Fréttablaðið - 19.03.2006, Blaðsíða 77

19. mars 2006 SUNNUDAGUR38
Ingólfur Guðbrandsson er víðförl-
astur núlifandi Íslendinga; hefur
alls ferðast til 145 landa og langt í
frá sestur í helgan stein. Fáir kunna
að ferðast af sama listfengi og
Ingólfur, sem nú miðlar hálfrar
aldar ferðamennsku sinni til
íslenskra ferðalanga á stuttnám-
skeiðum sem haldin verða á Grand
Hótel næstkomandi tvo laugardaga.
Flestir þrá að sjá sem mest af
veröldinni og á undanförnum árum
hafa margir skrifað bækur um þá
staði sem fólk verður að sjá áður en
það deyr.
„Í huga margra eru vissir hlutir
sem fólk þráir að upplifa áður en
dauðinn sækir það heim, en allt of
margir bíða með það fram á síðustu
stundu og eru dánir áður en þeir
fara í ferðina sem þeir ætluðu sér.
Ég vil ráðleggja fólki að gera plan
fyrir lífið og njóta þess meðan það
er enn hérna megin grafar,“ segir
Ingólfur.
„Ferðalög geta orðið hvati að því
að lifa betra lífi. Ísland er ákaflega
einangrað þjóðfélag og sjálfsagt að
fólk reyni að gera eitthvað gott og
marktækt úr lífi sínu. Það er mér
hugsjón að hjálpa fólki að skynja og
lifa lífinu dýpra. Öll ferðalög hafa
gildi, en oft og tíðum væri hægt að
fá mun meira út úr þeim. Mig lang-
ar að kenna Íslendingum að undir-
búa sig betur, ferðast með opnum
huga og hafa markmið með ferða-
laginu því njóti fólk engrar leið-
sagnar og ferðast óundirbúið fer
flest fyrir ofan garð eða neðan.“
Engin niðurstaða án samanburðar
Á lífsleiðinni hefur Ingólfur hitt
margan ferðalanginn nýkominn af
stórmerkilegum stað, sem þó hefur
ekki upplifað neitt.
„Það finnst mér sorgleg sóun.
Margir fara um mestu listaborgir
Ítalíu en allt það merkilegasta fer
framhjá vegna þess að fólkið vissi
ekki af því. Fæstir finna á sér að
eitthvað stórmerkilegt hafi gerst
þótt það sé statt á sögulegum
stað,“ segir Ingólfur, sem hefur
fyrir venju á nýjum stað að skoða
hann ekki án þess að verða sér úti
um besta mögulega leiðsögu-
manninn. Ingólfur þekkir af eigin
raun sjálfstæði íslenskra ferða-
langa.
„Það er séríslenskt fyrirbrigði
að telja sér allar leiðir færar og
geta gert allt best á ferðalögum.
Ferðalög eru eitt af stærstu áhuga-
málum samtímans, mikill hluti
neyslu almennings fer í ferðalög og
því skiptir máli hvernig þeim er
varið,“ segir Ingólfur, sem enn ferð-
ast mikið um heimsins undralönd.
„Ég hef séð mikið af hinum
byggða hluta heimsins, en á eftir að
sjá löndin í Mið-Asíu. Mér finnst ég
hafa margsannað fyrir sjálfum mér
að ekki er hægt að komast að neinni
niðurstöðu án samanburðar. Einn
aðalkostur ferðalaga er uppræting
fordóma. Þeim mun meira sem fólk
ferðast og menntar sig er það betur
í stakk búið til að hafa sjálfstæða
skoðun og draga réttar, fordóma-
lausar álykanir.“
thordis@frettabladid.is
Hvað er að frétta? Það er allt fínt að
frétta.
Augnlitur: Blár.
Starf: Listdansari og danshöfundur.
Fjölskylduhagir: Mjög fjölbreyttir.
Hvaðan ertu? Ég er úr Reykjavík.
Ertu hjátrúarfullur? Nei.
Uppáhaldssjónvarpsþáttur: Ég næ
aldrei að festast í einhverjum einum
sjónvarpsþætti. Ég horfi á það sem er í
gangi hverju sinni.
Uppáhaldsútvarpsþáttur: Ég hlusta
bara á það sem er í gangi hverju sinni.
Ég hlusta stundum á íslenska útvarpið
í gegnum netið í Svíþjóð. Þá líður mér í
smástund eins og ég sé heima.
Uppáhaldsmatur: Taílenskur grænn
karríréttur.
Fallegasti staður: Ennþá er það Ísland,
við sjáum til hvað gerist.
Hvað er skemmtilegast? Að vera í
félagsskap þar sem hugsanlega allt gæti
gerst en ekkert þarf að gerast.
Hvað er leiðinlegast? Að vera í félags-
skap þar sem ekkert gerist en allt þarf
að gerast.
Helsti veikleiki: Dagdraumar.
Helsti kostur: Frjótt ímyndunarafl.
Helsta afrek: Ég er ekki búinn að
afreka það ennþá.
Mestu vonbrigði: Ég reyni að gleymi
þeim eins fljótt og þau eru yfirstaðin.
Hver er fyndnastur/fyndnust? Friðrik,
vinur minn.
Hvað fer mest í taugarnar á þér?
Óheiðarleiki.
Uppáhaldskvikmynd: Núna er
það The Graduate eftir að ég sá
hana í Sjónvarpinu um daginn.
Uppáhaldsbók: Kafka.
Hvað er mikilvægast? Að
njóta augnabliksins.
HIN HLIÐIN GUNNLAUGUR EGILSSON LISTDANSARI
Mikilvægast að njóta augnabliksins
INGÓLFUR GUÐBRANDSSON: KENNIR ÍSLENDINGUM AÐ FERÐAST MEÐ STÆL
Lifað dýpra í undraveröld Ingólfs
VÍÐFÖRULL OG ENN AÐ SKOÐA HEIMINN Ingólfur Guðbrandsson fremstur í flokki íslenskra
og ævintýraþyrstra ferðalanga við Musteri Smaragarðs-Búddans við Konungshöllina í Bank-
ok í Tælandi. FRÉTTABLAÐIÐ/GVA
1. Að velja réttan stað á réttum tíma.
París heillar mig mest á vorin, í fjórar
vikur frá seinni hluta maí. Því vor-
kenni ég þeim sem velja annan tíma
til ferða um París, þegar töfrunum er
ekki saman við að jafna.
2. Að skipuleggja tíma sinn fyrir fram.
Áður en farið er af stað að velja eitt-
hvað sérstakt til að skoða og kynna
sér á merkum stað. Að taka með sér
eitthvað úr ferðinni sem verður dýr-
mætt í huganum og gefur merkilega
lífssýn, eins og til dæmis að skoða
eitt af bestu listasöfnum heims.
3. Að vanda val gististaða og stað-
setningu í stórborgum.
Grundvallaratriði er að vera á góðum
stað; annars fer maður á mis við allt
lífið og viðburðina.
4. Að ferðast óttalaust.
Að týna ekki hlutum eða slasa sig,
en sýna aðgát. Ótti hindrar marga í
að ferðast; hvort sem það er hætta
á hermdarverkum, fuglaflensan eða
annað. Ef fólk lifir í stöðugum ótta
kemur það engu í verk. Skynsemin
ætti að ráða og þá ekki fara á þá
staði sem hættulegastir teljast þá
stundina.

5. Að tengja ferðina nýrri lífsreynslu.
Með því til dæmis að komast á stór-
viðburði í listum eða vera viðstaddir
eitthvað sem telst til stórfrétta, og
auðga líf sitt um leið.
Fimm lykilatriði Ingólfs til
að ferðast með stæl
26.03 1979
HRÓSIÐ
...fær Jón Ólafsson fyrir að vera
óhræddur við að sýna leikhæfi-
leika sína, en hann leikur prest í
kvikmyndinni Tristan & Isolde
sem er með James Franco í
aðalhlutverki.
Kvikmyndagerðarmaðurinn Elvar
Gunnarsson hefur tekið við rekstri
Aðalvídeoleigunnar á Klappar-
stígnum en hún nýtur mikilla vin-
sælda hjá íbúum 101 enda oft hægt
að nálgast myndir sem fáar ef
nokkrar aðrar leigur hafa til taks.
Elvar vann á sínum yngri árum á
myndbandaleigu en margir leik-
stjórar hafa einmitt lýst því yfir að
þar hafi þeir orðið sér úti um sinn
mesta fróðleik og nægir að nefna
bandaríska leikstjórann Quentin
Tarantino sem þreytist seint á að
mæra þennan starfsferil.
Elvar tók heils hugar undir
þessa yfirlýsingu enda segist hann
vera með hálfgert myndbanda-
blæti. „Ég byrjaði að safna mynd-
böndum tíu ára og það var því hálf-
gert himnaríki að komast í vinnu á
myndbandaleigu,“ útskýrir Elvar,
sem sjálfur segist taka sér góðan
tíma þegar hann velur myndband.
„Mér líður mjög vel inni á mynd-
bandaleigum og tek mér hálftíma
til að finna réttu myndina,“ segir
hann.
Elvar mun bjóða upp á ýmsar
skemmtilegar nýjungar og má þar
nefna topp tíu lista leigunnar sem
birtur er einu sinni í viku. „Núna
erum við með tíu bestu lögin í
kvikmyndum,“ segir hann en einn-
ig verður leikari og leikstjóri vik-
unnar valin. „Þá höfum við verið
að panta kvikmyndir danska ris-
ans Carls Th. Dreyer en þær hafa
verið ófáanlegar hér á landi,“ segir
Elvar. Einnig hafa verið lögð drög
að því að fá B-myndir úr fram-
leiðslu Rogers Corman en leik-
stjórar sem unnu undir leiðsögn
hans urðu margir hverjir stór-
stjörnur í kvikmyndaheiminum.
- fgg
Líður vel á leigunum
ELVAR GUNNARSSON Er á heimavelli þegar
kemur að myndböndum en hann hefur
tekið við rekstri Aðalvídeoleigunnar á
Klapparstígnum.
FRÉTTABLAÐIÐ/VALLI
FRÉTTIR AF FÓLKI
Rithöfundar geta varla óskað útgáfu sinni meiri meðbyrs en þess sem
Andri Snær Magnason fær í segl
sín þessa dagana. Nýjasta bók hans,
Draumalandið - sjálfshjálparbók handa
hræddri þjóð kemur í hillur bókaversl-
ana eftir helgi, en í henni tæpir Andri
meðal annars á mögulegri nýtingu á
umráðasvæði hersins á Miðnesheiði
þegar hann ákveður að fara úr landi.
„Hverfið er aðskilið frá Keflavík með
Berlínarmúr en gæti
auðveldlega runnið
saman við bæinn,“
segir Andri í bókinni
og bætir við að
það hljóti að
felast tækifæri
í 400 þúsund
fermetrum af
íbúðarhúsnæði,
steinsnar frá
höfuðborginni
og alþjóðaflug-
velli mitt á milli
Evrópu og Ameríku. Bókin
er auk þess stútfull af innblásn-
um og oft bráðfyndnum vangaveltum
Andra um lífið og tilveruna, en útgáfa
bókarinnar hefur tafist um nokkrar vikur.
Edda, sem gefur bókina út, hlýtur þó að
líta á það sem blessun í dulargervi, því
bókin gæti ekki átt meira erindi en ein-
mitt nú að minnsta kosti hvað málefni
varnarliðsins snertir.
- bs
1 dálkur 9.9.2005 15:22 Page 10