Fréttablaðið - 29.08.2006, Síða 59
ÞRIÐJUDAGUR 29. ágúst 2006 35
Tenórsöngvarinn Gissur Páll
Gissurarson heldur sína fyrstu
einsöngstónleika hérlendis í kvöld
þegar hann stígur á svið Salarins í
Kópavogi ásamt ítalska píanó-
leikaranum Matteo Falloni. Gissur
Páll hefur dvalið við nám og störf
á Ítalíu undanfarin ár en þeir
félagar hafa unnið talsvert saman
þar.
Á efnisskrá kvöldsins eru
ítalskar og franskar óperuaríur og
serenöður eftir Mozart, Rossini,
Donizetti, Massenet, Gounod,
Leoncavallo, Mascagni og Cilea.
Frumraun Gissurar Páls á sviði
var þegar hann fór með aðalhlut-
verkið í Oliver Twist, þá aðeins
ellefu ára. Hann hóf nám við
Söngskólanum í Reykjavík vetur-
inn 1997 undir handleiðslu
Magnúsar Jónssonar en síðar
stundaði hann nám í Bologna á
Ítalíu og að loknu námi veturinn
2005 sótti hann einkatíma hjá
Kristjáni Jóhannssyni. Gissur Páll
hefur síðan tekið þátt í óperuupp-
færslum og sungið með kórum þar
í landi og komið framfyrir hönd
Íslands á EXPO-sýningunni sem
haldin var í Nagoya í Japan. Hann
tók líka þátt í alþjóðlegri söng-
keppni á Ítalíu fyrr á árinu og
hafnaði þar í þriðja sæti en hann
var eini karlsöngvarinn sem vann
til verðlauna.
Píanóleikarinn Matteo Falloni
útskrifaðist með hæstu einkunn í
píanóleik og tónsmíðum frá tón-
listarháskóla í Brescia á Ítalíu og
stundaði síðar nám í hljómsveitar-
stjórnun. Hann hefur hlotið fjölda
verðlauna í kammertónlistar-
keppnum en auk þess að vera virt-
ur píanóleikari starfar hann einnig
við kennslu og hefur samið fyrir
ekki minni spá menn en Massimil-
iano Motterle, Þorstein Gauta Sig-
urðsson, Concerto delle Dame,
Francesco Ugolini, Quartetto
Helios og Kristján Jóhannsson.
Tónleikarnir hefjast kl. 20, nán-
ari upplýsingar á www.salurinn.
is.
- khh
GISSUR PÁLL GISSURARSON
Heldur sína fyrstu einsöngstónleika á
Íslandi í kvöld.
FRÉTTABLAÐIÐ/GVA
Fyrstu íslensku einsöngstónleikarnir í Salnum
Tríó Bellarti leikur á síðustu
sumartónleikum Listasafns Sigur-
jóns Ólafssonar í kvöld. Tríóið
skipa fiðluleikarinn Chihiro Inda,
Pawel Panasiuk sellóleikari og
Agnieszka Malgorzata Panasiuk
píanóleikari.
Á efnisskrá tónleikanna eru
verk eftir Mozarts, tríó eftir Anton
S. Arensky og tónverkið „Andað á
sofinn streng“ eftir Jón Nordal.
Chihiro Inda fiðluleikari er fædd í
Tókýó og stundaði tónlistarnám í
heimaborg sinni og hlaut þar
fjölda verðlauna. Hún stundar nú
nám við The Royal Academy of
Music í London.
Pawel Panasiuk er fæddur í
Póllandi og lauk þar meistaraprófi
í sellóleik frá Chopin Akademí-
unni í Varsjá og stundaði síðar
framhaldsnám við Trinity College
of Music í London. Hann hefur
tekið þátt í ýmsum námskeiðum,
haldið einleikstónleika og leikið
með fjölda hljómsveita og kammer-
sveita, meðal annars í Póllandi,
Bretlandi og á Íslandi. Frá árinu
1999 hefur Pawel búið á Akureyri
og kennir við tónlistarskólann þar,
bæði sellóleik og kammertónlist.
Hann er fyrsti sellóleikari Sinfóníu-
hljómsveitar Norðurlands og
hefur leikið einleik með hljóm-
sveitinni.
Samlanda hans. Agnieszka Mal-
gorzata Panasiuk, stundaði nám
við tónlistarakademíuna í Gdansk
og lauk þaðan meistaraprófi í
píanóleik. Í Póllandi starfaði hún
með ýmsum kammerhópum en
kom einnig fram sem einleikari Þá
stundaði Agnieszka nám við The
Royal Academy of Music í Lond-
on. Í Englandi lék hún með mörg-
um einleikurum og kammerhóp-
um. Síðan 1999 hefur Agnieszka
búið og starfað á Akureyri þar
sem hún kennir við tónlistarskól-
ann og leikur með ýmsum kórum,
söngvurum og kammerhópum
jafnt norðan heiða sem sunnan.
Tónleikarnir hefjast kl. 20.30.
Bellarti leikur
í Laugarnesi
SÍÐUSTU SUMARTÓNLEIKAR LISTASAFNS
SIGURJÓNS Tríó Bellarti flytur verk Mozarts,
Arensky og Jóns Nordal.
550 5000
AUGLÝSINGASÍMI