Fréttablaðið - 07.05.2006, Page 94

7. maí 2006 SUNNUDAGUR38
Hvað er að frétta?
Ég er að byrja á sólóplötu sem kemur
út í haust og svo erum við Guðrún
Gunnars að byrja á okkar annarri
plötu sem ber heitið „Ég skemmti
mér í sumar“. Annars gengur lífið
sinn vanagang þó svo að það hafi
nú verið heldur betur viðburðarríkt
á þessu ári hjá mér. Það gengur
samt vel í söngbransanum og ég er
rosalega þakklátur fyrir það.
Augnlitur?
Stjörnugrænn.
Starf?
Söngvari.
Fjölskylduhagir?
Ég sef allavega einn þessa dagana...
Hvaðan ertu?
Akureyri/Dalvík/Öxnadal.
Ertu hjátrúarfull/ur?
Temmilega.
Uppáhaldssjónvarpsþáttur?
American Idol og Nip Tuck.
Uppáhaldsmatur?
Mömmumatur.
Fallegasti staður?
Eyjafjörðurinn er alltaf góður.
iPod eða geislaspilari?
iPod.
Helsti veikleiki?
Að detta í þá gryfju að hafa ekki trú á
sjálfum mér.
Helsti kostur?
Hreinskilni og jafnlyndi.
Helsta afrek?
Að vera ég sjálfur og vera stoltur af
því.
Mestu vonbrigði?
Hmm...leiðinleg spurning.
Hvað er skemmtilegast?
Syngja, vera með þeim sem ég dýrka
og...já!... messur í Hrísey. Það verða
allir að prófa það.
Hvað er leiðinlegast?
Afbrýðisemi og óraunsæi.
Hver er draumurinn?
Hús, bílar, sundlaug, maður og börn.
Hver er fyndnastur/fyndnust?
Guðrún, vinkona mín, fær mig alltaf
til að hlæja.
Á hvað trúirðu?
Guð og menn.
Hvað fer mest í taugarnar
á þér?
Ástin örugglega...ræðst
allavega á taugakerfið.
Uppáhaldsbók?
Are You Hungry
Tonight? Uppskrift-
ir Elvis Presley.
Hvað er
mikilvægast?
Fjölskyldan,
vinir, heilsa
og að vera
hamingjusam-
ur og brosa framan
í heiminn. Einnig er
nauðsynlegt að hafa
markmið í lífinu og
stefna hátt.
HIN HLIÐIN Á FRIÐRIKI ÓMARI HJÖRLEIFSSYNI SÖNGVARA
Ástin ræðst á taugakerfið
04.10.1981
HRÓSIÐ
...fá aðstandendur Megrunar-
lausa dagsins sem var í gær.
Markmiðið með honum er að
útrýma mismunun vegna holda-
fars.
Unnur Elísabet Gunnarsdóttir
dansari heldur sumarnámskeið
ásamt vinkonu sinni, Riinu Turu-
nen, í sumar þar sem þær munu
kenna ballett, nútímadans og
djassballett. „Við Riina kynntumst
þegar við vorum saman í konung-
lega sænska ballettskólanum. Hún
ætlar að koma og vera í mánuð á
Íslandi í sumar og við ákváðum
halda sumar-dansnámskeið. Nám-
skeiðin verða í skólanum hjá Guð-
björgu Björgvins og er skipt í þrjá
aldurshópa: 10-12 ára, 13-15 ára og
16 ára og eldri. Einnig munum við
bjóða upp á námskeið þar sem ein-
ungis verður kenndur jazzballett.
Í lok hvers námskeiðs verður svo
lítil sýning fyrir foreldra en við
munum semja að minnsta kosti
tvo dansa fyrir hvern hóp.“
Aðspurð um bakgrunn sinn í
dansheiminum segist Unnur hafa
byrjað dansferilinn aðeins fjögurra
ára gömul. „Ég byrjaði hjá Eddu
Scheving og fór svo í Listdansskóla
Íslands þegar ég var tíu ára og var
þar í fimm ár. Þaðan lá leið mín til
Svíþjóðar í konunglega ballettinn
og ég útskrifaðist þremur árum
seinna. Þegar ég kom heim fór ég
svo í Íslenska dansflokkinn þar
sem ég var í tvö ár,“ segir Unnur.
Sumarnámskeiðin verða í þrjá
tíma á dag en ekki um helgar.
Hægt er að velja um tvö tímabil
fyrir námskeiðin, fyrri námskeið-
in eru frá 12.-23. júní en þau seinni
frá 26. júní-7. júlí. Skráning er
hafin á fyrri námskeiðin og fer
fram í síma 691 6380, í skóla Guð-
bjargar Björgvins og einnig er
hægt að senda email á unnsa-
dans@hotmail.com.
Skemmtileg dansnámskeið
Kvikmyndin Dead Man´s Cards
verður frumsýnd á Cannes-hátíð-
inni sem hefst um miðjan maí.
Einn framleiðandi myndarinnar
er Sigvaldi J. Kárason en hann á
framleiðslufyrirtækið Stray Dogs
Films ásamt breskum félögum
sínum. Sigvaldi lærði í London við
National Film & Television School
og hefur klippt myndir eftir Frið-
rik Þór Friðriksson og Baltasar
Kormák en fyrirtækið hefur verið
starfandi í sjö ár. Sigvaldi starfar
hjá Latabæ þar sem hann leikstýr-
ir og klippir þættina. Þegar Frétta-
blaðið náði tali af honum var hann
í miðjum tökum og var að biðja
íþróttaálfinn um að hreyfa sig.
Myndinni hefur verið vel tekið
og hafa þeir fengið góð viðbrögð
frá Rick McCallum sem fram-
leiddi Star Wars-myndirnar. „Við
erum í góðu samstarfi við George
Lucas, heilann á bak við Stjörnu-
stríðsbálkinn, og Rick en þeir hafa
reynst okkur ótrúlega hjálpsam-
ir,“ útskýrir Sigvaldi. „Við erum
náttúrlega bara litlir fiskar í stórri
tjörn,“ bætir hann við og hlær.
Miklu skiptir fyrir kvikmyndir að
fá góða kynningu á Cannes enda
beinast augu afþreyingariðnaðar-
ins að frönsku ríveríunni þann
hálfan mánuð sem hátíðin fer
fram. „Við gerðum myndina fyrir
litla eina milljón dollara til að sýna
væntanlegum fjárfestum hvað í
okkur býr,“ segir Sigvaldi og það
var meðal þess sem George Lucas
tók strax eftir. „Þeim fannst ótrú-
legt að sjá hvað okkur hafði tekist
að gera fyrir jafn lítinn pening,“
útskýrir Sigvaldi. „Myndin er eitt
af fyrstu skrefunum sem við erum
að taka í átt að umfangsmeiri
verkefnum,“ bætir Sigvaldi við og
upplýsir jafnframt að þegar sé
undirbúningur hafinn fyrir næstu
mynd sem verður mun stærri í
sniðum en vill ekki tjá sig neitt
frekar um það mál að svo stöddu.
Dead Man´s Cards er framtíðar-
vestri sem gerist í Liverpool og
fjallar um venjulegan verkamann
sem dregst inn í skuggalega undir-
heima borgarinnar. „Þrátt fyrir að
myndin líti út fyrir að vera mjög
blóðug þá er hún engu að síður
mjög dramatísk,“ segir Sigvaldi en
ástandið í Norður-Englandi er mjög
bágborið. Óhætt er hægt að segja
að þeir félagar fái góða kynningu
því veggspjald myndarinnar hang-
ir á sama stað og Sin City-vegg-
spjaldið en sú mynd sló í gegn á
hátíðinni í fyrra. „Um leið og þú ert
búinn að sanna að þú getur gert
kvikmynd fyrir lítinn peninga þá
liggur leiðin upp á við,“ bætir
Sigvaldi við. freyrgigja@frettabladid.is
SIGVALDI J. KÁRASON: FRUMSÝNIR Á CANNES-HÁTÍÐINNI
George Lucas hrósaði myndinni
SIGVALDI KÁRASON Myndin Dead Man‘s Cards verður frumsýnd á Cannes-hátíðinni en sjálfur George Lucas hreifst mjög af henni.
FRÉTTIR AF FÓLKI
Kvikmyndavefurinn landogsynir.is færir út kvíarnar 8. maí en þá verður
efni vefsins aðgengilegt á ensku. Vef-
síðan, sem í daglegu tali gengur undir
nafninu logs.is, hefur verið uppspretta
fyrir þá sem vilja fylgjast með því sem
er í gangi í íslenskum kvikmyndaiðnaði
og hefur Ásgrímur Sverrisson, ritstjóri
vefsins, verið duglegur við að færa
lesendum sínum nýjustu fréttir. Pistlar
hans hafa vakið þónokk-
uð mikla athygli en
forvitnilegt verður að
fylgjast með hvort
útlendingar leggi lag
sitt við að fylgjast með
íslenskum kvikmynda-
iðnaði sem hefur
verið í töluverðum
blóma að
undanförnu.
UNNUR ELÍSABET GUNNARSDÓTTIR
Kennir Íslendingum að dansa í sumar
enda veitir ekki af.
Inntökunefnd Rithöfundasambands Íslands samþykkti nýlega inntöku
níu nýrra félaga sem allir hafa látið að
sér kveða á ritvellinum enda er skilyrði
fyrir inngöngu að viðkomandi hafi gefið
út í það minnsta tvær bækur. Þetta er
vitaskuld fullkomlega eðlileg krafa því
annars væri félagatalið líklega álíka
langt og þjóðskráin þar sem annar hver
Íslendingur virðist ala með sér einhvers
konar skálda- og rithöfundadrauma. Þeir
sem hlutu náð fyrir augum nefndarinnar
að þessu sinni eru Eiríkur Bergmann
Einarsson, skáldsagna- og fræðiritahöf-
undur, Embla Ýr Bárudóttir mynda-
sagnahöfundur, Gunnlaugur Haraldsson
fræðiritahöfundur, Hjörleifur
Guttormsson fræðiritahöfundur, Hlynur
Örn Þórisson þýðandi, Ingólfur Örn
Björgvinsson myndasagnahöfundur,
Lemme Linda Saukas þýðandi, Sigurður
Ægisson, þýðandi og fræði-
ritahöfundur, og Vigfús
Geirdal þýðandi. Eiríkur
hefur skrifað töluvert um
Evrópumál enda eru þau
sérsvið hans en hann hóf
skáldsagnaferil sinn í fyrra
með útgáfu skáldsög-
unnar Glapræði.
- fgg/þþ
SVÖR VIÐ VEISTU SVARIÐ
1 Porter Goss
2 Margaret Beckett
3 Peter Coates