Fréttablaðið - 23.08.2006, Blaðsíða 6

6 23. ágúst 2006 MIÐVIKUDAGUR
X
E
IN
N
A
N
0
6
08
0
01
Sektir Skeljungs vegna samráðs olíufélag-
anna voru lækkaðar úr 1100 milljónum
í 450 milljónir þegar áfrýjunarnefnd
samkeppnismála úrskurðaði í málinu.
Skeljungur fékk ekki afslátt vegna sam-
starfsvilja, líkt og hin félögin, en sekt fyr-
irtækisins var lækkuð um 650 milljónir.
LEIÐRÉTTING
MENNTAMÁL Þeir framhaldsskóla-
nemar sem vinna með náminu
skila betri námsárangri en þeir
sem vinna ekki, klára fleiri eining-
ar og falla síður, þrátt fyrir að þeir
hafi minni tengsl við skóla og
félagslíf, nýti minni tíma í heima-
nám, séu meira fjarverandi úr
skólanum og finnist hann leiðin-
legri. Þetta er meðal þess sem
fram kemur í nýrri könnun sem
félagsfræðingar við Menntaskól-
ann í Kópavogi, Fjölbrautarskól-
ann í Ármúla og Kvennaskólann í
Reykjavík unnu í skólunum þrem-
ur.
Í könnuninni kemur fram að
stúlkur vinni frekar með námi en
piltar, eldri nemendur vinni frek-
ar og vinna aukist í samræmi við
það hversu langt nemendur eru
komnir í námi. Þá er líklegra að
nemandi vinni þeim mun minni
menntun sem foreldrar hans hafa.
Það segir Hannes Í. Ólafsson, einn
þeirra sem könnunina gerði, sér-
stakt í ljósi þess að samkvæmt
könnunum hafi lítil menntun for-
eldra neikvæð áhrif á námsárang-
ur, sem stangist á við niðurstöður
þessarar könnunar sem sýnir að
þeir sem vinna standa sig betur.
Könnunin leiðir í ljós að 65 pró-
sent nemenda vinna með námi,
mismikið eftir skólum. Hannes
segir hlutfallið þó geta verið
hærra, þar sem líklegra sé að þeir
sem vinna hafi verið fjarverandi
úr skólanum þegar könnunin var
lögð fyrir.
Könnunin var styrkt af Þróun-
arsjóði framhaldsskóla. - sh
Ný könnun sýnir að nemendur sem vinna með námi skila betri árangri í skóla:
Vinnuhestar eru betri námsmenn
Í SKÓLANUM Þeir sem vinna með náminu skrópa oftar í kennslustundum en aðrir og
finnst leiðinlegra í skólanum.
ESKIFJÖRÐUR Alcoa Fjarðaál greiddi
samtals 76.951 krónu fyrir uppi-
hald tveggja lögreglumanna frá
Eskifirði, sem sóttu tveggja vikna
námskeið í fíkniefnaleit til Flórída
í Bandaríkjunum árið 2004.
Auk Alcoa styrktu ýmis fyrirtæki
og stofnanir af Austurlandi námsför
mannanna, en mennirnir sóttu um
styrk fyrir ferðinni í eigin nafni.
Samkvæmt fréttatilkynningu
sem barst frá álfyrirtækinu í kjöl-
far fregna af styrkveitingunni,
kemur fram að fyrirtækið hefur
veitt um 150 milljónir króna til
ýmissa samfélagsverkefna á Aust-
urlandi. Þar ber einna hæst fram-
lag fyrirtækisins til byggingar
íþróttahúss í Fjarðabyggð. - æþe
Styrkveiting frá Alcoa:
Fengu tæp 77
þúsund í styrk
PÓLLAND, AP Þýska nóbelsskáldið
Günter Grass hefur sent borgar-
stjóra fæðingarborgar sinnar
Gdansk, sem áður hét Danzig,
bréf þar sem hann útskýrir að
hann hafi fyrst á elliárum fundið
„réttu leiðina“ til að tala um að
hann þjónaði í Waffen-SS-her-
sveit á síðustu mánuðum síðari
heimsstyrjaldarinnar, þá á átj-
ánda aldursári.
Grass er heiðursborgari
Gdansk og sumir gagnrýnenda
hans, þar á meðal Lech Walesa
sem einnig er heiðursborgari,
hafa skorað á hann að skila heið-
urstitlinum eftir að hann upplýsti
á dögunum um þetta áður ókunna
atriði ævisögu sinnar. Lesið var
upp úr bréfinu á blaðamanna-
fundi í Gdansk í gær. Walesa
sagðist í gær sáttur við útskýr-
ingar Grass. - aa
Bréf frá Günter Grass:
Biður Gdansk-
búa um skilning
HEIÐURSBORGARI Nóbelsskáldið verst
kröfum um að skila heiðursborgaratitli
fæðingarborgar sinnar.
NORDICPHOTOS/GETTYIMAGES
Lilletun látinn Norðmaðurinn Jon
Lilletun, varaforseti norska Stórþingsins,
lést á mánudag. Hann var sextugur
að aldri, en talsmaður Kristilega
demókrataflokksins, sem Lilleton tilheyrði,
vildi ekki gefa upp dánarorsök. Lilletun
var kirkju- og menntamálaráðherra
Noregs á árunum 1997 til 2001.
NOREGUR
SKÓLAMÁL „Það er margt mjög
jákvætt í skýrslunni og það er
greinilegt að við höfum náð þeim
markmiðum að fjölga nemendum,
sem er afar mikilvægt, og fjölga
tækifærunum á háskólastigi. Hins
vegar eru alvarlegar ábendingar
varðandi gæðamálin sem styðja
það sem við höfum verið að segja í
ráðuneytinu, að við verðum að
taka markvissari og ákveðnari
skref í stefnumótum og betri nýt-
ingu fjármagns,“ segir Þorgerður
Katrín Gunnarsdóttir mennta-
málaráðherra.
Í skýrslunni kemur fram að lög
um háskóla frá 1997 hafi stuðlað
að samkeppni og fjölbreytni á
háskólastigi sem hafi leitt til öfl-
ugrar starfsemi háskólanna. Hins
vegar er það tekið fram að of
mikið frjálsræði geti komið niður
á gæðum námsbrauta, en Ísland er
sagt vera í hópi landa sem þurfi að
gera átak í gæðamálum.
„Við höfum nú þegar svarað
gagnrýni með nýrri löggjöf sem
hefur tekið gildi og skólarnir hafa
tvö ár til að laga sig að. Um leið
brýnir þetta okkur í ráðuneytinu
að fylgja þessu betur eftir, til
dæmis að halda uppi gæðaeftirliti
í þágu nemenda þannig að þekking
skili sér í atvinnulífinu,“ segir
Þorgerður.
Skýrsluhöfundar benda jafn-
framt á að aðsókn í háskólamennt-
un aukist sífellt og bregðast verði
við því með nýjum fjármögnunar-
leiðum. „Þeir segja að það sé ljóst
að ríkisvaldið getur ekki annað
þessu og við þurfum að hafa fjár-
mögnunina fjölbreyttari. Þá erum
við ekki bara að tala um skólagjöld
heldur líka aðkomu annarra aðila í
kostnaði og þátt atvinnulífsins,“
segir Þorgerður.
Í skýrslunni kemur fram að
jafnrétti til náms á Íslandi er ein-
stakt, bæði jafnrétti kynjanna og
félagslegt jafnrétti. Í því samhengi
fær Lánasjóður íslenskra náms-
manna lofsamlega umsögn. Einnig
segir í skýrslunni að Ísland sé fram-
arlega í alþjóðavæðingu, enda geti
námsmenn fengið lán fyrir námi í
erlendum háskólum og virkt alþjóð-
legt rannsóknarsamstarf styðji við
háskólamenntun á Íslandi.
Skýrla OECD, sem út kom í gær,
er hluti af úttekt sem nær til 24
landa en þrettán lönd voru tekin
sérstaklega fyrir, þar á meðal
Ísland. Sérfræðingar OECD heim-
sóttu allar stofnanir á háskólastigi
á landinu síðastliðið haust og ræddu
við hagsmunaaðila, þar á meðal
fulltrúa atvinnulífsins.
rosag@frettabladid.is
Gæðum ábótavant
Samkvæmt nýrri skýrslu Efnahags- og framfarastofnunarinnar, OECD, um há-
skólastigið á Íslandi hefur stefna stjórnvalda borið árangur en endurskoða þarf
fjármögnun háskóla. Einnig þarf að gera átak í gæðamálum háskólanna.
ÞORGERÐUR KATRÍN GUNNARSDÓTTIR „Það er alltaf mikill fengur fyrir okkur sem stuðlum
að stefnumótun og eflingu menntakerfisins að fá úttekt utanaðkomandi því glöggt er gests
augað,“ segir Þorgerður, en ekki hefur verið gerð slík könnun áður hér á landi.
FRÉTTABLAÐIÐ/PJETUR
ÚKRAÍNA, AP Allir farþegar og áhöfn
rússneskrar farþegaþotu fórust
þegar vélin hrapaði í miklu þrumu-
veðri í Úkraínu síðdegis í gær, alls
170 manns. Fjörutíu og fimm þeirra
voru börn.
Vélin var á ferð frá ferðamanna-
staðnum Anapa við Svartahafið til
Pétursborgar, en hvarf af radar-
skjám yfir austurhluta Úkraínu,
norðan borgarinnar Donetsk.
Flugmenn þotunnar sendu frá
sér neyðarkall örfáum mínútum
fyrir slysið.
Rússnesk yfirvöld kenna veðr-
inu um slysið og hafa útilokað að
um hryðjuverk hafi verið að ræða.
Talskona rússneskra almannavarna-
yfirvalda, Irina Andrianova, sagði
að líklegast væri að eldingu hefði
slegið niður í vélina. „Eftir að hún
hrapaði, brotnaði hún í tvennt og
eldur kom upp í henni,“ sagði hún.
Vélin var rússnesk af gerðinni
Tupolev Tu-154. Hún var 16 ára
gömul, frá flugfélaginu Pulkovo og
hafði flogið 9.000 kílómetra síðan
hún var síðast yfirfarin. Pulvoko er
eitt stærsta flugfélag Rússlands, en
mörg rússnesk flugfélög notast við
vélar af þessari gerð.
Flestir farþeganna komu frá
Pétursborg og virtust margar fjöl-
skyldur hafa verið meðal þeirra því
margir farþeganna deildu eftir-
nöfnum. Margar rússneskar fjöl-
skyldur fara til Anapa í sumarfrí-
inu. - smk
Rússnesk farþegaþota hrapaði í Úkraínu með hörmulegum afleiðingum:
170 manns fórust í flugslysi
FLUGSLYS Slökkviliðsmenn gátu lítið að gert, þegar þeir komu að flaki vélarinnar.
FRÉTTABLAÐIÐ/AP
KJÖRKASSINN
Á Menningarnótt að vera á
sunnudegi?
Já 40%
Nei 60%
SPURNING DAGSINS Í DAG:
Eru íslenskir háskólar nægilega
góðir?
Segðu skoðun þína á vísir.is