Fréttablaðið - 16.09.2006, Blaðsíða 88

52 16. september 2006 LAUGARDAGUR
sport@frettabladid.is
Íslenska kvennalandsliðið í körfubolta mætir Noregi í dag í Evr-
ópukeppni landsliða. Þetta er annar leikur íslenska liðsins en um
síðustu helgi tapaði liðið naumlega fyrir Hollendingum ytra, 61-66,
í leik sem íslenska liðið hafði forystu nánast allan leikinn en missti
leikinn úr höndum sér á síðustu mínútunum. Norska liðið lék einnig
um síðustu helgi og vann tíu stiga sigur á Írum í Noregi. Þetta
er fyrsti heimaleikur íslensks kvennalandsliðs í Evrópukeppni frá
upphafi.
Guðjón Skúlason, þjálfari kvennaliðsins, sagðist ekki vita mikið um
norska liðið. „Ég veit jafn mikið um þetta lið og tölfræðin segir,“
sagði Guðjón sem reyndi að fá sendar myndir af leik norska liðsins
gegn Írum en án árangurs. „Ég hef meiri áhyggjur af mínu liði en
andstæðingunum. Ef við lögum það sem miður fór á síðustu mínút-
unum í síðasta leik, þá hef ég engar áhyggjur af andstæðingunum,“
bætti Guðjón við.
„Við spiluðum við þetta norska lið fyrir tveimur árum og unnum
þær þá. Við teljum okkur alveg geta unnið þetta lið og ætlum okkur
að gera það,“ sagði Helena Sverrisdóttir, leikmaður Hauka og lands-
liðskona í körfubolta.
Helena sagði að góð stemning væri í
hópnum þrátt fyrir að vissulega hafi það
verið svekkjandi að tapa leiknum gegn
Hollendingum. „Það er mjög góð stemn-
ing í hópnum. Það bjóst enginn við því að
við myndum vinna leikinn gegn
Hollendingum, þó að við
sjálfar höfum haft trú á því,
en við spiluðum bara svo vel
í leiknum að þrátt fyrir tapið
þá vorum við bara svekktar
en ekkert fúlar yfir því að við spiluðum illa
eða neitt svoleiðis. Bara leiðinlegt að við
unnum ekki leikinn, því við gátum það,“
sagði Helena.
Leikurinn í dag er í Keflavík, byrjar kl. 14.00
og það er frítt á leikinn.
ÍSLENSKA KVENNALANDSLIÐIÐ Í KÖRFUBOLTA: MÆTIR Í DAG LIÐI NOREGS Í EVRÓPUKEPPNINNI
Við teljum okkur geta unnið þetta lið
FÓTBOLTI Kvennalið ÍR er búið að
vinna sér þáttökurétt í efstu deild
kvenna og ÍR mun því í fyrsta
sinn í sögu félagsins leika á meðal
þeirra bestu í kvennaflokki næsta
sumar.
ÍR vann lið Þórs/KA í umspili
um laust sæti í deildinni, 1-0, en
það var Bryndís Jóhannesdóttir
sem skoraði eina mark leiksins.
- hbg
Kvennalið ÍR:
Fyrsta skipti í
efstu deild
FÓTBOLTI Fylkismenn ætla að gera
sér glaðan dag í Árbænum þar
sem síðasti heimaleikur liðsins í
Landsbankadeildinni fer fram í
dag. Fyrir leik verður mikil
síldarveisla sem meistarakokkur-
inn Úlfar Eysteinsson mun bera á
borð. Veislan hefst klukkan 13.30
í Fylkishöllinni og því tilvalið
fyrir Árbæinga að skella sér og
hafa það náðugt í Lautinni.
Veisla hjá Fylki:
Síldarstemning
í Árbænum
FÓTBOLTI Það verður mikil spenna í
Landsbankadeildinni í dag þegar
sautjánda og næstsíðasta umferð
Íslandsmótsins verður spiluð. FH
getur aftur tryggt sér titilinn er
Víkingur kemur í heimsókn. Svo
er mikil spenna í neðri hluta deild-
arinnar þar sem sex lið geta enn
fallið. Áhugaverðasta viðureignin
er klárlega slagur ÍA og ÍBV sem
sitja í neðstu sætunum. Tapi ÍBV
er liðið svo gott sem fallið.
Það verður áhugavert að fylgj-
ast með leik FH og Víkings en dag-
urinn hjá FH gæti endað með
fögnuði. En fari svo að liðið tapi
verður hugsanlega mikil spenna í
lokaumferð mótsins.
Hvorki hefur gengið né rekið
hjá meisturunum síðustu vikur en
FH hefur leikið fimm leiki í röð án
sigurs og í raun hefur liðið aðeins
unnið einn af síðustu sjö leikjum
sínum. Stigauppskeran er í sam-
ræmi við gengið en aðeins hafa
fjögur stig fallið í skaut FH í síð-
ustu fimm leikjum.
„Það er mikill hugur í okkur og
við stefnum á að ná þessum sigri
sem upp á vantar,“ sagði Ólafur
Jóhannesson, þjálfari FH, við
Fréttablaðið í gær. Eins og áður
segir hefur gengi FH verið slakt
síðustu vikur en hvað telur þjálf-
arinn að sé að hjá hans mönnum?
„Ég held að það sé í sjálfu sér
ekkert að hjá okkur. Við höfum
bara misst svolítið taktinn. Svo
höfum við lent í meiðslum og mikl-
ar breytingar orðið á liðinu. Það er
að há okkur og svo hefur verið
talað um það lengi að við séum
búnir að vinna þetta mót og það
hefur kannski síast inn í hausinn á
okkur. Einbeitingin hefur ekki
verið upp á það besta en það verð-
ur full einbeiting gegn Víkingi,“
sagði Ólafur sem vill ekki lofa
sigri þótt hann sé bjartsýnn fyrir
leikinn.
„Stefnan er að tryggja titilinn í
þessum leik en ég get ekki gengið
svo langt að lofa sigri. Ég get þó
lofað því að við munum leggja
okkur alla fram til að ná réttum
úrslitum,“ sagði Ólafur Jóhannes-
son. henry@frettabladid.is
Fullkomnar FH þrennuna?
FH fær tækifæri til að verða Íslandsmeistari þriðja árið í röð á heimavelli í dag
fyrir framan stuðningsmenn sína. Þjálfari FH, Ólafur Jóhannesson, er bjart-
sýnn fyrir leikinn þótt gengi FH hafi verið mjög dapurt síðustu vikur.
EINBEITTUR Ólafur Jóhannesson getur stýrt FH til síns þriðja titils á jafn mörgum
árum í dag. FRÉTTABLAÐIÐ/STEFÁN
LANDSBANKADEILDIN
Leikir dagsins:
FH-VÍKINGUR KL. 16
KEFLAVÍK-VALUR KL. 16
FYLKIR-BREIÐABLIK KL. 16
ÍA-ÍBV KL. 16
KR-GRINDAVÍK KL. 16
STAÐAN
FH 16 9 5 2 26-13 32
VALUR 16 7 6 3 24-15 27
KR 16 8 2 6 18-25 26
KEFLAVÍK 16 6 5 5 28-17 23
VÍKINGUR 16 5 5 6 20-13 20
FYLKIR 16 5 5 6 21-22 20
BREIÐABLIK 16 5 4 7 24-31 19
GRINDAVÍK 16 4 6 6 23-22 18
ÍA 16 5 3 8 22-27 18
ÍBV 16 4 3 9 14-35 15
FÓTBOLTI Þjálfarar eru ekki
eingöngu að hætta störfum þessa
dagana því Willum Þór Þórsson er
búinn að framlengja samning
sinn við Val til tveggja ára.
Willum átti eitt ár eftir af
núverandi samningi og hann er
því samningsbundinn Val næstu
þrjú árin.
Í fréttatilkynningu frá Val
kemur fram að gríðarleg ánægja
sé með störf Willums hjá félaginu
og að Valsmenn telji sig vera
búnir að tryggja sér starfskrafta
eins besta þjálfara sem völ er á
hé á landi. - hbg
Willum Þór Þórsson:
Framlengir við
Valsmenn
WILLUM ÞÓR Verður hjá Val næstu þrjú
árin. FRÉTTABLAÐIÐ/DANÍEL
> Bikarinn verður í nágrenninu
FH getur orðið Íslandsmeistari þriðja árið í röð í dag takist
liðinu að leggja Víking að velli í Kaplakrika.
Gangi allt að óskum hjá Hafnfirðingum
fær liðið afhentan sjálfan Íslandsbikar-
inn í leikslok enda hefur KSÍ reynt að
afhenda sigurliðinu bikarinn á heimavelli
þegar því hefur verið við komið. Verð-
launapallarnir verða komnir á staðinn
fyrir leik og geymdir á vísum stað í
Krikanum. Sjálfur Íslandsbikarinn verð-
ur heldur ekki sýnilegur meðan á leik
stendur en hann verður þó í hæfilegri
fjarlægð og verður keyrður með hraði
á staðinn skömmu fyrir leikslok ef
staða FH-inga er góð. Það gæti því
orðið sigurhátíð í Krikanum í dag.
FÓTBOLTI Danski landsliðsmaður-
inn Thomas Gravesen hefur
ákveðið að hætta að spila með
landsliðinu. Gravesen átti góðan
leik í sínum síðasta landsleik, en
það var í 2-0 sigri Dana á
Íslendingum.
„Ég vil einbeita mér alfarið að
mínu starfi hér hjá Celtic,“ sagði
Gravesen. „Ég er mjög þakklátur
fyrir þann tíma sem ég hef átt í
landsliðinu og mig langar til að
þakka öllum mínum liðsfélögum,
þjálfaranum Morten Olsen,
dönsku stuðningsmönnunum og
öllum í kringum danska liðið. Það
hefur verið mikill heiður að leika
fyrir hönd dönsku þjóðarinnar.“
- dsd
Thomas Gravesen:
Leggur lands-
liðsskónum
THOMAS GRAVESEN Lék sinn fyrsta
landsleik fyrir átta árum en lék sinn síð-
asta gegn Íslandi fyrr í þessum mánuði.
FRÉTTABLAÐIÐ/ANTON
HANDBOLTI Valur hefur gengið frá
samkomulagi við Dag Sigurðsson
um að Dagur taki við stöðu fram-
kvæmdastjóra hjá félaginu á
næsta ári. Dagur hefur verið á
flakki um heiminn síðustu tíu ár.
Hann er nú spilandi þjálfari hjá
Bregenz í Austurríki og hefur náð
góðum árangri þar.
„Þetta vildi nú bara þannig til
að ég er á leiðinni heim og þeir
voru að leita að manni í þetta starf.
Það var frekar auðvelt að ganga
frá þessu, vegna þess að það var
áhugi hjá báðum aðilum,“ sagði
Dagur í samtali við Fréttablaðið.
Dagur mun vera í Austurríki í
vetur og klára þennan vetur sem
leikmaður og þjálfari Bregenz.
„Ég klára þennan vetur og verð
bara í sambandi við starfsfólkið
hjá Val og kem þannig að framtíð-
ar skipulagningunni sem er þar í
gangi núna. Ég verð sem sagt Val
innan handar á meðan ég klára
minn samning hérna úti og svo tek
ég við þessu næsta vor,“ sagði
Dagur.
Dagur sagði að hann tæki ekki
við þjálfun Valsliðsins á næsta ári
en bætti því þó við að hann langaði
mjög mikið til að þjálfa Valsliðið í
framtíðinni. „Ég ætla fyrst að taka
þetta spennandi verkefni að mér
og svo fæ ég væntanlega að
spreyta mig á hinu þegar fram
líður. Maður er ennþá ungur,“
sagði Dagur. „Ég hef ennþá mjög
gaman af þjálfun. Ég ákvað bara
að taka að mér þetta verkefni og á
meðan tek ég mér frí frá þjálfun-
inni.“
Tíu ár eru síðan Dagur og fjöl-
skylda hans fluttu frá Íslandi og
Dagur sagði það helstu ástæðuna
fyrir því að fjölskyldan sé á leið
upp á klakann aftur. „Okkur finnst
þetta bara vera komið gott. Við
erum komin með þrjú börn og
þetta var fjölskylduákvörðun að
koma heim. Ég er kominn með
smá heimþrá,“ sagði Dagur að
lokum. - dsd
Dagur Sigurðsson mun taka við framkvæmdastjórastöðu hjá Val á næsta ári:
Ég er kominn með heimþrá
DAGUR SIGURÐSSON Er á leið til Íslands
á næsta ári og verður framkvæmdastjóri
Vals. FRÉTTABLAÐIÐ/PJETUR
������������������������
�����������������������������������������������
������������������������������������������������
����������������������������������������
����������������������������
�������������������������������
��������������������������
����������� ��������������
��������������������������������������������������
�������������������������������������