Fréttablaðið - 23.08.2006, Blaðsíða 8

8 23. ágúst 2006 MIÐVIKUDAGUR
GAZA, AP Ísraelskir hermenn skutu
þrjá Palestínumenn til bana á
Gaza-ströndinni aðfaranótt þriðju-
dags. AP hefur eftir talsmanni
hersins að skothríð hafi verið gerð
að mönnunum því þeir hafi talist
„grunsamlegir, á göngu við landa-
mærin með stóra poka“. Skrið-
drekar skutu einnig í átt að mönn-
unum.
Palestínskir læknar komu að
líkum mannanna eftir dagrenn-
ingu og sögðu erfitt að bera kennsl
á sundurskotin líkin. Engin vopn
fundust á líkunum né í nágrenni
þeirra.
Haft er eftir palestínskum
öryggisvörðum að mennirnir hafi
tilheyrt herskáum samtökum, en
samtökin staðfestu það ekki. - kóþ
Ísraelar ráðast inn á Gaza:
Grunsamlegir
menn skotnir
SKÓLASTARF Nemendur við Land-
búnaðarháskóla Íslands hafa
aldrei verið fleiri eða tæplega 300
að sögn Guðrúnar Jónsdóttur, upp-
lýsingafulltrúa Háskólans. „Skóla-
starfið hefur breyst mikið undan-
farin ár og nú er í fyrsta skipti
boðið upp á nám í skógfræði og
landgræðslu.“
Landbúnaðarháskólinn hefur
boðið upp á nám í landslagsarki-
tektúr undanfarin ár á námsbraut
um umhverfisskipulag. Þetta er
vinsælasta námið við skólann og
færri komast að en vilja.
Guðrún segir sífellt fleiri nem-
endur stunda nám með vinnu en
nú er hægt að skrá sig í staka
áfanga við skólann. - hs
Nemendur LBHÍ aldrei fleiri:
Landlagsarki-
tektúr vinsæll
HVANNEYRI 300 nemendur stunda nám í
Landbúnaðarháskóla Íslands á Hvanneyri.
LUNDÚNIR, AP Breska sjónvarps-
stöðin Boomerang hefur ákveðið að
ritskoða fimmtíu ára gamla Tomma
og Jenna þætti vegna umkvörtunar
eins viðskiptavinar stöðvarinnar,
en honum ofbauð að sjá Tomma
leika listir sínar við að rúlla sér
sígarettu til að ganga í augun á
læðu nokkurri.
Umrætt atriði, sem var í þættin-
um „Texas Tommi“ verður þurrkað
út svo að koma megi í veg fyrir að
reykingar virðist á nokkurn hátt
„aðlaðandi eða sveipaðar töfra-
ljóma“. Annað atriði í þættinum
„Tennisfélagar“ verður einnig
þurrkað út, en þar sést andstæðing-
ur Tomma púa vindil. - kóþ
Bresk sjónvarpsstöð:
Tommi og Jenni
ritskoðaðir
VEISTU SVARIÐ?
1Í hvaða blaði var Bæjarins bestu valinn næstbesti matsöluturn
Evrópu?
2Hvaða þjóð vill leiða friðargæslu í Líbanon?
3Í hvaða sveitarfélagi eru þrjú af hverjum fjórum formannshlut-
verkum í nefndum sveitarfélagsins í
höndum kvenna?
SVÖRIN ERU Á BLS. 42
MENNINGARNÓTT Reykjavíkurborg
greiðir engan löggæslukostnað
vegna Menningarnætur. Geir Jón
Þórisson yfirlögregluþjónn segir
kostnað lögreglunnar í Reykjavík
vegna hátíðahaldanna á Menning-
arnótt vera um eina og hálfa millj-
ón. Hátíðin fellur ekki undir
reglugerð um skemmtanahald
meðal annars vegna þess að eng-
inn aðgangseyrir er rukkaður.
„Borgin þarf ekki að sækja um
skemmtanaleyfi vegna þess að
hún er ekki með dansleiki eða
aðra leyfisskylda skemmtana-
starfsemi á sínum vegum þetta
kvöld,“ segir Geir Jón. „Þetta er
töluverður kostnaður sem leggst
á okkur, ég myndi áætla að þetta
sé um ein og hálf milljón. Þarna
höfum við lítið um það að segja að
þurfa að leggja í fjárútlát vegna
hluta sem við ráðum ekki yfir.“
„Það kostar ekkert inn á Menn-
ingarnótt þannig að borgin hefur
ekki þurft að greiða löggæslu-
kostnað vegna hátíðarinnar. Við
höfum samt sem áður tekið þátt í
að útvega fólk úr flugbjörgunar-
og hjálparsveitum á staði þar
sem þörf er á gæslu. Við viljum
endilega vera í sem bestu sam-
starfi við lögregluna í Reykjavík
eins og undanfarin ár,“ segir Sif
Gunnarsdóttir hjá Höfuðborgar-
stofu. - sþs
Reykjavíkurborg greiðir engan löggæslukostnað vegna Menningarnætur:
Rúm milljón úr vasa lögreglu
FRÁ MENNINGARNÓTT Menningarnótt
fellur ekki undir reglugerð um skemmt-
anahald og þarf haldari því ekki að greiða
löggæslukostnað vegna hátíðarinnar.
SVEITARSTJÓRNMÁL Sveitarstjórn
Skútustaðahrepps hefur samþykkt
að ganga til viðræðna við sveitar-
stjórn Aðaldælahrepps um hugsan-
lega sameiningu sveitarfélaganna.
Sveitarstjórn Þingeyjarsveitar
hefur enn ekki svarað beiðni frá
Aðaldælahreppi um viðræður um
sameiningu.
Ólína Arnkelsdóttir, oddviti Aðal-
dælahrepps, segir viðræðurnar til-
komnar eftir niðurstöður könnunar
sem gerð var meðal íbúa Aðaldæla-
hrepps um leið og sveitarstjórnar-
kosningarnar voru haldnar í vor.
„Niðurstaða könnunarinnar var sú
að Aðaldælingar, eru tilbúnir til þess
að ganga til viðræðna við sveitar-
stjórn Skútastaðahrepps og Þingeyj-
arsveitar um hugsanlega samein-
ingu. Sveitarstjórn Þingeyjarsveitar
hefur enn ekki svarað skriflegu
erindi okkar.“ - mh
Sveitarstjórnir á Norðurlandi:
Aðaldælingar
vilja sameiningu
Schwarzenegger hækkar laun
Lágmarkslaun í Kaliforníu verða hækkuð
úr 475 krónum á tímann í 563 krónur á
tveggja ára tímabili, eftir að ríkisstjórinn
Arnold Schwarzenegger náði
samkomulagi um þetta við þingmenn
demókrata. Þar með eru lágmarkslaun í
Kaliforníu þau hæstu í Bandaríkjunum.
BANDARÍKIN
LAX Veiði í Ytri-Rangá í sumar
stefnir í að slá öll met, en um tvö
þúsund og fimm hundruð laxar
hafa veiðst það sem af er sumri.
Samkvæmt Jóhannesi Hinrikssyni
veiðiverði hefur veitt gríðarvel í
sumar og er heilmikið eftir.
„Núverandi met er um þrjú
þúsund laxar. Við opnuðum ekki
fyrr en 23. júlí og eigum því mjög
mikið eftir. Fiskarnir sjálfir hafa
líka verið stórir og góðir í sumar,
þeir eru flestir á bilinu fjögur til
sjö pund með einum og einum
ræfli inn á milli. Maðkaopnunin
verður næsta laugardag þannig að
það stefnir í metár hvað laxafjölda
varðar,“ segir hann. - sþs
Allt stefnir í metveiði í Rangá:
Veiðin góð og
fiskarnir stórir
LAX 2500 laxar hafa veiðst í Ytri-Rangá það
sem af er sumri.
VIRKJANIR Öðru fremur stafar gagn-
rýni á virkjanaframkvæmdirnar á
framkvæmdasvæðinu við Kára-
hnjúka af upplýsingaskorti og
ónægri umræðu. Þetta segir Pálmi
Jóhannesson, einn þeirra sem
unnu að hönnun Kárahnjúkastíflu
en hann sat fyrir svörum á blaða-
mannafundi hjá Landsvirkjun í
gær.
Eins og greint hefur verið frá í
Fréttablaðinu, hafa raunvísinda-
menn deilt um það að undanförnu
hvort jarðvísindalegar athuganir á
svæðinu við Kárahnjúka hafi verið
nægilegar, en Landsvirkjun hefur
vísað því á bug að athuganir á
svæðinu hafi ekki verið nógu mikl-
ar.
Pálmi, sem tekið hefur þátt í
hönnun stíflna víða um heim, segir
gagnrýnina á virkjanafram-
kvæmdirnar ekki eiga rétt á sér.
„Fyrst og fremst stafar gagnrýni
á virkjanaframkvæmdirnar stafa
af upplýsingaskorti. „Ég held að
fólk vinni sig ekki nægilega vel að
kjarna málsins áður en það fer að
gagnrýna efnisatriði þess. Þetta
er flókið mál sem unnið hefur
verið að árum saman og það er
ekki vilji neins að vinna að þessu
verkefni með óvönduðum hætti.
Það hefur verið unnið að öllum
þáttum þessa verkefnisins af mik-
illi yfirvegun og það er alveg ljóst
að við hönnun stíflunnar er fyllsta
öryggis gætt.“
Sérfræðingar sem hafa verið til
ráðgjafar vegna Kárahnjúkavirkj-
unar, Brasilíumaðurinn Nelson
Pinto, Norðmaðurinn Kaare Höeg
og Sveinbjörn Björnsson, fyrrver-
andi rektor Háskóla Íslands, sögðu
Kárahnjúkavirkjun vera örugga
og ekki þyrfti að óttast það að hún
myndi leka of mikið.
Eins og ítarlega hefur verið
gerð grein fyrir í Fréttablaðinu,
rannsökuðu jarðfræðingarnir
Kristján Sæmundsson og Haukur
Jóhannesson sprungur og mis-
gengi við framkvæmdasvæðið við
Kárahnjúka seinnipart árs 2004 og
2005, og leiddi það í ljós að
sprungusveimar frá Kverkfjalla-
eldstöðinni væru nær fram-
kvæmdasvæðinu en áður var
talið.
Sérfræðingarnir þrír sögðu
óþarft að hafa áhyggjur af því að
sprungur í Hálslónsbotni myndu
leka of mikið, en reiknað er með
leka sem sé innan viðráðanlegra
marka.
Jarðvísindamenn hafa að und-
anförnu deilt á starfshætti Lands-
virkjunar. Haraldur Sigurðsson,
jarðfræðiprófessor í Rhode Island-
háskóla í Bandaríkjunum, sagði í
Fréttablaðinu að bygging Kára-
virkjunar væri „ískyggileg
bíræfni“ þar sem misgengi og
sprungur undir framkvæmda-
svæðinu væru virkar í jarðfræði-
legum skilningi. Þá sagðist Grím-
ur Björnsson jarðeðlisfræðingur
hafa „mikla ónotatilfinningu fyrir
stíflustæðinu“, í viðtali við Frétta-
blaðið 29. júlí síðastliðinn.
magnush@frettabladid.is
Ónægar upplýsingar
kjarninn í gagnrýni
Pálmi Jóhannesson, einn hönnuða Kárahnjúkavirkjunar, segir gagnrýni á virkj-
anaframkvæmdirnar stafa öðru fremur af ónægum upplýsingum. Landsvirkj-
un hélt kynningarfund með sérfræðingum og hönnuðum virkjunarinnar í gær.
PÁLMI JÓHANNESSON Á FUNDINUM Pálmi lagði sig allan fram við að útskýra flókna verkfræði Kárahnjúkavirkjunar fyrir fundargestum með
einföldum hætti. Hann sést hér fara yfir ýmis verkfræðileg mál sem upp geta komið vegna Hálslóns. FRÉTTABLAÐIÐ/GVA
Nýtt dísilhraðamet Bretinn Andy
Green sló í gær hraðamet dísilvéla-
knúins landfarartækis er hann komst
í 379,39 km hraða á klukkustund á
sérsmíðuðum straumlínubíl sínum á
Bonneville-saltsléttunum í Utah.
BANDARÍKIN