Fréttablaðið - 19.08.2006, Síða 38

[ ]
HVAÐAN ERTU AÐ KOMA?
Það er alltaf gott að vera með skyndihjálparkassa
við höndina. Í styttri eða lengri ferðum, sem og í sumar-
bústaðnum og fellihýsinu.
Jón Bjarki Magnússon og
Sigurður Eyþórsson hafa síðan
í ágúst í fyrra ferðast um heim-
inn og lent í miklum ævintýr-
um. Í júlí ferðuðust þeir félagar
um Pakistan og á meðan aðrir
Íslendingar horfðu á úrslitaleik
HM í knattspyrnu voru þeir
staddir á hinu árlega Shandur-
pólómóti sem fram fór í 3.800
metra hæð yfir sjávarmáli.
Jón Bjarki sendi Fréttablaðinu
eftirfarandi frásögn.
Helgina 7.-9. júlí fór fram hin
árlega Shandur-keppni í póló. Þar
koma saman pólóspilarar alls staðar
að frá norðursvæðum Pakistans
og sýna fram á snilli sína í þessum
áhugaverða leik. Keppnin er haldin
miðja vegu á milli höfuðstaðanna
Gilgit og Chitral, hátt uppi í
Shandur-skarðinu.
Ein meginástæða þess að við
komum til Pakistans voru stór og
tignarleg fjöll, en þegar við sáum
þau varð mér hugsað til þess að
kannski hefðum við leitað langt
yfir skammt. Á Íslandi eru fjöll,
þau eru ekki eins stór og þau
teygja sig ekki eins langt til him-
ins en þau eru tignarleg og full af
karakter. Þegar ég sá pakistönsk
fjöll með fallegu snævi þöktu
toppunum varð mér hugsað til
fallegrar íslenskrar náttúru, ég
fór að spyrja sjálfan mig hvort
það væri kannski kominn tími til
þess að halda heim.
Þegar litið var yfir tjaldbúðirnar
fyrsta morgun pólómótsins blasti
við sérstök sýn, svæðið minnti
helst á flóttamannabúðir og mætti
halda að fólk hefði búið þarna í
tugi ára. Í einu tjaldi var eldað og
í öðru var sofið. Sandstormur
feykti upp fíngerðum brúnum
sandinum og svæðið minnti einna
helst á eyðimörk. Á svæðinu
mátti finna allt það sem okkur
vanhagaði um, hatta, grímur,
geitamjólk, brauð og hrísgrjón.
Pakistan er almennt þurrt land,
áfengi er stranglega bannað og
það kom okkur þess vegna virki-
lega á óvart að sjá ölvaða bændur
stíga trylltan dans fyrsta kvöld
leikanna. Fram hjá lögreglu og
her höfðu greinilega komist
hundruð lítra af heimabrugguðu
apríkósu- og greipvíni.
Þegar við gengum um svæðið
fyrsta kvöldið komum við að
búðum Chitral-manna sem buðu
okkur velkomna. Við brögðuðum
á apríkósuvíni og stigum Chitral-
dansinn margfræga. Karlarnir
stóðu allt í kring og klöppuðu í takt
við trommurnar, stemningin jókst
hægt og sígandi og mikil gleði ríkti
í tjaldbúðunum þetta kvöld.
Pólómótið var allt saman einn
stór karlaklúbbur, karlar að dansa
við karla, karlar að spila póló og
karlar að drekka apríkósuvín.
Hvergi var konu að sjá. Í slíkum
aðstæðum fer hugurinn óneitan-
lega að reika heim þar sem íslensku
stúlkunum leyfist að dansa uppi á
borðum og skella svo í sig ísköldu
öli.
Seinasta daginn var svo úrslita-
leikur mótsins haldinn og Pervez
Musharaff, hershöfðingi og for-
seti, kom sem heiðursgestur.
Öryggisgæslan var gríðarleg, her-
menn allt í kring og lífverðir
forsetans fylgdu honum hvert
fótmál. Það fylgir ekki sögunni
hvernig leikar fóru en þetta var
áhugaverð upplifun.
Eftir að pólópartíinu í Pakist-
an lauk sætti ég mig við það að
tími flakksins væri á enda, ég
hef ferðast um heiminn í heilt ár
og hugur minn hefur tekið völdin
og haldið til Íslands á undan mér.
Ég læt mig dreyma um kaldar
dimmar vetrarnætur, lakkrís-
reimar, lambið hennar mömmu
og rútínuna sem ég var orðinn
svo leiður á. valgeir@frettabladid.is
Pólópartí í Pakistan
Mikið var um dýrðir á pólómótinu.
MYND/BURKUS
Sigurður, annar frá vinstri, og Jón Bjarki, lengst til hægri, í félagsskap heimamanna í Pakistan. Eins og sjá má eru þeir félagar klæddir að
hætti innfæddra. MYND/BURKUS
Ferðaskrifstofan Vestfjarðaleið
- TREX býður í haust upp á
ýmsar spennandi ferðir til St.
John´s í Kanada.
Meðal þeirra ferða sem í boði eru
hjá ferðaskrifstofunni eru borgar-
ferðir til St. John´s, höfuðborgar
Nýfundnalands í Kanada sem
farnar hafa verið undanfarin átta
ár. St. John´s hefur síðustu ár
vakið verðskuldaða athygli fyrir
hagstætt verðlag og uppfyllir
borgin auðveldlega allar kröfur
ferðamannsins.
St. John´s er litlu stærri en
Reykjavík og þykir hún í senn
falleg, litrík og lífleg nútíma-
borg. Borgin á sér ríka sögu
sem ein mikilvægasta hafnar-
borg Norður-Ameríku. Það
hefur gjarnan verið sagt um St.
John´s að hún sé töfrandi sam-
blanda af gamla og nýja heiminum
og eru keltnesk áhrif víða mjög
ríkjandi.
Í borginni er margt að skoða
og má þar nefna útsýnisstaðinn
Signal Hill og George Street sem
er frægasta kráargata borgarinnar,
en hún iðar af lífi í kringum
Hrekkjavökuhátíðina sem haldin
er á hverju hausti. Farnar verða
þrjár skipulagðar ferðir í haust á
vegum ferðaskrifstofunar. - vör
Litrík nútímaborg
St. John´s er falleg og litrík borg sem iðar af
mannlífi á haustin.
INGA DÓRA GUÐMUNDSDÓTTIR
MYNDLISTARKONA ER NÝKOMIN AF
BRYGGJUHÁTÍÐINNI Á DRANGSNESI.
„Upphaflega var þetta fjölskyldumót
sem hlóð smám saman utan á sig
og varð að heljarinnar útihátíð,“ segir
Inga Dóra, sem fór í tjaldferð í góðra
vina hópi frá Reykjavík til Drangsness
um síðustu helgi.
Að sögn Ingu Dóru hófst hátíðin á
laugardegi og stóð yfir alla helgina
með skipulagðri dagskrá. „Við fórum
í gönguferð á laugardagsmorguninn.
Síðan var boðið upp á sjávarrétta-
smakk, siglingu til Grímseyjar,
útreiðartúra og grásleppusýningu,
sem ég sleppti reyndar,“ bætir hún
við og hlær.
Það kom Ingu Dóru á óvart hversu
mikil afþreying var í boði fyrir hátíðar-
gesti. „Fyrir utan áðurnefnda viðburði
má nefna fótboltamót þar sem lið
frá Hólmavík og Drangsnesi öttu
kappi hvort við annað,“ segir hún.
„Hápunktinum var síðan náð með
balli á laugardagskvöldinu, þar sem
Ingó og veðurguðirnir spiluðu.“
Inga Dóra bætir við að þrír heitir
pottar standi í fjörunni í Drangsnesi
og séu þeir opnir allt árið um kring,
en þar hafi verið gott teygja úr sér
eftir allt fjörið.
roald@frettabladid.is
Teygt úr sér á ströndinni
Inga Dóra skemmti
sér konunglega á
Bryggjuhátíðinni á
Drangsnesi.
FRÉTTABLAÐIÐ/STEFÁN
ÍSHESTAR RIDING TOURS
Sörlaskeið 26 – IS-220 Hafnarfjörður – Iceland
Tel.: +(354)-555-7000 – Fax.:+(354)-555-7001
E-mail: info@ishestar.is – website: http://ishestar.is
“Drottning um stund”
Dekurdagar fyrir konur í hestaferð um Þingeyjarsýslu.
Lengd: 3 dagar/ 2 nætur – ca. 100 km
Verð: 54.000
Dags: 1.- 3. september 2006
Dekur í mat og drykk
Dekrað verður við þátttakendur bæði í mat og drykk
og er vín með mat innifalið í verðinu. Báðar næturnar
er gist í Saltvík þar sem eru 2 nýir heitir pottar með
glæsilegu 5 stjörnu útsýni yfir Skjálfandaflóann og
Kinnafjöllin.
Fararstjóri: Unnur Steinsson
Fararstjóri er engin önnur en hestakonan Unnur Steinsson og mun hún ásamt öðru starfsfólki hugsa vel um
farþegana og sjá til þess að allir fari endurnærðir og glaðir heim.
Í útileguna
*Gallup Október 2005
Mest
lesna
tímaritið *