Fréttablaðið - 19.03.2006, Qupperneq 6

6 19. mars 2006 SUNNUDAGUR
SJÁVARÚTVEGSMÁL Karfaveiðar
munu í ár dragast saman um sautján
prósent eða í 28.610 lestir miðað við
aflaheimildir frá árinu 2005, þetta
kemur fram í reglugerð sjávarút-
vegsráðherra.
Ástæða samdráttarins er sam-
komulag sem náðist á ársfundi
Norðaustur-Atlantshafsfiskveiði-
nefndarinnar (NEAFC) sem fór
fram í nóvember síðastliðnum.
Samkomulagið var að NEAFC
myndi lækka heildaraflamark sitt
út 75.200 lestum í 62.416 eða 17 pró-
sent og munu aðildarríkin draga úr
veiðum sínum sem því nemur. - sts
Veiðiheimildir lækkaðar:
Karfaveiðar
dragast saman
BAUGSMÁL Jón H. B. Snorrason,
yfirmaður efnahagsbrotadeildar
ríkislögreglustjóra, neitar að tjá sig
um dóm héraðs-
dóms í Baugs-
málinu og vísar
alfarið á Sigurð
Tómas Magnús-
son, settan sak-
sóknara í mál-
inu. „Málið er
enn til meðferð-
ar og í höndum
Sigurðar Tómas-
ar Magnússonar.
Það er óviðeig-
andi ég sé að tjá
mig um málið,“ sagði Jón.
Héraðsdómur sýknaði fyrr í
vikunni alla ákærðu í Baugsmálinu
en Jón H. B. Snorrason sagði sig frá
málinu þegar það var fyrir dómi.
- mh
Dómur í Baugsmálinu:
Jón neitar að
tjá sig um dóm
JÓN H.B. SNORRA-
SON Telur óviðeig-
andi að tjá sig.
300 handteknir Spænska lögregl-
an segist hafa handtekið nærri 300
Rúmena í tengslum við ofbeldisfull rán,
eiturlyf og vændi. Fólkið var flest hand-
tekið á Spáni, en fjórtán þeirra voru
teknir höndum í Rúmeníu.
SPÁNN
VINNUSLYS Gera má ráð fyrir að
fjöldi vinnuslysa hér á landi árlega
sé allt að þrefalt meiri en opinberar
tölur gefa til kynna og sé það rétt
eru þau í raun litlu færri en árleg
slys í umferðaróhöppum. Þetta er
mat Kristins Tómassonar,
yfirlæknis Vinnueftirlits ríkisins,
sem hefur tekið saman lista yfir
algengustu vinnuslys á landinu síð-
ustu tíu árin.
Samkvæmt þeim lista eru störf í
byggingariðnaði hættulegustu störf
sem unnin eru hérlendis en rúm-
lega 1.700 slys hafa verið tilkynnt í
þeim geira síðustu tíu árin. Þar af
eru tólf banaslys. Er það töluvert
hærra hlutfall en í málm- og skipa-
smíði. sem er sú grein er næst
kemur með alls tæplega 1.100 slys
á sama tímabili. Alls verða því 122
vinnuslys í byggingariðnaði ár
hvert að meðaltali en vinnuslys
teljast öll þau slys er leiða til fjar-
vistar lengur en einn dag eða eru
það alvarleg að varanlegt heilsu-
tjón hlýst af.
Alls hafa 10.389 vinnuslys verið
tilkynnt til Vinnueftirlitsins frá
árinu 1995 til loka síðasta árs, rúm-
lega þúsund slys árlega. Það er þó í
hróplegu ósamræmi við tölur úr
Slysaskrá Íslands en þar eru skráð
tæplega fimm þúsund vinnuslys
árið 2004 eingöngu.
Skýringar á þessu segir Krist-
inn liggja að hluta til í skilgreining-
um Vinnueftirlits á því hvað sé
vinnuslys og hvað ekki en einnig sé
pottur brotinn víða hjá minni fyrir-
tækjum sem ekki hirða um að til-
kynna um minniháttar slys. „Það
verða mörg minniháttar slys innan
fyrirtækja sem þó valda því ekki að
viðkomandi er fjarverandi frá
vinnu og slík tilvik þarf ekki að til-
kynna, en einnig er talsvert um að
hjá einyrkjum og minnstu fyrir-
tækjunum sé alls ekki tilkynnt um
nein slys og geta ástæður þess
verið margvíslegar.“
Athyglisvert er að slysum
fækkar í þungaiðnaði síðustu árin
en slysatíðni hefur löngum þótt há í
þeim greinum. Átak hefur verið
gert í slysavörnum á þeim vett-
vangi, sem skilar sér í lægri tíðni
slysa, og skoðar Vinnueftirlit ríkis-
ins nú leiðir til að fækka slysum í
byggingariðnaði með sama hætti
með það að grundvallarmarkmiði
að vinnustaðir verði slysalausir
með öllu.
albert@frettabladid.is
UNNIÐ Í NÝBYGGINGU Rúmlega tíu þúsund vinnuslys hafa verið tilkynnt til Vinnueftirlitsins frá árinu 1995 til loka síðasta árs. Það er í
ósamræmi við tölur úr slysaskrá Íslands er þar voru skráð tæplega fimm þúsund vinnuslys árið 2004 eingöngu.
Flestir slasast í
byggingarvinnu
Vinnuslys eru mun algengari en tölur Vinnueftirlitsins gefa til kynna en sam-
kvæmt þeim verða 122 slys í byggingariðnaðnum árlega. Yfirlæknir Vinnueftir-
litsins telur að slys séu allt að þrefalt fleiri en opinberar tölur gefi til kynna.
VIÐSKIPTI Mikill hagnaður varð á
rekstri Félagsbústaða á síðasta
ári sökum mikillar hækkunar á
fasteignaverði. Félagið, sem er í
eigu Reykjavíkurborgar og rekur
félagslegt leiguhúsnæði, skilaði
4,6 milljarða hagnaði eftir skatta
samanborið við hagnað upp á 1,5
milljarð árið 2004.
Matsbreytingar og söluhagn-
aður fjárfestingaeigna námu
4.831 milljónum króna en 218
milljóna króna tap varð af rekstri
félagsins fyrir þessa liði.
Tapið skýrist af auknum fjár-
magnskostnaði sem kom til vegna
hækkunar á verðtryggðum lang-
tímalánum.
Tekjur Félagsbústaða hækk-
uðu um níu prósent á milli ára
vegna hækkana á leiguverði og
fjölgunar íbúða á árinu.
Félagið keypti 74 íbúðir árið
2005 en seldi 24. Á þessu ári er
ráðgert að fjölga íbúðum um 193,
þar af eru áætluð kaup á 124
þjónustuíbúðum fyrir aldraða.
- eþa
FÉLAGSBÚSTAÐIR HAGNAST Hækkun á
fasteignaverði á höfuðborgarsvæðinu
skilaði Félagsbústöðum miklum hagnaði á
síðasta ári.
Félagsbústaðir, sem reka félagslegt leiguhúsnæði, skila methagnaði:
Græddu 4,6 milljarða
VINNUSLYS
Hættulegustu atvinnugreinarnar:
Byggingariðnaður 1723
Málm- og skipasmíði 1084
Fiskiðnaður 907
Flutningastarfsemi 725
Matvælaiðnaður 693
Opinber stjórnsýsla 689
Opinber þjónusta 529
Póstþjónusta 411
Heildverslun 341
Ál- og járnblendi 307
*tilkynnt slys til Vinnueftirlitsins 1995 - 2006
KJARAMÁL Þeir 55 starfsmenn
Orkuveitu Reykjavíkur sem eru í
verkalýðsfélaginu Eflingu lýsa
yfir furðu sinni á vinnubrögðum
vinnuveitanda síns við gerð kjara-
samnings milli þeirra. Samninga-
viðræður hvorki gangi né reki en
samningar runnu út í október.
„Þrátt fyrir að nú séu liðnir
þrír mánuðir frá því að gengið var
frá kjarasamningi við borgina
hafa engar alvöru viðræður átt
sér stað af hálfu fyrirtækisins,“
segir í ályktun fjölmenns fundar
starfsmannanna frá því á mið-
vikudag.
Harpa Ólafsdóttir, sviðstjóri
kjaramála hjá Eflingu, segir að
ekki hafi verið fundað frá því að
forsvarsmenn Orkuveitunnar
vildu fella niður símenntunar-
flokka og setja alla í efsta flokk.
Þessum flokkum hafi hins vegar
verið fjölgað úr fjórum í sex í
samningum við borgina. Hug-
myndir vinnuveitandans hafi leitt
til þess að fólk með mikla starfs-
reynslu hafi ekki hækkað í laun-
um.
Skúli Waldorff, starfsmanna-
stjóri hjá Orkuveitu Reykjavíkur,
segir hugmyndina hafa verið að
einfalda launakerfið þar sem í því
sé einnig gert ráð fyrir launa-
hækkunum eftir lífaldri. Hann
bendir á að tvo þurfi til þess að ná
samningum.
Ekki hefur verið ákveðið
hvenær deilendur funda næst.
- gag
Félagsmenn Eflingar sem vinna hjá Orkuveitu Reykjavíkur eru samningslausir:
Engar viðræður í þrjá mánuði
ORKUVEITA REYKJAVÍKUR Eflingarfólk innan
Orkuveitunnar hefur verið án kjarasamn-
ings frá því í október. FRÉTTABLAÐIÐ/VILHELM
DANMÖRK Í kjölfar úrskurðar
danska ríkissaksóknarans um að
Jótlandspósturinn hafi ekki brotið
lög með Múhameðsteikningunum
hefur málinu verið skotið til
mannréttindafulltrúa Sameinuðu
þjóðanna.
Að kærunni standa 27 samtök
múslima. Í fréttatilkynningu frá
samtökunum í gær kemur fram
að þau telji að ríkissaksóknari
hafi ekki tekið tillit til mannrétt-
indasamþykkta Sameinuðu þjóð-
anna og því sé þessi leið farin.
Samtökin segja líklegt að ein-
staklingar í Danmörku kæri
myndbirtingarnar á næstu miss-
erum. - ks
Múhameðsteikningar:
Samtök
múslima kæra
KJÖRKASSINN
Ertu sátt(ur) við að Varnarliðið
fari úr landi?
Já 65%
Nei 35%
SPURNING DAGSINS Í DAG
Fylgistu með Formúlu 1 kapp-
akstrinum?