Fréttablaðið - 08.07.2006, Blaðsíða 26

8. júlí 2006 LAUGARDAGUR26
timamot@frettabladid.is
ÚTFARIR
11.00 Óskar Sigurður Vilhjálms-
son, Víðimýri 10, Sauðár-
króki, verður jarðsunginn
frá Mælifellskirkju.
11.00 Ísleifur Helgi Guðjónsson,
húsasmíðameistari, frá
Rauðuskriðum í Fljótshlíð,
verður jarðsunginn í Breiða-
bólstaðarkirkju í Fljótshlíð.
13.00 Hörður Valdimarsson, fyrr-
verandi lögregluvarðstóri,
Nestúni 17, Hellu, verður
jarðsunginn frá Oddakirkju
á Rangárvöllum.
14.00 Bergþóra Kristinsdóttir
húsmóðir og trúboði,
Tjarnarási 13, Stykkishólmi,
verður jarðsungin frá Stykk-
ishólmskirkju.
14.00 Ágúst Theódór Blöndal
Björnsson, Breiðabliki
6, Neskaupstað, verður
jarðsunginn frá Norðfjarðar-
kirkju.
14.00 Helga Jónsdóttir, Laufási,
Raufarhöfn, verður jarð-
sungin frá Raufarhafnar-
kirkju.
14.00 Margrét Gunnlaugsdóttir,
Túngötu 14, Patreksfirði,
verður jarðsungin frá Patr-
eksfjarðarkirkju.
Tilkynningar um merkisatburði, stórafmæli og
útfarir í smáletursdálkinn hér að neðan má senda á
netfangið timamot@frettabladid.is.
Auglýsingar á að senda á
auglysingar@frettabladid.is eða
hringja í síma 550 5000.
JOHN D. ROCKEFELLER (1839-1937) FÆDDIST
ÞENNAN DAG
„Vinátta sem er byggð á viðskipt-
um er betri en viðskipti sem eru
byggð á vináttu.“
John D. Rockefeller var bandarískur iðnrekandi
sem stofnaði Standard Oil. Fyrirtækið var um
tíma stærsta fyrirtæki heims og hann ríkasti
maður í heimi.
Landkönnuðurinn Vasco da
Gama fæddist árið 1469 í
Portúgal. Honum var fyrir-
skipað af konungi Portúgals,
Manuel I, að finna Indland.
Faðir hans átti upprunalega að
sjá um þetta verkefni en da
Gama átti einnig að finna nýja
verslunarmarkaði fyrir Portúgal.
Áður hafði Bartolomeu Dias
siglt fyrir Góðrarvonarhöfða
árið 1488 en það er syðsti
oddi Afríku. Lengra höfðu
Evrópumenn ekki komist og
var það verk da Gama að finna land í austri þar sem
Portúgalar gætu selt vörur sínar. Áður en da Gama
kom til Indlands var landið nánast alveg ósnortið af
öllum erlendum áhrifum.
Vasco da Gama sigldi af
stað frá Lissabon á fjórum
skipum en ferðin gekk ekki
áfallalaust fyrir sig því aðeins
tvö þeirra sem lögðu af stað
komu til baka og aðeins 54 af
þeim 170 mönnum sem fóru
í ferðina lifðu ferðina af en
skipið kom aftur til Portúgals
árið 1499.
Vasco da Gama opnaði sjóleið-
ina frá Vestur-Evrópu til Asíu
og markaði þannig nýtt tímabil
í sögu heimsins. Ein forsenda
þess að Portúgal varð stórveldi á sínum tíma má
rekja til þessa afreks da Gama. Þetta skipti einnig
miklu fyrir lönd Evrópu þar sem þau höfðu allt vald
á sjó og gátu stundað verslun við fjarlæg lönd.
ÞETTA GERÐIST 8. JÚLÍ 1497
Vasco da Gama siglir til Indlands
MERKISATBURÐIR
1889 Blaðamaðurinn Charles
Henry Dow gefur út fyrsta
eintakið af Wall Street
dagblaðinu (journal).
1903 Síldarsöltun hefst á
Siglufirði og markar upphaf
síldarævintýrsins sem stóð í
65 ár.
1922 Ingibjörg H. Bjarnason, 53
ára skólastjóri, kjörin á þing,
fyrst kvenna.
1932 Dow Jones-vísitalan nær
lágmarki sínu í kreppunni
miklu, 44,22 stig.
1947 Fréttir berast af því að
fljúgandi furðuhlutur hafi
brotlent í Roswell, Nýju-
Mexíkó.
1987 Ríkisstjórn Þorsteins Páls-
sonar tekur við völdum.
1996 Kryddpíurnar gefa út sitt
fyrsta lag, Wannabe.
Ragnar Arnalds
rithöfundur er 68
ára.
Hallveig Rúnars-
dóttir söngkona er
32 ára.
Védís Hervör Árna-
dóttir söngkona er
24 ára.
Á sunnudaginn verður
messa í Hóladómkirkju
klukkan ellefu þar sem séra
Jóhanna Sigmarsdóttir,
prófastur Múlaprófastdæm-
is, mun þjóna fyrir altari.
Einnig munu þau Lára Odds-
dóttir og Vigfús I. Ingvars-
son prédika og kór af Héraði
syngur en þetta er liður í
afmælishátíð Hóla, en bisk-
upsstóllinn og skólahald á
hólum fagna 900 ára afmæli
um þessar mundir. Hólahá-
tíð verður síðan haldin dag-
ana 11. til 13. ágúst og næstu
helgar munu önnur próf-
astsdæmi sigla í kjölfar
Múlaprófastdæmis.
Í tilefni afmælisins hefur
Jón Aðalsteinn Baldvinsson
Hólabiskup kallað söfnuð
stiftisins heim að Hólum.
Fyrsti Hólabiskupinn,
Jón Helgi Ögmundarson,
lagði til að allir úr biskups-
dæmi sínu skyldi koma til
höfuðkirkjunnar á Hólum að
minnsta kosti einu sinni á
ári. Með því að kalla alla
heim að Hólum fer Jón Aðal-
steinn því að fordæmi nafna
síns sem var biskup á árun-
um 1106 til 1121.
Hólar 900 ára
HÓLADÓMKIRKJA Dagur Múlapróf-
astsdæmis verður á sunnudag.
FRÉTTABLAÐIÐ/INGÓLFUR
Á miðnætti hófu þrír garpar að hlaupa
frá Hellu sem leið liggur til Reykja-
víkur til styrktar félagasamtökunum
Blátt áfram. „Við viljum vekja athygli
á málstað Blátt áfram samtakanna og
því starfi sem þau eru að vinna,“ segir
Róbert Traustason, einn af hlaupurun-
um, en samtökin vinna að því að efla
forvarnir gegn kynferðislegu ofbeldi
á börnum á Íslandi.
„Við ákváðum í fyrra að taka okkur
svona verkefni fyrir hendur af því að
þá hjóluðum við fyrir gott málefni. Við
ákváðum að hlaupa hundrað kílómetra
og höfðum samband við Blátt áfram
samtökin eftir að hafa velt fyrir okkur
hvar peningunum væri best varið og
þau tóku vel í okkur þannig að við
ákváðum að fara í samstarf saman.“
Það eru þeir Arnaldur Birgir Kon-
ráðsson, Evert Víglundsson og Róbert
Traustason, Boot Camp þjálfarar, sem
ætla að hlaupa þessa hundrað kíló-
metra en lengsta vegalengdin sem
þeir hafa hlaupið hingað til eru þrjá-
tíu kílómetrar. Róbert segir þá ekki
hafa þjálfað sérstaklega fyrir hlaupið
en þeir séu í mjög góðri alhliða æfingu.
„Við höfum litlar áhyggjur af þolinu
og vöðvunum en það eru liðamótin
sem eru ekki vön svona álagi, þetta
eru kannski hundrað þúsund skref ef
við erum að hlaupa á meðalhraða og
það er töluvert högg á hnén, ökklana
og liðamótin. Þetta er spurningin um
að halda áfram og hætta ekki þó
maður lendi á vegg eða finni fyrir
sársauka, það er aðallega hugarfarið
og stuðningurinn frá félögunum sem
kemur manni í gegnum þetta,“ segir
Róbert.
Þeir leggja af stað á miðnætti eins
og áður sagði og áætla að hlaupið taki
um fjórtán klukkutíma. Þeir stefna að
því að verða niðri á Reykjavíkurhöfn
klukkan tvö um daginn þar sem verð-
ur haldin fjölskylduhátið. Þeir hvetja
alla til þess að hlaupa með þeim hluta
af leiðinni en þeir áætla að vera á Litlu
kaffistofunni klukkan tíu um morgun-
inn og hjá Húsgagnahöllinni klukkan
tólf.
Þeir Róbert, Evert og Arnaldur
hafa starfrækt Boot Camp í tvö ár en
áður voru þeir allir einkaþjálfarar.
Róbert segir að fólk á öllum aldri komi
í Boot Camp, frá fimmtán ára ungling-
um til sextugs fólks og eins og er sé
meirihlutinn konur. „Við reynum að
ýta hverjum og einum þannig að við-
komandi leggi sig hundrað prósent
fram án þess þó að ganga of langt.“
Róbert hvetur alla til þess að
styrkja verkefnið og bendir á að hægt
sé að kaupa bol á Esso-stöðvunum og
hlaupastöðvunum tveim og hlaupa
með þeim. Einnig er hægt að hringja í
síma 907-2000 og þá dragast þúsund
krónur af símareikningnum og fyrir-
tæki geta heitið á þjálfarana með því
að hringja í síma 533-2929.
gudrun@frettabladid.is
BOOT CAMP ÞJÁLFARAR: HLAUPA HUNDRAÐ KÍLÓMETRA TIL STYRKTAR BLÁTT ÁFRAM
Hugarfarið skiptir öllu máli
RÓBERT TRAUSTASON, ARNALDUR BIRGIR KONRÁÐSSON OG EVERT VÍGLUNDSSON Þeir byrjuðu að hlaupa á miðnætti frá Hellu til Reykjavíkur, alls hundrað
kílómetra. FRÉTTABLAÐIÐ/STEFÁN
Ástkæri faðir okkar, afi og langafi,
Ólafur Jón Sigurjónsson
Vesturgötu 7, Reykjavík,
lést á Landakotsspítala 19. júní sl.
Jarðarförin fór fram í kyrrþey, að ósk hins látna.
Börn, barnabörn og barnabarnabörn.
Ástkær eiginmaður minn, faðir,
tengdafaðir og langafi,
Ólafur A. Andrésson
fyrrverandi sjómaður, Miðvangi 41,
Hafnarfirði,
lést á Landakotsspítala þann 5. júlí.
Fyrir hönd aðstandenda,
Oddný Pétursdóttir
AFMÆLI
Hjartans þakkir til allra sem sýndu okkur
samúð og hlýhug við fráfall eiginmanns
míns, föður okkar, tengdaföður og afa,
Benedikts Þorsteinssonar
Lautasmára 27, Kópavogi.
Sérstakar þakkir til lækna og hjúkrunarfólks á 12E og
11E Landspítalanum Hringbraut, Karitas heimahjúkr-
unarþjónustu og starfsfólks Landhelgisgæslu Íslands.
Anna Albertsdóttir
dætur, tengdasynir og barnabörn.