Fréttablaðið - 29.08.2006, Qupperneq 34

■■■■ { ljósanótt 2006 } ■■■■■■■■■■■■■■■■■■■■■■■■■■■■■■■■■■■■■■■■■■■■■■■4
„Við erum fimm í þessum hóp og
höfum verið það frá upphafi. Það
hefur verið haft samband við okkur
og við beðin um að taka að okkur
ýmis verkefni, en við tökum þau
verkefni að okkur sem við teljum
okkur geta framkvæmt,“ sagði Örn
Alexandersson úr Norðan Báli.
Hópurinn stóð m.a. fyrir skugga-
leikhúsi á framhlið Háskóla Íslands í
tengslum við ljósahátíð árið 2000 og
var einnig með ljósatónleika á Kópa-
vogskirkju árið eftir. Þá hefur hópur-
inn hannað túlipana á ljósastaura
en þeir voru settir upp í tengslum
við Vetrarhátíð Reykjavíkurborgar.
Síðasta verk hópsins var uppsetning
verksins „Fimmkallahringurinn“ á
túninu við Gerðarsafn í Kópavogi.
Norðan Bál mun vekja upp Ægi á
Ljósanótt í boði KB banka. Hópurinn
fær til liðs við sig valda listamenn
og framkvæmir gjörning ljóss og
tóna. Örn segir að heimsmet gæti
fallið þetta kvöld en vill ekki fara
nánar út í það. „Það verður eigin-
lega að koma í ljós, fólk verður að
koma og sjá. Það eina sem ég get
sagt er að heimsmet mun mjög lík-
lega falla.“ Um er að ræða viðamikla
sýningu sem hefur verið í undir-
búningi í nokkurn tíma. „Þetta fór
að rúlla fyrir tveimur mánuðum og
hefur tekið allan aukatíma okkar.
Þetta verður smá leikhús,“ segir Örn
en meðlimir hópsins koma flestir
úr áhugaleikhúsum. „Það er stór-
skemmtilegt að standa í þessu, mjög
gaman að ná að framkvæma hið
ómögulega. Þetta er bara eins og
frumsýning og það verður spennu-
fall leið og þetta er búið.“
Heimsmet mun líklega falla
Fjöllistahópurinn Norðan Bál hefur staðið að ýmsum listviðburðum á undanförnum árum
og verður með atriði sem markar upphafið á lokum Ljósanætur á laugardagskvöld.
Hópurinn Norðan Bál mun vekja upp Ægi á Ljósanótt. Myndin er frá Ljósanótt í fyrra., þar sem bergið var lýst upp.
Steinþór Jónsson er forsprakki Ljósa-
nætur, sem verður haldin hátíðleg
í sjöunda sinn þetta árið. „Það er
mikið að gerast og erfitt að taka ein-
hverja nokkra viðburði út en gaman
að segja frá því að Landhelgisgæsl-
an ætlar að fagna með okkur, það
er einmitt stórafmæli hjá henni og
með hennar aðstoð má fá nýja sýn
á flugeldasýninguna. Við verðum
með mikið af bátum á hátíðinni í ár
og þeir munu setja svip á svæðið,“
sagði Steinþór.
„Á laugardeginum verður mikið
um endurfundi. Margir fyrrverandi
íbúar bæjarins koma á þessa hátið
og ætlum við að vera með svokall-
aðan árgangahitting að þessu sinni.
Miðað er við fæðingarár og getur
fólk hitt aðra úr sínum árgangi á
Hafnargötunni. Árgangarnir hittast
við sérstök hús, t.d. munu þeir sem
eru fæddir 1974 hittast við Hafnar-
götu 74 svo dæmi sé tekið,“ sagði
Steinþór.
„Þegar allir eru búnir að kasta
kveðju á hvort annað verður farið
í skrúðgöngu þar sem árgangur ´90
gengur fyrstur af stað og tekur með
sér ´89 og svo ´88 og svo áfram.
Þarna fáum við bæjarfélagið í
aldursröð upp að hátíðarsviðinu,“
sagði Steinþór. Auglýst hefur verið
að um fermingarárganga sé að
ræða en Steinþór segir að það sé
misskilningur. „Þetta er bara miðað
við fæðingarár og eru aðkomumenn
líka velkomnir í þessa göngu. Ef
vel heppnast verður talað um þetta
áfram.“
Á Ljósanótt er fjölskyldustemn-
ingu og menningarhátíð blandað
saman á skemmtilegan hátt. „Á
miðvikudagskvöld tökum við smá
forskot á sæluna fyrir hátíðina og
verðum með hagyrðingakvöld.
Það er svo mikið af viðburðum að
þessi hátíð hefur breiðst út á svona
marga daga og því nánast hægt að
tryggja að þeir sem vilji sjá ein-
hver atriði komist á þau öll,“ sagði
Steinþór. Hugmyndin að hátíðinni
kom í kjölfarið á því að hann fékk
þá hugdettu að láta lýsa upp bergið
við Reykjanesbæ.
„Þetta hefur undið upp á sig og
ótrúlegt að fylgjast með því hvað
þessi hátíð hefur stækkað. Það
sýnir betur en margt annað hvað
samstaðan og samhugurinn er
mikill hjá bæjarbúum. Það er líka
ákveðið stolt að reyna að gera betur
og betur með hverri hátíð. Ljósa-
nóttin er hálfgerð áramót hjá íbúum
bæjarins,“ sagði Steinþór.
„Hátíðir hafa allar sinn tilgang.
Hjá okkur hefur þetta blandast við
mikla framkvæmdagleði og við
höfum reynt að halda þeim sið að
vígja nýja hluti á hverri hátíð. Til
dæmis munum við taka núna í notk-
un nýjan kvikmyndasal í bænum,“
sagði Steinþór. Þá hafa íbúar verið
hvattir til að gera umhverfið hreint
og fallegt fyrir hátíðina en þess má
geta að umhverfismál í Reykjanes-
bæ hafa tekið miklum stakkaskipt-
um á síðustu árum.
„Svo verður að sjálfsögðu gott
og fallegt veður hjá okkur eins og
hefur alltaf verið á Ljósanótt,“ sagði
Steinþór Jónsson.
Árgangar hittast
Steinþór Jónsson er forsprakki Ljósanætur sem verður haldin hátíðleg í
sjöunda sinn þetta árið.
Steinþór Jónsson er forsprakki Ljósanætur.
- leggur heiminn að vörum þér
Kaffib
olli
og Prin
sessan
í Baun
alandi
Lína R
ut sýn
ir í ka
ffihús
i
Kaffitá
rs á Lj
ósanót
t
Kaffitár, Stapabraut 7,
Reykjanesbær, sími 420 2710