Fréttablaðið - 29.08.2006, Síða 54
29. ágúst 2006 ÞRIÐJUDAGUR30
timamot@frettabladid.is
MERKISATBURÐIR
1862 Akureyri fær kaupstaðar-
réttindi. Í bænum bjuggu
þá 286 manns.
1896 Kínverski rétturinn Chop
Suey er fundinn upp af
kokki sendiherra Kínverja í
Bandaríkjunum.
1965 Mannaða geimfarið Gemini
V lendir heilu og höldnu í
Atlantshafi eftir átta daga á
sporbaug um jörðu.
1971 Kirkjan á Breiðabólstað á
Skógarströnd brennur til
kaldra kola. Á sama tíma
kemur upp eldur í bíl sókn-
arprestsins sem er á leið til
kirkju.
1981 Útitaflið við Lækjargötu í
Reykjavík er vígt .
2000 Fyrsta sólarhringsverslun
10-11 er opnuð í Lágmúla.
Það er nýjung á íslenskum
matvörumarkaði.
Á þessum degi árið 1949 sprengdu Sovétríkin sína
fyrstu atómsprengju. Tilraunin fór fram á hinum
fáfarna stað Semipalatinsk í
Kasakstan og tókst vel. Gekk
sprengjan undir leyninafn-
inu Fyrsta elding.
Til að mæla áhrif
sprengingarinnar ákváðu
sovéskir vísindamenn að
byggja hús, brýr og fleiri
mannvirki í nálægð við
sprengingastaðinn til að
sjá hver eyðileggingin yrði.
Einnig lokuðu þeir spendýr
á stærð við manneskjur inni
í búrum til að sjá hvernig
kjarnorkugeislunin færi með þau.
Sprengingin, sem var tuttugu kílótonn, var álíka
kröftug og Trinity, fyrsta atómsprenging Bandaríkja-
manna. Allar byggingar sem voru byggðar molnuðu
í sundur og dýrin leystust
upp.
Talið er að vísinda-
mennirnir sem bjuggu til
sprengjuna hefðu fengið
refsingu í samræmi við
ábyrgðina ef þeim hefði
mistekist. Þeir hæst settu
hefðu verið teknir af lífi
en hinir lægra settu hefðu
„einungis“ verið fangels-
aðir. Þess í stað voru þeir
hæst settu heiðraðir sem
„hetjur sósíalíska verka-
lýðsins“ á meðan hinir lægra settu fengu „orðu
Leníns“ að gjöf.
ÞETTA GERÐIST 29. ÁGÚST
Fyrsta atómsprengja Sovétmanna
MICHAEL JACKSON FÆDDIST
ÞENNAN DAG ÁRIÐ 1958.
„Af hverju má maður ekki
deila rúminu sínu með
öðrum? Það elskulegasta
sem hægt er að gera er að
deila rúminu sínu með
annarri manneskju. Það er
yndislegt og sætt. Allur
heimurinn ætti að gera
það.“
Poppkóngurinn fyrrverandi sem var
ákærður fyrir kynferðislega misnotkun
gagnvart ungum dreng svarar
gagnrýnisröddum.
Ástkær eiginkona mín, móðir, tengdamóð-
ir, amma, langamma, dóttir og systir,
Halldóra Guðrún Björnsdóttir
Tunguheiði 12,
verður jarðsungin frá Fríkirkjunni í Reykjavík í dag,
þriðjudaginn 29. ágúst kl. 13.00.
Páll Kristjánsson
Aðalbjörg Pálsdóttir Steindór Jón Pétursson
Björn Pálsson Berglind Lúðvíksdóttir
Sigurlaug Pálsdóttir Guðni Þór Þorvaldsson
Anna Lilja Pálsdóttir Ívar Guðmundsson
Soffía Björnsdóttir
Grímur S. Björnsson
Þorsteinn Kr. Björnsson
Björn A. Björnsson
barnabörn og barnabarnabörn.
Ástkær móðir okkar, tengdamóðir, systir, amma, langamma
og langalangamma,
Ásta Kristinsdóttir
Bláhömrum 2, 112 Reykjavík,
sem lést á hjartadeild Landspítalans 18. ágúst verður
jarðsungin frá Laugarneskirkju fimmtudaginn 31.
ágúst kl. 15.00.
Reynir Á. Jakobsson Valgerður Guðmundsdóttir
Gréta Hjartardóttir Árni F. Ólafsson
Hilmar Jakobsson
Rúnar H. Hauksson
Hörður S. Hauksson Elsabet Sigurðardóttir
Mary Andersen
og ömmubörn.
Elskuleg móðir okkar, tengdamóðir, amma
og langamma,
Hallfríður Jónsdóttir
frá Bæjum á Snæfjallaströnd,
lést á Hrafnistu 23. ágúst síðastliðinn. Jarðsett verður
frá Fossvogskapellu 30. ágúst kl. 15.00.
Fyrir hönd ástvina og ættingja,
Margrét Dóra Elíasdóttir
Elías Halldór Elíasson.
AFMÆLI
Elísabet Erlingsdóttir, söngkona,
er 66 ára.
Benóný Ægisson,
leikskáld, er 54 ára.
Herdís Hallvarðsdóttir, tónlistar-
kona, er 50 ára.
Sigurður Gylfi
Magnússon, sagn-
fræðingur, er 49 ára.
Erpur
Eyvindarson, tónlistar-
maður, er 29 ára.
Manúela
Ósk Harðardóttir
fyrrv. fegurðardrottn-
ing, er 23 ára.
JARÐARFARIR
13.00 Jóhann S. Björnsson,
Markholti 18, Mosfellsbæ,
verður jarðsunginn frá
Bústaðakirkju.
15.00 Bergþóra Eiríksdóttir,
Skjóli, áður Akralandi 3,
Reykjavík, verður jarðsungin
frá Áskirkju.
15.00 Bergur Ó. Haraldsson,
Hrauntungu 22, Kópavogi,
verður jarðsunginn frá
Digraneskirkju.
Tré ársins er 84 ára gömul og 11,10
metra há gráösp á lóð Austurgötu 12 í
Hafnarfirði. Þetta var tilkynnt við
hátíðlega athöfn um síðustu helgi.
Við athöfnina afhenti Magnús
Jóhannesson, formaður Skógræktar-
félags Íslands, Birnu Loftsdóttur
viðurkenningarskjal fyrir hönd eig-
enda hússins, sem er Fiskveiðihluta-
félagið Venus. Hefur það verið eig-
andi þess undanfarin sjötíu ár.
Húsið var byggt árið 1872 af Ólafi
„Borgara“ en öspin, sem er ein örfárra
af landinu, var að líkindum gróður-
sett árið 1922. Er hún úr Gróðrarstöð
Einars Helgasonar sem stóð við
Laufásveg í Reykjavík.
Að sögn Birnu, sem fæddist í hús-
inu, var tréð hætt komið í september
árið 1972 þegar ofsarok gekk yfir
Suðvesturland. „Þá skekktist það en
slitnaði ekki upp með rótum. Það hall-
aðist út af veggnum og hefur vaxið
þannig síðan. Veggurinn kemur
aðeins inn í tréð en það hefur bara
lifað með því,“ segir Birna og bætir
því við að tréð sé mjög sérstakt. „Það
slútir yfir götuna og vex ekki beint
upp í loftið. Krónan kemur yfir Aust-
urgötuna,“ segir hún.
Skógræktarfélag Íslands velur tré
ársins og er útnefningunni ætlað að
beina sjónum almennings að því
gróskumikla starfi sem er unnið um
land allt í trjá- og skógrækt.
Á meðan á athöfninni stóð lék
lúðrasveit verkalýðsins nokkur lög.
Jafnframt var tréð mælt og aldur
þess staðfestur með því að taka úr því
borkjarna.
Birna segir að athöfnin hafi verið
mjög ánægjuleg. „Við vorum heppin
með veður. Þetta gerðist allt alveg á
milli skúra. Það var þurrt og sólin
skein líka um tíma,“ segir hún.
TRÉ ÁRSINS: 84 ÁRA GÖMUL GRÁÖSP
Stóð af sér ofsarok
TRÉ ÁRSINS Athöfnin á Austurgötu 12 var mjög ánægjuleg að sögn Birnu.
Bjarnarhafnarkirkja á Snæfellsnesi
fagnar 150 ára afmæli um þessar mund-
ir. Saga kirkjunnar og falinna fjársjóða
hennar nær þó enn lengra aftur í tím-
ann, því í Bjarnarhöfn hefur verið kirkja
frá því á 12. öld. Í kirkjunni má finna
altaristöflu sem hollenskir sjómenn
gáfu á 17. öld, en þeir stunduðu þá fisk-
veiðar við landið. Altaristaflan er eftir
óþekktan listamann, en á henni má sjá
postulana bera kennsl á Krist eftir upp-
risuna. Kaleikur kirkjunnar er að sama
skapi merkilegur gripur, en hans er
fyrst getið í máldaga á 13. öld og er tal-
inn vera frá 1280. Bjarnarhafnarkirkja
er bændakirkja og er Bjarnarhöfn eini
bærinn í sókn hennar. Hún þjónar hlut-
verki guðshúss, en er þess að auki afar
vinsæll ferðamannastaður. Gera má ráð
fyrir því að tugir þúsunda ferðamanna
sæki kirkjuna heim á ári hverju.
Séra Karl Sigurbjörnsson, biskup
Íslands, var staddur á Snæfellsnesi um
helgina í árlegri visitasiuferð sinni.
Visitasíuferð biskups er siður sem er
jafngamall kristninni, en í henni skoðar
biskup kirkjur og heimsækir fólk í einu
prófastsdæmi á landinu. Hann sótti
Bjarnarhöfn heim á sunnudag og var af
þeim sökum blásið til fagnaðar vegna
afmælis Bjarnarhafnarkirkju. Séra
Hjálmar Jónsson, sem var viðstaddur
hátíðahöldin, segir þau hafa farið afar
vel fram. Í kirkjunni var haldin hátíða-
messa og gengu prestar prófastsdæmis-
ins hempuklæddir til kirkju. Hann segir
þátttakendur í hátíðahöldunum hafa
verið fólk sem hefur taugar til Bjarnar-
hafnar eða kirkjunnar sjálfrar. Meðal
annars voru þar hjón sem héldu upp á
brúðkaupsafmæli sitt, en þau giftu sig
einmitt í kirkjunni fyrir 45 árum.
Bjarnarhafnarkirkja lætur lítið yfir sér
og stendur ein á miðju túni, en hefur
samt sem áður verið sterkur þáttur í lífi
margra kynslóða eins og kirkjugarður-
inn ber vitni um.
Bjarnarhafnarkirkja 150 ára
HJÁLMAR JÓNSSON Dómkirkjupresturinn var
viðstaddur hátíðarhöld í tilefni 150 ára afmælis
Bjarnarhafnarkirkju en fjöldi fólks sem ber taug-
ar til kirkjunnar tók þátt í hátíðarhöldunum.