Fréttablaðið - 08.07.2006, Blaðsíða 33

LAUGARDAGUR 8. júlí 2006 3
Fjölmargir Íslendingar halda
til austurstandar Spánar á
sumar en þar má meðal ann-
ars nota tímann í að liggja í
sólbaði og hlusta á góða tónlist
í leiðinni.
Aldrei fyrr hafa eins margir
Íslendingar lagt leið sína til Spán-
ar og í sumar en algjör sprengja
hefur meðal annars orðið á beinu
flugi til Alicante. Fjölmargt er
hægt að gera sér til gagns og gam-
ans á þessu svæði enda er Spánn
mikið ferðamannaland.
Meðal skemmtilegra afþrey-
inga má til dæmis nefna að í
strandbænum Benicàssim fer
fram afar forvitnileg og skemmti-
leg tónlistarhátíð. Smábærinn
Benicàssim er staðsettur rétt fyrir
norðan Valencia en þangað tekur
aðeins um þrjá tíma að ferðast
með lest frá Barcelona og um tvo
tíma frá Alicante.
Hátíðin er árleg og stendur hún
yfir í fimm daga, en meðal hljóm-
sveita sem spila á hátíðinni í ár má
nefna The Strokes, Pixies, Franz
Ferdinand, Depeche Mode, Scissor
Sisters, Echo & the Bunnymen og
Madness. Hér er því tilvalið tæki-
færi fyrir tónlistarþyrsta sólarels-
kendur til þess að sameina áhuga-
mál sín. Hægt er að kaupa bæði
miða á alla hátíðina og dagspassa.
Frekari upplýsingar má finna á
heimasíðunni fiberfib.com. sha
Tónlistarhátíð á
sólarströnd
Íslendingar ættu að geta notið sín vel á ströndinni á Spáni.
VÖÐ VÖKTUÐ OG BÍLAR DREGNIR Á
ÞURRT.
Fyrir síðustu mánaðamót héldu
nokkrar björgunarsveitir á fjöll til að
taka þátt í verkefninu „Björgunarsveitir
á hálendinu“. Markmið verkefnisins
er fjórþætt; að vera með viðbragðs-
einingar á hálendinu, merkja vöð og
aðrar hættur, fækka slysum og veita
ferðamönnum aðstoð og upplýsingar.
Í vikunni sem er að líða voru þrír
meðlimir í Björgunarfélagi Hafnarfjarð-
ar staðsettir á Fjallabakssvæði. „Við
höfum það gott, gistum í skálum og
erum í góðu samstarfi við skálaverð-
ina,“ segir Kolbeinn Guðmundsson
björgunarsveitarmaður.
„Við erum stöðugt á ferðinni og
vöktum vöð sérstaklega og verðum við
hjálparbeiðnum. Í þessari viku höfum
við til dæmis dregið bíl úr krapa við
Hrafntinnusker og dregið bíla úr ám.
Við komum að mannlausum bílaleigu-
bíl úti í miðri á, komum honum á þurrt
og höfðum samband við bílaleiguna.
Á miðvikudag barst hjálparbeiðni úr
Landmannalaugum. Þar hafði kona
slasast í rútuslysi. Við erum tveir
sjúkraflutningamenn í bílnum sem
gátum skoðað hana og farið með
hana á móti sjúkrabílnum,“ segir
Kolbeinn.
Þeir félagar gefa sig mikið á tal við
ferðafólk og ráðleggja því varðandi
leiðaval. „Á þessu svæði þarf að passa
sig sérstaklega á vöðum og eins við
að velja slóða sem eru ekki of erfiðir.
Vegagerðin hefur opnað alla F-vegi,
merkta fjallvegi, en sumir ferðamenn
halda að það eigi við um alla vegi og
slóða á svæðinu.“
Kolbeinn segist upplifa mikla jákvæðni
í garð verkefnisins. „Skálaverðir, farar-
stjórar og fólk sem er mikið á fjöllum
hefur tekið okkur vel og ég held að
það sé full þörf á veru okkar hér,“ segir
Kolbeinn að lokum.
Kolbeinn Guðmundsson og félagar hans í Björgunarfélagi Hafnarfjarðar voru stað-
settir á Fjallabaki í vikunni sem er að líða.
Íslenski safnadagurinn 2006 er
á morgun og af því tilefni verða
ýmsar uppákomur á söfnum
víða um land og frítt inn á
mörg þeirra.
Á safnadaginn verður margt spenn-
andi í boði á hinum ýmsu söfnum. Í
Reykjavík verður meðal annars
boðið upp á fræðslu um fjölærar
jurtir í Grasagarði Reykjavíkur,
listamannaspjall kl. 15.00 í Lista-
safni ASÍ þar sem listamenn taka á
móti gestum og ræða um verk sín,
tónleika í stofunni á Gljúfrasteini
kl. 16:00 og sýningu á íslenskri
tískuhönnun í Þjóðmenningarhús-
inu.
Úti á landi verður einnig margt
að gerast á morgun. Á Byggðasafni
Húnvetninga og Strandamanna að
Reykjum í Hrútafirði verður sýn-
ingin Ár og kýr, sem eru 365 vatns-
litamyndir af kúm eftir Jón Eiríks-
son, bónda og listamann frá Búrfelli
í Miðfirði. Í Húsinu á Eyrarbakka
verður tónlistardagskrá í stássstof-
unni frá 14.00 til 16.00 og mun Ingi
Heiðmar Jónsson stýra fjölbreyttri
dagskrá þar sem píanóið forna
verður í aðalhlutverki, auk þess
sem verður sungið, spunnið og
kveðið. Í Gamla bænum í Laufási í
Grýtubakkahreppi verður boðið
upp á tilbreytingu í anda Íslenskra
þjóðhátta Jónasar Jónassonar frá
Hrafnagili auk þess sem kaffihlað-
borð verður í gamla prestsetrinu.
Uppákomurnar eru margs konar
og um að gera að kynna sér hvað er
í boði á hverjum stað. Allir sem
hafa áhuga á íslenskri menningu
ættu að finna eitthvað við sitt hæfi
á morgun. emilia@frettabladid.is
Ókeypis inn á mörg söfn
Á Byggðasafni Rangæinga og V-Skaftfellinga að Skógum verður sérstök dagskrá í tilefni
dagsins eins og á mörgum öðrum söfnum.
FERÐAMENN ERU MINNTIR Á MIKIL-
VÆGI GÓÐRAR UMGENGNI VIÐ
NÁTTÚRUNA.
Íslenska þjóðin er auðug af náttúru-
verðmætum sem margar aðrar þjóðir
hafa ástæðu til að öfunda okkur af.
Náttúrufar í óbyggðum Íslands býr
jafnt yfir einstakri fegurð sem og stór-
kostlegri fjölbreytni.
Aðstandendur átaksins „Áfram veginn
- á réttum slóðum“ vilja leggja sitt
af mörkum til að vekja ferðafólk
til umhugsunar um náttúruna og
umgengni við hana. Með því vilja þeir
stuðla að því að innlendir jafnt sem
erlendir ferðamenn geti notið fegurðar
náttúrunnar um ókomin ár. Aðstand-
endur átaksins eru Ferðaklúbburinn
4x4, Vélhjólaíþróttaklúbburinn, Ferða-
félag Íslands, Útivist, Umhverfisstofnun,
Landgræðsla ríkisins og Landvernd.
Í anda átaksins hafa eftirfarandi
boðorð verið gefin út:
■ Berum virðingu fyrir náttúrunni og
skiljum við hana eins og við komum
að henni - og helst betur.
■ Ökum ekki utan vega nema á snjó
og frosinni jörð í samræmi við nátt-
úruverndarlög.
■ Ökum ekki slóðir sem hefur verið
lokað vegna aurbleytu eða þar sem
hætta er á að slóðir spillist af umferð.
■ Myndum ekki ólöglega slóða.
■ Sveigjum ekki af vegi eða slóð til að
forðast polla og ófærur.
■ Gætum varúðar þegar snúa þarf við
á þröngum vegum og slóðum.
■ Ökum ekki eftir þekktum, fjölförn-
um göngu- eða reiðleiðum.
■ Lágmörkum útblástursmengun og
förum gætilega með óumhverfisvæn
efni.
■ Samþykkjum ekki óábyrga ferða-
mennsku annarra.
■ Berum virðingu fyrir þörfum annarra
útivistarhópa og sýnum öðru ferðafólki
kurteisi og hjálpsemi.
Áfram veginn - á réttum slóðum
BJÖRGUNARSVEITIR Á HÁLENDINU
Fjallabak
ÞJÓNUSTUVEFUR BRITISH AIRWAYS
ER ÞÆGILEGUR Í NOTKUN ÞAR SEM
BÓKA MÁ ALLT SEM TEKUR TIL FERÐ-
ARINNAR Á SAMA STAÐ.
Á vefsíðu British Airways fyrir
Íslandsmarkað hefur verið
tekin í notkun svokölluð
„innkaupakarfa“ en með
henni geta væntanlegir far-
þegar British Airways bókað
alla þá þjónustu sem þeir þurfa vegna
ferðar sinnar til London.
Á vefsíðunni er því hægt að kaupa
farseðlana, bóka og greiða fyrir hótel-
gistingu, leikhúsmiða, útsýnisferðir,
bílaleigubíla og annað sem ferðamenn
nýta sér á ferðum sínum. Öll verð eru
í íslenskum krónum að sköttum með-
töldum. Sem viðskiptavinir
British Airways njóta farþegar
afslátta og fríðinda bæði á
hótelum og hjá bílaleigum.
London hefur lengi verið vin-
sæll áfangastaður íslenskra
ferðamanna og á vef British
Airways má nú skoða þá
fjölda möguleika sem borgin og
nágrenni hennar hefur upp á að bjóða.
Slóðin er www.ba.com, þar er farið í
„choose country“ og „Iceland“ valið.
- jóa
Allur pakkinn
– Mest lesið
Þetta gæti tekið tíma
Er fasteignin þín ekki í mest lesna fasteignablaðinu?
Þegar hægist um á fasteignamarkaði er mikilvægara en nokkru sinni að auglýsa
á besta staðnum. Samkvæmt nýjustu könnun Gallup* lesa 40% fleiri Íslendingar á
aldrinum 25–49 ára Allt-fasteignir en Fasteignablað Morgunblaðsins. Vertu viss
um að eignin þín nái athygli sem flestra!
*Samkvæmt könnun Gallup, maí 2006
F
í
t
o
n
/
S
Í
A