Fréttablaðið - 18.09.2006, Side 46

18. september 2006 MÁNUDAGUR26
A u s t u r v e g i 3 8 – S í m i 4 8 2 4 8 0 0 – w w w . a r b o r g i r . i s
Fr
um
Einbýlishús á Selfossi. 125,5 m2 íbúð ásamt 56,1 m2 bílskúr. Eignin skiptist í; forstofu, 4 herb.,
baðh., þvottahús, eldhús, sjónvarpshol og stofu. Dúkar eru á herbergjum, flísar á baði, forstofu
og þvottahúsi og parket á öðum gólfum. Allar innihurðir eru nýjar. Endurnýjaðar vatns og skólp-
lagnir. Baðherbergi: baðkar og sturta, ný innrétting, upphengt wc og flísalagðir veggir. Bílskúr er
fullfrágeginn og bílaplan malbikað. Garður er gróinn og snyrtilegur. Verð 25.900.000
Réttarholt – Lækkað verð
Nýstandsett íbúð í tvíbýli á eftirsóttum stað, skólar og öll þjónusta í göngufæri. Ný eldhúsinnrétt-
ing og nýtt gegnheilt parket á meirihluta gólfa. Baðherbergi endurnýjað. Bílskúr er nýr. Eignin tel-
ur 3 svefnherbergi, stofu, borðstofu, eldhús og baðherbergi. Svalir eru úr stofu og er garðurinn
gróinn og sérlega skjólsæll, suðurgarður. Þvottahús er sameiginlegt með neðri hæð og er stað-
sett í kjallara ásamt geymslu sem tilheyrir íbúðinni. Laus við kaupsamning. Verð 20.900.000
Skólavellir
Fífumói Tjaldhólar
Til sölu sumarhúsalóð í landi Klausturhóla í Grímsnes og Grafningshreppi. Lóðin er 8.000m2 eign-
arlóð. Búið er að jarðvegsskipta fyrir um 100m2 sumarhús. Vatn og rafmagn á lóðarmörkum og
hitaveita væntanleg. Nánari upplýsingar á skrifsstofu Árborga. Verð 2.900.000
Klausturhólar - Grímsnes
132,5 m2 endaraðhús rétt við Sunnulækjarskólann á Selfossi, þar af er bílskúr 30,8 m2. Íbúðin
skiptist í; Forstofu, hol, 3 herbergi, baðherbergi, þvottahús, stofu og eldhús. Náttúrusteinn er á
forstofu, þvottahúsi, baði og eldhúsi en merbauparket á öðrum rýmum. Í eldhúsi er falleg innrétt-
ing og AEG tæki. Góð lofthæð í stofu, halogen lýsing í loftum og hurð út í garð. Snyrtileg innrétt-
ing er í baðherbergi, baðkar. Stór innrétting er í þvottahúsi. Verð 24.800.000
Hrafnhólar
Glæsileg 95 fm 3ja herb. Íbúð á efri hæð með sérinngangi í nýju notalegu 4 íbúða fjölbýli. Íbúðin
skilast fullbúin án gólfefna. Vönduð eldhúsinnrétting, fataskápar og baðinnrétting eru úr eik. Inni-
hurðir eru yfirfelldar eikarhurðir. Eldhústæki og háfur fylgja. Baðherbergi og þvottahús verður flí-
salagt. Á baðherbergi verður handklæðaofn, upphengt klósett. Þvottahús verða með skolvask á
vegg. Íbúðin er laus við kaupsamning. Verð 18.900.000
Rúmgott, vel staðsett raðhús á Selfossi. Klætt með hvítu viðhaldsfríu Duropal að utan. Eignin tel-
ur; forstofu, 3 herbergi, þvottahús, baðherbergi, stofu og eldhús. Bílskúr er 34,2 m2, flísalagður.
Parket á öllum gólfum nema forstofu, baðherbergi og þvottahúsi, þar eru flísar. Góðir fataskápar
í herbergjum og forstofu. Baðherbergi með góðri innréttingu, sturta og baðkar. Halogenlýsing er
í stofu, eldhúsi og á baði. Húsið er laust til afhendingar við kaupsamning. Verð 27.900.000
Birgir Ásgeir
Kristjánsson
sölumaður
Anna Björg
Stefánsdóttir
ritari/sölumaður
Þorsteinn
Magnússon
sölumaður
Guðjón Ægir
Sigurjónsson hdl.
Óskar
Sigurðsson hrl.
Sigurður Helgi Guðjónsson hrl. formaður Húseigendafélagsins
SVARAR SPURNINGUM UM HÚSEIGENDAMÁL
SPURNING:
Ég er einhleyp kona á besta aldri og
bý á 1. hæð í þríbýlishúsi. Sl. vetur
keyptu rishæðina ung hjón sem
hafa nær linnulaust síðan staðið í
stórræðum og framkvæmdum með
tilheyrandi múrbroti, brambolti og
djöfulgangi sem hefur valið mér
ómældu ónæði og óþægindum.
Það er endalaust verið að brjóta,
berja og saga. Þetta virðist engan
endi ætla að taka og er að gera
mig vitlausa. Enda fer þetta fram
á öllum tímum og stundum fram á
nætur. Þessu fylgir slæm umgengni
um sameign þar sem þau setja og
geyma drasl og byggingarefni auk
þess sem ryk og óþverri berst um
allt húsið og sest alls staðar. Ég hef
reynt að tala við þau en allt fyrir
ekki.
Fyrst, meðan þau voru að plata
mig til að samþykkja hækkun á
risinu og kvisti, voru þau afsakandi
og ljúf. Síðan breyttist viðmótið og
þau fóru að hæða mig og spotta og
hreyta í mig ónotum og segja mig
vera óþolandi, öfundsjúka, afskipta-
sama og nöldursama piparjónku
sem allt hafi á hornum sér. Segja
þau að ég njósni um þau daga og
nætur og fylgist með ástarlífi þeirra
til að bæta upp vesöld mína í þeim
efnum.
Er ég þá komin að því atriði.
Þegar þetta fólk er ekki að brjóta
og bramla leggst það í ástarleiki
með þvílíkum gauragangi, ópum
og látum að það hálfa hefði þótt
mikið óhóf í minni sveit. Þessi ósköp
bresta á öllum tímum sólarhrings-
ins og þegar hæst stendur og mest
gengur á er ekki líft niðri hjá mér.
Þetta eru öskur og vein af ómennsk-
um toga og er engu líkara en að
verið sé að stinga grísi. Ég tek fram
að ég er frjálslynd og pjattlaus í
kynferðismálum enda ekki alveg
syndlaus þótt ógift sé.
Nú langar mig til að spyrja hvað
ég geti gert og hver sé réttur minn?
Gilda ekki einhverjar reglur um
svona lagað?
SVAR:
Brotið og bramlað
Í lögum um fjöleignarhús eru engin
bein ákvæði um það hversu lengi og
á hvaða tímum megi smíða, brjóta
og bramla en þar er hins vegar
almennt boðið að íbúar skuli gæta
þess að valda sambýlisfólki sínu
ekki óþarfa ama og óþægindum.
Jafnframt er mælt fyrir um að hús-
reglur skuli geyma nánari fyrirmæli
um hagnýtingu eigna og samskipti
eigenda í því efni. Skal í þeim m.a.
koma fram bann við röskun á svefn-
friði a.m.k frá miðnætti til klukkan
sjö. Frá þessari reglu má þó alls ekki
gagnálykta á þá lund að láta megi
öllum illum látum á öðrum tímum.
Sambýli er línudans
Lífið og samskiptin í fjölbýli eru
línudans. Það er fín línan milli
athafnafrelsis og hagnýtingar eins
og friðar annars. Lykillinn að friði og
góðu sambýli eru hin gullnu gildi;
tillitssemi og umburðarlyndi.
Almennur mælikvarði – Venjuleg
fjölskyldubrölt
Má bókstaflega segja að í fjölbýlis-
húsum sé hver inni á gafli hjá öðrum.
Venjulegt fjölskyldubrambolt verða
menn að umlíða granna sínum þótt
því fylgi stundum einhver óþægindi
og ónæði. Það er almennur mæli-
kvarði sem lagður er til grundvallar
við mat á því hvað má og ekki má.
Þannig á eigandi ekki kröfu á því
að tekið sé sérstakt og aukið tillit til
einhverrar viðkvæmni hans.
Menn hafa sanngjarnt svigrúm
til að fegra, breyta og bæta heimili
sín í takt við tímann og þarfir hverju
sinni þótt því fylgi rask, umrót og
ónæði fyrir aðra eigendur. Heimilis-
friður annarra eigenda er líka varinn
í lögum. Menn eiga rétt á hvíld og
næði á heimilum sinum til að hlaða
batteríin til að geta mætt átökum og
viðfangsefnum morgundagsins.
Eigendum fjöleignarhúsa eru
semsagt takmörk sett við hagnýtingu
eigna sinna. Á hinn bóginn verða
íbúar í fjöleignarhúsum að sætta sig
við og þola að vissu marki ónæði og
óþægindi sem ekki verða umflúin.
Verktími sem skemmstur
Almennt má segja að viðhald og
endurbætur í fjöleignarhúsum eigi
að framkvæma á eins skömmum
tíma og framast er unnt og með
sem allra minnstu ónæði og röskun
fyrir aðra íbúa hússins. Þó verður að
játa framkvæmdaglöðum eiganda
ákveðið sanngjarnt svigrúm í tíma
og framkvæmdartilhögun. Brýnt er
að hann kosti kapps um að hafa
samráð við aðra eigendur fyrirfram
og upplýsi þá um framgang og stöðu
verksins. Framkvæmdir sem hefjast
fyrirvaralaust eins og þruma úr
heiðskíru lofti valda oft misskilningi,
reiði, deilum og leiðindum.
Réttur brotinn
Miðað við lýsingar þínar, þá sýnist
mér ekki fara á milli mála að
hjónin á efri hæðinni hafa varðandi
framkvæmdirnar gengið verulega á
lögvarinn rétt þinn og hagsmuni. Ef
þú gengur í Húseigendafélagið þá
geta lögfræðingar félagsins farið með
mál þitt á hendur þeim. Það myndi
byrja með bréfi til þeirra þar sem
sjónarmið þín og kröfur yrðu settar
formlega fram. Kröfur þínar yrðu
væntanlega um að framkvæmdun-
um verði lokið eins fljótt og framast
er unnt og um skaðabætur vegna
þess tjóns sem þú hefur sannarlega
orðið fyrir.
Hávært kynlíf
Hvað hitt atriðið varðar þá er hávært
kynlíf í fjölbýli eitt gleggsta dæmið
um að það sem er einum til ánægju
og yndisauka geti verið öðrum til
ama og leiðinda. Sínum augum
lítur hver á silfrið. Það er vitaskuld
ekkert grín og gaman að vera ófús og
óumbeðið þátttakandi í kynlífi unga
fólksins uppi.
Kynlíf og múrbrot
Í raun og veru gilda alveg sömu
sjónarmið og reglur um kynlíf í
fjölbýli og um aðrar mannlegar
athafnir sem til ónæðis og ama geta
verið fyrir aðra í húsinu. Á múrbroti
og kynlífi er í sjálfu sér hvað þetta
varðar fremur birtingar- og stigsmun-
ur en eðlis.
Náttúruhamfarir – Sumir koma
með látum en aðrir eins og mýs
Það er gömul saga og ný að sumir
eru fyrirferðarmeiri í því efni en aðrir
og aðrir viðkvæmari fyrir kynlífi en
sumir. Sumir fara hægt og hljótt
meðan aðrir koma með látum. Í
slíkum tilvikum er sameigendum
óskylt að búa við ósköpin. Samt er
það afstætt í tíma og rúmi hvað má
og ekki má. Það eru engar reglur eða
staðlar til um þetta og meira að segja
EB hefur látið þetta svið í friði.
Messufriður úti
Dæmi er um að óhljóðin séu dulin
með öðrum hljóðum. Sumum hefur
meira að segja orðið á í messunni
í orðsins fyllstu merkingu. Það
eru dæmi um að fólk hafi notað
útvarpsmessur sem skáldaskjól á
sunnudagsmorgnum. Hér um árið
kom fólk til Húseigendafélagsins og
kvartað yfir því hversu hátt útvarp-
ið væri stillt hjá nábúanum þegar
sunnudagsmessunni var útvarpað.
Nábúinn varð við tilmælum um að
skrúfa niður í messunni en þá komu
önnur og verri hljóð í strokkinn eða
skrokkinn. Af tvennu illu vildi fólkið
fá messuna aftur.
Kópavogur á kortið
Þekktasta málið af þessum toga
er hið svakalega „Óp- og stunu-
mál í Kópavogi“ sem upp kom
fyrir tæpum áratug og olli því að
þjóðin stóð á hreinlega á öndinni
yfir lýsingum fólks á miklum, tíðum
og háværum samförum nábúa í
húsinu. Fram að því vissu fæstir að
sá bær væri til og þótti Kópavogur
lítið spennandi en þetta mál kom
Kópavogi á kortið og síðan hefur
verið þar rífandi uppgangur og vel-
megun. Þannig að svona mál geta
orðið til góðs.
Stóra risvandamálið – kynlegir kvistir og háreysti