Fréttablaðið - 08.07.2006, Blaðsíða 28

Í fyrsta sinn þegar við vorum að læra sporin fyrir atriðið þar sem allir krakkarnir hrópa
„við erum frjáls“, þá misstum við
okkur, fengum sum gæsahúð og
tár í augun,“ segir Aðalbjörg og
greinilegt er að mikil stemning
hefur verið í leikarahóp Footloose,
enda ekki amalegt að syngja við
klassíska rokktónlist og fá að
sleppa sér á dansgólfinu. „Unnur
ákvað að fara fyrst og fremst á
hjartanu og tækninni. Ef maður
ætlar að vera rosalega fyndinn er
maður bara ekkert fyndinn. En ef
maður setur hjartað fyrst og
alvöruna þá gengur þetta vel,“
segir Aðalbjörg.
Jörundur bætir við að það hafi
verið mjög gaman að leyfa sér að
fríka út og dansa, en þakkar fyrir
að Mikki, karakterinn sem hann
leikur, á ekki að kunna að dansa.
„Ég er nördinn og slepp vel, manni
er alveg fyrirgefið þó maður syngi
aðeins verr og dansi,“ segir hann.
„Ég var svo rosalega glöð þegar
Jörundur var ráðinn. Allir í kring-
um mig voru alveg „þú ert að fara
að leika á móti Jörundi, það er svo
gaman. Oh, hvað þú ert heppinn!“
segir Aðalbjörg í gervi fimmtán
ára gelgju. Jörundur er fljótur að
svara í sama streng: „Ég var líka
rosalega glaður að leika með þér,
Aðalbjörg,“ og skyndilega breytist
einn nýjasti hjartaknúsarinn í leik-
listinni í fimm ára strák.
Örlagaegg og landsbyggðarflakk
Aðalbjörg er Reykvíkingur en
fæddist í Danmerku. Hún var lengi
með drauma um að verða leikkona
þegar hún var lítil en „reyndi að
þykjast verða eitthvað annað“ um
tíma. Hún var í leiklist í Kramhús-
inu hjá Hörpu Arnardóttur og
kemur úr leiklistarfjölskyldu, því
faðir hennar, Árni Pétur Guðjóns-
son, er leikari og Kjartan bróðir
hans einnig. Aðalbjörg hefur haft
nóg að gera frá því að hún útskrif-
aðist en hún lék meðal annars í
Örlagaeggjunum í fyrrasumar í
Borgarleihúsinu.
Jörundur er sannkallaður lands-
byggðarflakkari því hann fæddist
á Hvammstanga, bjó á Laugabakka
í sjö ár og einnig á Suðureyri,
Súðavík og í Ólafsvík. „Svo kenndi
ég einn vetur á Patreksfirði ári
eftir að ég útskrifaðist úr mennta-
skóla. Fimm árum eldri en elstu
nemarnir. Maður kynntist mörgu
áhugaverðu fólki,“ segir hann.
Hann hefur einnig reynt við sjó-
mennsku í eitt sumar og veturinn
fyrir leiklistarnámið var hann í
stjórnmálafræði í Háskóla
Íslands.
Jörundur reyndi fyrir sér í leik-
list í menntaskóla en veiktist fyrir
sýningu og steig aldrei á svið. „Ég
byrjaði ekki í leiklistinni fyrr en
árið áður en ég sótti um leiklistar-
skólann,“ segir Jörundur. Ásamt
Footloose er hann að leika í Pene-
treitor í sumar en það var fyrst
sett upp í fyrra. „Við unnum mikið
með geðsjúkum fyrir leikritið en
það byggir að hluta til á geðveiki.
Við sýnum þetta aftur í sumar og
látum ágóðann renna til þeirra,“
segir Jörundur. Sýningar á Pene-
treitor hefjast aftur á þriðjudag-
inn í Sjóminjasafninu á Granda-
görðum. „Svo er það Astrópía og
söngleikurinn hans Hugleiks í
Þjóðleikhúsinu í haust,“ segir Jör-
undur, en tökur eru að hefjast á
kvikmyndinni Astrópíu þessa dag-
ana. Jörundur þykir greinilega
góður í nördahlutverkið því hann
leikur „role-playing“ nörd í Astró-
píu.
Tár, bros og dansskór
„Mér finnst ég vera að mæta á
námskeiðið 501 gamanleikhús á
hverri einustu sýningu,“ segir
Aðalbjörg. „Þú ert að vinna með
snillingum í söng og dansi, látinn
syngja við hliðina á Selmu og
Heiðu, dansa við hliðina á dönsur-
um úr Íslenska dansflokknum og
leika með gamanleikurum Íslands.
Ef þú ert ekki að læra af því og
meta það sem lífsreynslu þá er
eitthvað að,“ segir hún og montar
sig yfir því að fá að dansa með
Brad í Íslenska dansflokknum. „Ég
fæ að dansa sóló,“ segir Jörundur í
sama tón.
Jörundur og Aðalbjörg segja að
það sé nóg að gera framundan en
maður verði að bera sig eftir
björginni. „Þetta er alveg hark.
Það eru svo margir um samninga
við leikhúsin. Svo er leiðinlegt að
8. júlí 2006 LAUGARDAGUR28
Aðalbjörg Árnadóttir og Jörundur Ragnarsson
fara á kostum sem nördarnir og einfeldningarnir
Sara og Mikki í söngleiknum Footloose. Aðalbjörg
útskrifaðist fyrir ári úr leiklistardeild Listaháskóla
Íslands en Jörundur nú í vor. Rósa Signý Gísladótt-
ir ræddi við þau um leiklistarframann og stemn-
inguna í Footloose.
Gæsahúð og
tár í augun
JÖRUNDUR RAGNARSSON
ALDUR: 27 ára á sunnudaginn.
ÁHUGAMÁL: Leiklistin, hef ekki
haft tíma fyrir annað.
FYRIRMYND: Bara mamma og
pabbi.
BÓKIN Á NÁTTBORÐINU: Drauma-
landið eftir Andra Snæ.
AÐALBJÖRG OG JÖRUNDUR Leikararnir hafa fengið góða dóma fyrir leik sinn í Footloose en hlutverk þeirra þykja sprenghlægileg.
FRÉTTABLAÐIÐ/VILHELM GUNNARSSON
AÐALBJÖRG ÁRNADÓTTIR
ALDUR: 26 ára.
ÁHUGAMÁL: Vera í náttúrunni,
bækur og leiklistin.
FYRIRMYND: Ég á fullt af fyrir-
myndum. Maður lærir af einhverju
fólki á hverjum einasta degi.
BÓKIN Á NÁTTBORÐINU: Meðal
annars var ég að lesa ævisögu Guð-
rúnar Ásmundsdóttur leikkonu um
daginn. Svo er ég að lesa Drauma-
landið aftur og Nafnabókina.
„Ég hefði bara farið að hlæja og haldið að
manneskjan væri klikkuð ef hún hefði sagt
mér að ég ætti eftir að leika í Footloose.
Þannig að maður veit aldrei hvað gerist,“ segir
Aðalbjörg, sem er núna hæstánægð með hlut-
verkið í Footloose.