMÁL Skafti Þórisson,
formaður Félags slökkviliðsmanna
á Keflavíkurflugvelli, telur íslensk
stjórnvöld ekki hafa efni á því að
reka tvo stóra flugvelli.
Félagið sendi í gær frá sér álykt-
un þess efnis að brottför banda-
ríska varnarliðsins frá Íslandi í
haust kallaði á „meiriháttar upp-
stokkun á rekstri og stjórnsýslu
Keflavíkurflugvallar, svo og öllum
flugrekstrar- og flugöryggismál-
um Íslands,“ eins og segir orðrétt í
tilkynningunni.
Skafti telur ljóst að íslensk
stjórnvöld verði að axla þá ábyrgð
sem fylgir því að taka við stjórn og
rekstri alþjóðaflugvall-
ar. „Það er staðreynd að
íslensk stjórnvöld
munu taka við rekstri
flugvallarins og ég tel
það liggja ljóst fyrir að
þau hafa ekki efni á því
að reka tvo flugvelli.
Það liggur því fyrir að
stórfelldar breytingar
á rekstri og stýringu
flugmála í landinu eru
óhjákvæmilegar. Ég tel
því skynsamlegast að
gera Keflavíkurflug-
völl að miðstöð flugs,
bæði innan og utan-
lands, hér á landi.“
Á vegum samgöngu-
ráðuneytisins starfar
nú nefnd sem er ætlað
að skoða meðal annars
mögulegan flutning á
miðstöð innanlandsflugs frá
Reykjavík til Keflavíkur, auk ann-
arra þátta er við koma flugmálefn-
um á höfuðborgarsvæðinu.
Helgi Hallgríms-
son, sem er formað-
ur nefndarinnar,
segir forsendur
starfsins í nefndinni
ekki breytast þrátt
fyrir að íslensk
stjórnvöld muni
koma að rekstri
Keflavíkurflug-
vallar með meiri
mætti en þau hafa
gert hingað til, í
ljósi þess að banda-
ríska varnarliðið
mun fara af landi
brott í haust. „Það
hefur ekki áhrif á
störf nefndarinnar, þótt líklegt sé
að íslensk stjórnvöld komi til með
að taka meiri þátt í rekstri Kefla-
víkurflugvallar í ljósi breyting-
anna sem boðaðar hafa verið. Við
tökum að sjálfsögðu ekki afstöðu
til þess hvort færa eigi miðstöð
innanlandsflugs frá Reykjavík til
Keflavíkur. Okkar verkefni er að
gera úttekt á flugvallarmálum á
höfuðborgarsvæðinu og einn af
þeim kostum sem eru til skoðunar
er hvort það komi til greina að
færa miðstöð innanlandsflugs til
Keflavíkur.“
Auk Helga sitja í nefndinni Þor-
geir Pálsson flugmálastjóri, Dagur
B. Eggertsson, formaður skipu-
lagsráðs Reykjavíkurborgar, og
Sigurður Snævarr, hagfræðingur
Reykjavíkurborgar. Nefndin skilar
niðurstöðum sínum í haust.
Ekki náðist í Sturlu Böðvarsson
samgönguráðherra í gær en hann
var staddur í Frakklandi.
magnush@frettabladid.is
2 19. mars 2006 SUNNUDAGUR
LÖGREGLA Karlmaður á sjötugs-
aldri var fluttur á slysadeild eftir
að tveir menn réðust á hann og
rændu af honum veski og farsíma
í Vesturbænum rétt fyrir klukkan
tíu á föstudagskvöldið.
Maðurinn var á göngu nærri
gatnamótum Hringbrautar og
Suðurgötu þegar ráðist var á
hann. Rifu mennirnir úlpuna yfir
höfuð hans og börðu hann í jörð-
ina og héldu barsmíðunum áfram.
Maðurinn hljóp blóðugur með
sprungna vör á Select-bensínstöð-
ina við Birkimel. Starfsmaður
sem þar var að störfum segir
manninn hafa beðið um að lög-
reglan yrði kölluð til. Því næst
hafi maðurinn hlaupið aftur út og
ætlað að elta árásarmennina uppi.
Lögreglan hafi verið fljót á stað-
inn og fundið þann sem ráðist var
á en ekki þrjótana.
Lögreglan ók manninum á
slysadeild Landspítala - háskóla-
sjúkrahúss þar sem gert var að
sárum mannsins. Þau voru ekki
alvarleg.
Lögreglan býst ekki við að
málið upplýsist nema vitni gefi sig
fram, því maðurinn gat ekki lýst
útliti mannanna nema að litlu
leyti. Fáir voru á ferli þegar árás-
in átti sér stað og enginn hefur
gefið sig fram við lögreglu.
- gag
LÖGREGLAN FLJÓT Á VETTVANG Starfsmaður bensínstöðvar kallaði lögreglu til eftir að tveir
menn réðust með barsmíðum á sjötugan mann. FRÉTTABLAÐIÐ/HARI
Lögreglan vonlítil um að árás tveggja manna á sjötugan mann upplýsist:
Barinn í jörðina og rændur
SKOÐANAKÖNNUN Rúmlega helm-
ingur félagsmanna í Samtökum
iðnaðarins vill taka upp evru eða
61,1 prósent, á meðan aðeins 42,5
prósent almennings á Íslandi vilja
það og 47,6 prósent eru andvíg því,
samkvæmt skoðanakönnun sem
IMG Gallup gerði fyrir samtökin í
febrúar.
Samkvæmt könnuninni vill tæp-
lega helmingur félagsmanna sam-
takanna, eða 44,8 prósent, ganga í
Evrópusambandið en mun færri
eru á móti því eða 33,9 prósent. Á
sama tíma vilja 40,6 prósent lands-
manna ganga í Evrópusambandið
en nánast jafn margir eru á móti
því, 37,9 prósent. - eö
Samtök iðnaðarins:
Meirihlutinn
vill evru
Uppstokkunar á
flugrekstri krafist
Skafti Þórisson segir nauðsynlegt að taka flugrekstrarmál til endurskoðunar
vegna brotthvarfs Varnarliðsins. Formaður nefndar um flugvallarmál segir
vinnu um flugvallarmál ekki breytast þó Varnarliðið hverfi á braut í haust.
FRÁ VARNARLIÐSSVÆÐINU Ýmsir velta því nú fyrir sér
hvort brotthvarf Varnarliðsins frá Keflavíkurflugvelli
í haust muni verða til þess að miðstöð innanlands-
flugs verði flutt til Keflavíkur, í ljósi þess að íslensk
stjórnvöld taka við rekstri flugvallarins úr höndum
Bandaríkjamanna. FRÉTTABLAÐIÐ/
HELGI HALLGRÍMSSON Segir
forsendur vinnu í nefnd um flug-
vallarmál ekki breytast þrátt fyrir
miklar breytingar hjá íslenskum
stjórnvöldum. FRÉTTABLAÐIÐ/E.ÓL
Táningar teknir á bílum Sextán
ára piltur var tekinn fullur á bíl foreldra
sinna á Miklubraut klukkan þrjú í fyrri-
nótt. Lögreglan segir nokkuð algengt að
unglingar taki bíla foreldra án leyfis.
Með amfetamín til sölu Tveir
sautján ára strákar og einn nýorðinn
átján voru handteknir í morgunsárið í
Vesturbænum. Þeir voru með fíkni-
efni í bílnum. Lögreglan þekkti til eins
þeirra og stöðvaði bílinn og fann þar
amfetamín í söluumbúðum.
Teknir fullir og með kannabis
Ölvaðir ungir menn voru teknir á bíl í
borginni í gær. Lögreglan fann einnig
kannabisefni á þeim. Hún segir að svo
virðist sem mjög mikið sé í gangi af
efnum um þessar mundir.
LÖGREGLUFRÉTTIR
SVEITARSTJÓRNARMÁL „Vinstri-græn
- hreinar línur“ er yfirskrift allra
framboða Vinstri grænna til
sveitarstjórnarkosninga í vor.
„Við stöndum fyrir skýran valkost
í sveitarstjórnarmálum og kjarni
okkar pólitíkur er félagslegt rétt-
læti og náttúrusýn á alla mála-
flokka,“ segir Svandís Svavars-
dóttir, sem leiðir lista flokksins í
borgarstjórnarkosningunum í
Reykjavík í vor.
„Við lítum á skipulagsmál sem
umhverfismál og þau verða alltaf
að vera í sátt við mannlíf og
umhverfi.“ - eö
Vinstri grænir:
Umhverfissýn í
öllum málum
SPURNING DAGSINS
Kristinn, vantar alla
framsókn í flokkinn?
„Já, menn þurfa að sækja meira fram.“
Kristinn H. Gunnarsson segir að ef fram
heldur sem horfir endi Framsóknarflokkur-
inn sem lítill jaðarflokkur.
SERBÍA-SVARTFJALLALAND, AP Jarð-
neskar leifar fyrrverandi forseta
Júgóslavíu, Slobodans Milosevic,
voru fluttar í heimabæ hans Pozar-
evac í Serbíu í gær. Um 15.000
manns mættu í jarðarförina, en
áður höfðu minnst 80.000 manns
kvatt hann í Belgrad. Engir af nán-
ustu ættingjum Milosevics voru
þó viðstaddir athafnirnar.
Milosevic lést fyrir viku í
fangaklefa sínum í Haag í Hol-
landi, þar sem réttað var yfir
honum vegna stríðsglæpa og þjóð-
armorðs sem hann var ákærður
fyrir. - smk
Milosevic jarðaður:
Tugþúsundir í
jarðarför
KVEÐJUATHÖFN Um 80.000 manns tóku
þátt í kveðjuathöfn sem haldin var í minn-
ingu Slobodans Milosevic í Belgrad í gær.
FRÉTTABLAÐIÐ/AP
ÍRAKSSTRÍÐ, AP Þúsundir manna
víða um heim mótmæltu stríði
Bandaríkjanna gegn Írak í gær, en
þrjú ár voru þá liðin frá innrás
Bandaríkjahers inn í Írak. Flestir
mótmælendanna kröfðust þess að
Bandaríkin og önnur lönd kölluðu
heri sína tafarlaust heim frá Írak.
Færri mættu í göngurnar en
búist var við í flestum evrópskum
borgum, að Róm undanskilinni,
jafnvel þó skoðanakannanir sýni
að flestir Evrópubúar séu mót-
fallnir stríðinu. - smk
Íraksstríði mótmælt:
Þrjú ár liðin
frá innrásinni
STRÍÐI MÓTMÆLT Þessir tveir ungu Grikkir
tóku þátt í mótmælum í Aþenu í gær gegn
stríði Bandaríkjanna í Írak. FRÉTTABLAÐIÐ/AP
FRAKKLAND, AP Hundruð þúsunda
nema og annarra ungmenna
flykktust út á götur Parísar og
annarra franskra borga í gær í
stærstu mótmælum fram að þessu
gegn nýrri vinnulöggjöf í Frakk-
landi. Þetta var í annað sinn á
þremur dögum sem nemarnir
héldu mótmælagöngur gegn lög-
gjöfinni, í þetta sinn studdir af
stjórnendum og meðlimum verka-
lýðsfélaga. Um 160 göngur voru
skipulagðar víðs vegar um Frakk-
land og fóru flestar þeirra frið-
samlega fram, en í París lauk
göngunni með því að ungmenni
kveiktu í bíl, brutu búðarglugga
og fleygðu steinum og golfkúlum í
lögreglu. Lögregla sagðist í gær-
kvöld telja að um hálf milljón
manna hefði gengið gegn löggjöf-
inni, en skipuleggjendur mótmæl-
anna töldu að 1,5 milljónir manns
hefðu tekið þátt. Talið var að um
350.000 manns hefðu gengið í
Parísargöngunni einni saman.
Reiði fólksins stafar af fyrir-
huguðum lagabreytingum, sem
Dominique de Villepin forsætis-
ráðherra hyggst setja í þeim til-
gangi að draga úr atvinnuleysi
meðal ungs fólks, en með lagasetn-
ingunni verður atvinnurekendum
gert auðveldara um vik að segja
upp ungu starfsfólki. Atvinnuleysi
meðal ungs fólks er 23 prósent í
Frakklandi, en nær allt að fimmtíu
prósentum í fátækrahverfum stór-
borga. - smk
Frakkar gengu gegn nýrri vinnulöggjöf í gær:
Fjölmennustu mótmælin
MÓTMÆLI Fjölmargir Frakkar mótmæltu
nýrri vinnulöggjöf í gær. Myndin er frá
borginni Rennes. FRÉTTABLAÐIÐ/AP