Fréttablaðið - 29.06.2006, Qupperneq 10

10 29. júní 2006 FIMMTUDAGUR
HITABYLGJA Hún varði sig gegn hitanum
með regnhlíf, þessi betlarakona í Búkarest
í Rúmeníu í gær. Hitabylgja ríður nú yfir
landið og hefur hitinn farið allt upp í 38
gráður í borginni. FRÉTTABLAÐIÐ/AP
UMHVERFISMÁL Afgreiðslu á tillögu
borgarmeirihlutans um stórauknar
aðgerðir gegn mávi í borgarlandinu
með skotveiðum og eitrun, var
frestað á fundi umhverfis- og skipu-
lagsráðs á mánudag að tillögu
minnihlutans. Ástæðan er sú að
minnihlutinn vill meiri umræðu um
málið og telur það ósannað að það
skili tilætluðum árangri að auka
mávadrápið.
Gísli Marteinn Baldursson, for-
maður skipulags- og umhverfis-
ráðs, segir að þrátt fyrir að tillagan
hafi ekki verið samþykkt á fundin-
um nú þá hafi hann hvatt meindýra-
eyða borgarinnar til að halda
ótrauða áfram því enga sérstaka
samþykkt þurfi til þess. „Það er allt
of mikið af vargi í borginni núna og
borgarbúar eru farnir að tala um
fljúgandi rottugang. Ég veit ekki
um neina borg í heiminum sem
myndi ekki ráðast gegn slíku.“
Ólafur Karl Nielsen, vistfræð-
ingur hjá Náttúrufræðistofnun,
segir aðallega um sílamáv að ræða.
Hann segir að um gríðarlega stóran
stofn að ræða og mögulegt sé að
hrekja hann í burtu tímabundið. „Þá
verður maður að standa þarna við
allan daginn en það hræðir einnig
aðra fugla og fólk. En ef á að slá á
allan þennan fjölda þá verður það
aldrei gert við Tjörnina því þar er
aðeins yfirfallið af tugum þúsunda
fugla. Það er ekki mögulegt að
fækka fuglinum öðruvísi en að ráð-
ast gegn stóru meginvörpunum, til
dæmis í kringum Keflavíkurflug-
völl.“ - shá
Umhverfis- og skipulagsráð Reykjavíkur fjallar um eyðingu vargs í borginni:
Mávageri líkt við rottugang
VARGÖLD Margir borgarbúar eru orðnir
þreyttir á mávagerinu við Tjörnina og
borgaryfirvöld hyggjast skera upp herör
gegn varginum. FRÉTTABLAÐIÐ/GVA
GAZA-SVÆÐIÐ, AP Mikil átök brutust
út á Gaza-svæðinu í gær, eftir að
þúsundir ísraelskra landgöngu-
liða réðust inn á svæðið. Innrásin
var gerð í kjölfar nokkurra loft-
árása þar sem Ísraelsher skaut
sprengjum og eyðilagði þrjár brýr
og eina orkuver svæðisins.
Árás Ísraelshers er yfirlýst til-
raun til að leysa úr haldi ísraelsk-
an hermann sem rænt var á sunnu-
dag, en talið er að palestínskir
uppreisnarmenn hafi staðið að
mannráninu.
Heimastjórn Palestínu, sem
Hamas-liðar leiða, kallaði í gær
eftir fangaskiptum við Ísrael, en
áður hafði Ehud Olmert, forsætis-
ráðherra Ísraels, aftekið að slík
skipti gætu farið fram þegar upp-
reisnarmennirnir fóru fram á að
Ísraelar slepptu palestínskum
konum og börnum úr fangelsum í
stað upplýsinga um hermanninn.
Mahmoud Abbas, forseti
Palestínumanna, fordæmdi árás
Ísraela og sagði hana „glæp gegn
mannréttindum“.
Olmert sagði árás Ísraela hins
vegar vera bara byrjunina og að
ísraelskir hermenn hikuðu ekki
við að grípa til „róttækra aðgerða“
til að frelsa hermanninn.
Talsmenn uppreisnarmanna
sögðu ránið á hermanninum ekki
vera mannrán í eiginlegri merk-
ingu þess orðs, heldur væri þetta
hluti af lögmætum hernaðarátök-
um og bættu við að búast mætti
við frekari ránum á ísraelskum
hermönnum, yfirgæfi herinn ekki
Gaza-svæðið.
Jafnframt heyrðust óstaðfest-
ar fregnir af frekari mannránum
á Ísraelum á svæðinu.
Ekki bárust tilkynningar um
neitt manntjón á Gaza-svæðinu í
gær, en íbúar þess hófu að sanka
að sér vatns- og ljósgjafabirgðum,
því raforkuverið sem skemmt var
þjónar um 65 prósentum svæðis-
ins og er aflgjafi vatnsdælanna á
svæðinu.
Evrópusambandið kallaði eftir
friðsamlegri lausn á málinu, en
talsmaður George W. Bush Banda-
ríkjaforseta sagði Ísraela hafa rétt
til að verja sig. smk@frettabladid.is
Ófriður á
Gaza-strönd
Ísraelsher réðst inn á Gaza-svæðið í gær til að reyna
að frelsa hermann sem er þar í gíslingu. Ísraelar
hóta áframhaldandi árásum.
FASTEIGNIR Vikuna 16.-22. júní var
fleiri kaupsamningum þinglýst í
Kópavogi en Reykjavík sam-
kvæmt tölum frá Fasteignamati
ríkisins (FMR). Þetta mun vera
einsdæmi. Alls var 93 kaupsamn-
ingum þinglýst í Kópavogi en
tuttugu færri í Reykjavík.
„Þarna var að falla til töluverð-
ur slatti af hesthúsum í Kópa-
vogi,“ segir Konráð D. Þorvalds-
son hjá FMR, en undir liðnum
aðrar eignir voru skráðar 79 eign-
ir í Kópavogi en aðeins ellefu í
Reykjavík.
Þegar meðaltal síðustu tólf
vikna er skoðað er 89 eignum þing-
lýst vikulega í Reykjavík en 28 í
Kópavogi. - eþa
Kópavogur slær Reykjavík við:
Hesthús gera
gæfumuninn
© GRAPHIC NEWS
Innrás á Gaza-svæðið
Heimildir: Fréttastofur
Miðjarðarhafið
Kerem Shalom-landamærastöðin
Landamæra-
stöð Erez
Nahal Oz
varðstöð
Ísraela
Ísraelskar hersveitir
réðust inn á
Gaza-svæðið
Gaza-borg
Netzarim
Deir al Balah
GAZA-SVÆÐIÐ
E
G
Y
P
TA
-
LA
N
D
ÍSRAEL
Rafah-flótta-
manna-
búðirnar
8 km
5 mílur
Ísraelski herinn hefur ráðist inn í
suðurhluta Gaza-svæðisins í tilraun
til að endurheimta ísraelskan
hermann sem þar var tekinn
höndum. Innrásin hófst við Kerem
Shalom-landamærastöðina og var
gerð eftir að ísraelskar herflugvélar
skutu á brýr við Netzarim og Deir al
Balah og á orkuver í Gaza-borg.
RÁÐIST INN Á GAZA-SVÆÐIÐ Þúsundir
ísraelskra hermanna, ásamt herflugvéla
og skriðdreka, réðust inn á Gaza-svæðið í
gær í þeim yfirlýsta tilgangi að frelsa félaga
sinn sem herskáir Palestínumenn rændu á
sunnudag. FRÉTTABLAÐIÐ/AP
HVALVEIÐAR Nú hafa verið veiddar
ellefu hrefnur af þeim fimmtíu
sem má veiða samkvæmt Alþjóða-
hvalveiðiráðinu, en veiðitímabilið
hófst þann 13. júní síðastliðinn og
stendur til fjórða ágúst. Í byrjun
gengu veiðarnar hægt vegna leið-
inlegs veðurs en nú hefur ræst úr
og vonast er til að það náist að
klára kvótann.
Að sögn Gunnars Bergmann,
framkvæmdastjóra Félags hrefnu-
veiðimanna eru þrír bátar að veið-
um núna, en sá fjórði mun bætast
við á næstunni. Hann segir að vel
gangi að veiða núna en að hrefn-
urnar séu nokkuð magrari en í
fyrra. - gþg
Hrefnuveiðar:
Búið að veiða
ellefu dýr
GJALDTAKA Útlendingastofnun
krefst nú gjalda fyrir afgreiðslu
leyfa frá stofnuninni og má gera
ráð fyrir að gjaldtakan færi stofn-
uninni vel yfir hundrað milljónir
króna í tekjur á ársgrundvelli.
Um er að ræða gjaldtöku fyrir
búsetu- og dvalarleyfi en slík
leyfi kosta nú 8.000 krónur fyrir
18 ára og eldri en 4.000 krónur
fyrir þá er yngri eru. Er sami
kostnaður við framlengingu
leyfa.
Eru engar umsóknir afgreidd-
ar nema greitt sé fyrir og er það
engin trygging fyrir að leyfið
fáist afgreitt en allt að 1.200
umsóknir berast frá einstakling-
um hvern mánuð þessa dagana.
Þess utan berast mánaðarlega allt
að 400 umsóknir frá fyrirtækjum
vegna stóriðju og getur kostnaður
þeirra numið talsverðum upphæð-
um héðan í frá.
Útlendingastofnun hafði áður
með höndum útgáfu vegabréfa
sem var helsti tekjustofn hennar
en sú útgáfa hefur nú færst til
Þjóðskrár og munu tekjur af
afgreiðslu leyfa að einhverju leyti
koma í staðinn fyrir það. - aöe
NÝR TEKJUSTOFN Engin leyfi eru lengur
veitt hjá Útlendingastofnun án greiðslu
afgreiðslugjalds. FRÉTTABLAÐIÐ/STEFÁN
Hundrað milljónir í tekjur vegna dvalarleyfa:
Afgreiðslugjöld hjá
Útlendingastofnun HESTAR Hesthús ganga kaupum og sölum.