Fréttablaðið - 02.09.2006, Blaðsíða 94

2. september 2006 LAUGARDAGUR58
HRÓSIÐ FÆR …
1
6 7 8
10
13
119
12
15
16
18
21
20
17
14
19
2 3 4 5 FRÉTTIR AF FÓLKI
LÁRÉTT
2 þó 6 bardagi 8 fley 9 æxlunar-
korn 11 þreyta 12 festa 14 faðma 16
klafi 17 löng 18 fát 20 samtök 21
traðkaði.
LÓÐRÉTT
1 not 3 frá 4 land 5 traust 7 súgur
10 hætta 13 sníkjudýr 15 hástétt 16
margsinnis 19 eldsneyti.
LAUSN
Sautján manna stórsveit Benna
Hemm Hemm mun frumflytja
nýja tónlist við hina tæplega aldar
gömlu kvikmynd Berg Eyjvind oc
hans hustru eða Fjalla-Eyvindur
og kona hans á Alþjóðlegu kvik-
myndahátíðinni í Reykjavík. Sýn-
ingin verður í Tjarnarbíói 4. og 5.
október en myndin er sænsk og er
gerð af hinum virta
Victor Sjöström og
byggir á leikriti
Jóhanns Sigurjóns-
sonar. Hún segir frá
hinum fátæka
Eyvindi sem hefur
þurft að stela til
að hafa í sig og á
en fær loks vinnu
á bæ þar sem
Halla býr. Þau verða ástfangin en
þegar húsfólkið ber kennsl á
Eyvind sem hinn illræmda þjóf
flýja þau upp til fjalla.
Þegar Fréttablaðið náði tali af
Benedikt Hermanni Hermanns-
syni var hann staddur í Sláturhús-
inu við Hverfisgötu þar sem tón-
smíðarnar fara
fram. „Ég er eigin-
lega að semja
núna,“ sagði hann.
„Er svona óþægilega nálægt því
að vera nýbyrjaður,“ bætir hann
við og hlær. „Mér finnst í raun
aldrei óþægilegt að byrja og hóf
störf svolítið seint en þetta gengur
eins og sögu,“ segir Benedikt. Tón-
listarmaðurinn var búinn að sjá
myndina og leist mjög vel á grip-
inn, sagði myndina vera bófasögu
með dramatísku ívafi. „Þetta er
alls ekki létt verk,“ viðurkennir
hann. „Ég held að tónlistin þurfi
að hljóma í allar sjötíu mínúturn-
ar,“ bætir hann við. Alþjóðlega
kvikmyndahátíðin í Reykjavík
hefst 28. september og stendur til
8. október. Á hátíðinni eru sýndar
áttatíu myndir og hátt í tvö hundr-
uð gestir munu sækja hátíðina
heim. - fgg
Benedikt í fótspor Fjalla-Eyvinds
BENEDIKT HERMANN
Semur tónlist við kvik-
myndina Fjalla-Eyvind
og konu hans sem sýnd
verður á Alþjóðlegu
kvikmyndahátíðinni í
Reykjavík.
FJALLA-EYVINDUR OG HALLA Leikrit
Jóhanns Sigurjónssonar var eitt fyrsta
íslenska leikritið sem sló í gegn utan
landsteinanna.
LÁRÉTT: 2 samt, 6 at, 8 far, 9 gró, 11
lú, 12 negla, 14 knúsa, 16 ok, 17 síð,
18 fum, 20 aa, 21 tróð.
LÓÐRÉTT: 1 gagn, 3 af, 4 malasía, 5
trú, 7 trekkur, 10 ógn, 13 lús, 15 aðal,
16 oft, 19 mó.
„Ég er nú bara að skipta um vinnu.
Það er ekki eins og ég sé að ganga
í gegnum hjónaskilnað,“ segir
Helgi Seljan sjónvarpsmaður.
„Það var erfitt að kveðja vinnufé-
lagana á Netaverkstæðinu á Eski-
firði og byrja sem blaðamaður.
Það er eins með þetta.“
Í gær skrifaði Helgi nokkuð
óvænt undir samning við Pál
Magnússon sjónvarpssjóra þess
efnis að koma til starfa á RÚV en
hann hefur starfað á NFS undan-
farna mánuði við góðan orðstír.
„Samstarfsmenn mínir á NFS
eru alls góðs maklegir og þar er
hver snillingurinn af öðrum. Ég
ákvað með mjög skömmum fyrir-
vara að þekkjast boð Þórhalls
Gunnarssonar og ráða mig til
starfa á Kastljósið. Mér finnst það
afar spennandi kostur og nýjar
lendur þó að starfið sé í grunninn
það sama. Ég á eftir að sakna
vinnufélaganna, sérstaklega Kötu
(Katrínar Rutar Bessadóttur, sam-
býliskonu Helga), en tíminn á NFS
hefur verið mjög skemmtilegur
og lærdómsríkur.“
Enn er ekki að fullu búið að
ganga frá starfslokum Helga og
því óljóst hvenær hann birtist á
skjá Ríkissjónvarpsins. Helga
hefur skotið með ógnarhraða á
stjörnuhimininn enda hefur hann
vakið athygli fyrir að láta viðmæl-
endur í sjónvarpssal ekki komast
upp með neinn moðreyk, auk þess
að teljast skjávænn í betra lagi.
Helgi Seljan hefur nú farið eins
og eldibrandur um hinn íslenska
fjölmiðlaheim en á rétt rúmu ári
hefur hann starfað, í þessari röð,
á; Austurglugganum, DV, Talstöð-
inni, NFS og nú er komið að RÚV.
- jbg
Helgi skoðar heiminn og kominn á RÚV
HELGI SELJAN Hefur farið sem eldi-
brandur um fjölmiðlaheiminn og nú er
komið að RÚV.
HRÓSIÐ FÆR...
... Ragnar Bragason fyrir að
leggja sig fram við að blása
nýju lífi í íslenska kvikmynda-
gerð með kvikmyndunum Börn
og Fullorðnir.
Kvikmynd Sturlu Gunnarssonar
Beowulf & Grendel var frumsýnd
fyrir fullum sal í Háskólabíói á
fimmtudaginn að viðstödd-
um Gerald Butler sem fer
með hlutverk kapp-
ans Bjólfs í myndinni.
Friðrik Þór Friðriksson,
einn framleiðenda
myndarinnar, ávarp-
aði samkomuna
fyrir sýningu og þakkaði Valgerði
Sverrisdóttur, utanríkisráðherra,
sérstaklega fyrir ómetanlega hjálp
við gerð myndarinnar. Framleiðslan
var nokkuð brösótt, ekki síst vegna
fjárskorts, en Valgerður, sem þá var
iðnaðarráðherra, reyndist kvik-
myndagerðarfólkinu haukur í horni
og „sprengdi margar stíflur“ sem
voru í vegi framleiðendanna. Stíflu-
sprengingar ráðherrans gerðu að
sögn Friðriks honum og félögum
hans kleift að ljúka við myndina,
sem stóð oft ansi tæpt.
Gerald Butler lét einnig nokkur
orð falla í Háskólabíói og lýsti
hrakningum og veðurofsa sem
gerðu aðstandendum myndarinnar
lífið leitt. Þá lét hann það flakka
að vandræðalegasta augnablik
ævi sinnar hefði hann upplifað á
Íslandi þegar hann kom sársvang-
ur inn á veitingastað úti á landi
ásamt framleiðendunum. Eldhús
staðarins var lokað en í örvæntingu
sinni vatt leikarinn sér
að jakkafataklæddum
manni sem hann taldi
ráða þar ríkjum og
spurði kurteislega hvort
nokkur möguleiki
væri á að fá eins
og eina skinkusamloku. Maðurinn
svaraði því til að hann ynni ekki á
staðnum og gæti því ekki bjargað
honum. Það runnu því tvær grímur
á Butler þegar honum var bent á
að hann hefði þarna átt orðastað
við sjávarútvegsráðherra landsins
og voru það fyrstu kynni hans og
Árna M. Mathiesen.
- þþ
Stórsöngvarinn Kristján Jóhanns-
son söng með gleðitríóinu Breið-
bandinu frá Keflavík, í tilefni af
útgáfu disksins Léttir á sér, á
skemmtistaðnum Yello í fyrradag.
Sá leiði misskilningur varð, þegar
tónleikarnir voru auglýstir, að ein-
hverjir töldu að um óperusöngvar-
ann Kristján Jóhannsson væri að
ræða.
„Það er ágætis hljómsveit hér í
bæ sem heitir Breiðbandið. Hún
vildi slá um sig og auglýsti að
Kristján Jóhannsson stórsöngvari
myndi syngja með henni. Fréttin
var hins vegar afbökuð hjá Sjón-
varpinu og þar sagt að óperu-
söngvarinn Kristján Jóhannsson
myndi syngja með sveitinni sem
var alls ekki rétt. Í því liggur mis-
skilningurinn,“ segir Kristján
Jóhannsson söngnemi, sem söng
með Breiðbandinu á fimmtudag.
Út af þessum misskilningi varð
fjölskylda óperusöngvarans fyrir
nokkru ónæði enda ekki á hverjum
degi sem hann syngur hér á landi.
„Ég þekki þessa stráka í Breið-
bandinu og það er léttur
húmor í þeim. Grín-
ið átti að vera það
að Kristján
Jóhannsson myndi
syngja frítt með
þeim. Ég tók eitt
lag á tónleikunum
sem er alls óskylt
þeirri tónlist sem
þeir eru að gera,“
segir alnafni
óperusöngvarans.
„En þegar maður
er meira en hundr-
að kíló og yfir tveir
metrar hlýtur
maður samt að teljast stórsöngv-
ari.“
Kristján stórsöngvari er
búsettur í Reykjanes-
bæ og hefur numið
söng frá árinu 1996.
„Ég hef verið að
dútla við sönginn
en stefni ekki á
neinn frama í
honum. En ég get
hins vegar alveg
sungið, því er
ekki að neita
þótt það sé ekki
á heimsmælikvarða,“ segir Kristj-
án, sem syngur meðal annars með
Karlakór Keflavíkur.
Kristján Jóhannsson segir það
vissulega þunga byrði að vera
alnafni óperusöngvarans. „Þá verða
menn líka að geta sungið. En ég
hlýt að vera eini Kristján Jóhanns-
son stórsöngvari á Íslandi því hinn
er jú fluttur búferlum til Ítalíu,“
segir Kristján og bætir við. „Hann
er hins vegar tenór en ég bassi og
það er víst þannig að tenórinn fer
alltaf heim með sætustu stelpuna
af ballinu.“ kristjan@frettabladid.is
KRISTJÁN JÓHANNSSON: SÖNG MEÐ BREIÐBANDINU
Stórsöngvari alnafni
óperusöngvarans
STÓRSÖNGVARI Kristján Jóhannsson stórsöngvari úr Keflavík er alls ekki líkur óperu-
söngvaranum þótt góður sé.
1 dálkur 9.9.2005 15:17 Page 1