Fréttablaðið - 22.09.2006, Page 59

FÖSTUDAGUR 22. september 2006 27
BRÉF TIL BLAÐSINS
AF NETINU
„Litróf“ – fjölmenningarstarf
í Breiðholti
Toshiki Toma og Ragnhildur Ásgeirs-
dóttir skrifa um starfsemi Fella- og
Hólakirkju.
Kirkja er samfélag fólks sem á trú á
Jesú Krist og kemur saman um Guðs
orð og sakramentið. En það þýðir
ekki að kirkjan vilji einungis hugsa
um sína meðlimi og þjóna þeim.
Víða í heiminum eru kirkjur sem
hvetja meðlimi sína til að stuðla að
friði og hugsa um velferð og hags-
muni almennings.
Í Evrópu, þar sem kristið fólk
hefur verið í meirihluta, hefur kirkjan
langa sögu af kærleiksþjónustu.
Kærleiksþjónusta er þjónusta í
kærleika Jesú Krists. Þar má nefna
mataraðstoð, læknisaðstoð, söfnun
fyrir neyðaraðstoð, aðstoð í vímu-
efnameðferðum, og sálgæslu. Slík
þjónusta er veitt til allra án tillits til
trúarlegs bakgrunns ef þess er óskað.
Á Íslandi, þar sem þjóðkirkjan er í
meirihluta, hefur oft borið á þeirri
hugsun að kirkjan sé einungis fyrir
kristið fólk. Misskilningur er til staðar
um að kirkjan eigi ekkert erindi við
fólk sem aðhyllist önnur trúarbrögð,
jafnvel innan kirkjunnar sjálfrar. En
undanfarin ár hefur margt breyst.
Fjölgun innflytjenda á Íslandi hefur
þar haft mikil áhrif og nú mótar
kirkjan nýja sjálfmynd sína með
tilliti til tilvist annarra trúarbragða og
lífsskoðana.
Fella- og Hólakirkja hefur tekið
frumkvæði til nýrrar starfsemi fyrir
innflytjendur í sóknum sínum sem
hefst nú í haust. Verkefnið kallast „Lit-
róf – kirkjan fyrir alla“ og er fjölbreytt.
Farið verður í ferðalag til Gullfoss og
Þingvalla, boðið verður til fjölþjóð-
legra máltíða, foreldramorgna,
stuðningshóp innflytjenda o. fl. En
það sem er áhugavert varðandi þetta
verkefni er í fyrsta lagi að tilgangur
starfseminnar er ekki kristniboð.
Markmiðið er að auka samskipti
meðal allra íbúa á svæðinu, brjóta
niður múra og einangrun og þannig
að skapa betra umhverfi fyrir líf allra
íbúanna. Að sjálfsögðu gleður það
okkur í kirkjunni ef fólk kemst til trúar
á Jesú Krist, en það er ekki markmið
í sjálfu sér.
Í öðru lagi, er verkefnið í samstarfi
við aðila utan kirkjunnar eins og t.d.
Alþjóðahúss og Þjónustumiðstöðina
í Breiðholti. Í þriðja lagi er verkefnið
„Litróf“ opið fyrir alla – fullorðna,
börn, kirkjufólk og fólk utan kirkju,
innflytjendur og Íslendinga. Og í
fjórða og síðasta lagi er Fella- og
Hólakirkja búin að ráða manneskju,
Ragnhildi Ásgeirsdóttur djákna,
sérstaklega fyrir þetta verkefni og það
gefur sterklega til kynna að kirkjan
lítur á þetta sem mikilvæga þjónustu.
Eins og kunnugt er er hlutfall
erlendra íbúa í Breiðholti mjög hátt.
Breiðholt er því oft tekið upp í fjöl-
miðlum eins og þar sé fyrir hendi
sérvandamál vegna fjölda innflytj-
enda. Fella- og Hólakirkja ætlar að
halda málþing um þetta málefni
Breiðholts. Velta þeirri spurningu
upp hvort um sé að ræða vandamál
í hverfinu, hvað sé verið að gera
fyrir innflytjendur og hvað megi
gera til að breyta og bæta í hverfinu
varðandi málefni innflytjenda.
Málþingið verður haldið í Fella-
og Hólakirkju 23. september kl.
10-13 og er yfirskrift þess „Öll eitt,
en ekki eins“. Málþingið er ókeypis
og opið öllum sem áhuga hafa
á málefnum innflytjenda. „Litróf“
mun verða tákn þjóðkirkjunnar á
tímamótum.
Klíkuprófkjör
Viðbrögð við leiðara Jóns Kaldal.
Þeir sem þekkja prófkjör af eigin raun
vita að það er erfitt að sækja að sitjandi
reynsluboltum. Reynslan sýnir líka að
menn kjósa nýliðana oft á tíðum niður
og þeir ná ekki fótfestu. Oft á tíðum
gerist líka hið gagnstæða og þá er oft
líf í tuskunum. Ég verð að segja að það
vantar sanna leiðtoga á Alþingi Íslend-
inga eins og við þekktum á árum áður.
Því miður hefur slæðst inn fólk sem tók
bara þátt í prófkjöri án þess að hafa
hugsjón til verka. Hægt er að nefna
nokkra þingmenn sem sýnt og heilagt
tala um hvað þeir hafa gert í gegnum
tíðina, eins og að hafa verið íþrótta-
hreyfingunni í landinu til gagns, eða að
hafa starfað stórkostlega að málefnum
barna og unglinga. Því miður tryggja
prófkjörin ekki alltaf bestu niðurstöð-
una. T.d. er alþekkt að menn blandi
heilu íþrótta- og ungmenna, rótarí og
svo frv. inn í prófkjörin sjálf og er það
hvimleitt. Prófkjör snúast því miður
oft upp í andstæðu sína og verða
að keppni um það hver hefur besta
tengslanetið og hver getur best tryggt
sérhagsmuni þegar að upp er staðið.
Gott og slæmt en það er kannski engin
fullkomin leið. Prófkjör eru samt ein
leið til þess að endurnýja stjórnmála-
flokka og svo önnur fulllítið notuð
en það er að þingmenn þekki sinn
vitjunartíma og geri sanngjarna kröfu
til sjálfs síns og víki þegar það á við. Ég
vil þó hvorki sjá af Birni né Össuri báðir
sérlundaðir og sérstakir stjórnmála-
menn sem ekki er mikið um í dag.
Spakur skrifar á Skoðanir á Vísir.is.
Auðlindin
Vegna greinar Árna Þormóðssonar.
Ég sé ekkert að því að við leyfum
útlendingum að veiða hér undir eftirliti,
þar sem að þeir myndu a.m.k. borga
markaðsvirði fyrir sem að rynni beint
í ríkiskassann, í staðinn fyrir ekki neitt,
eins og nú er. Held að það sé skyn-
samlegasta nytjun auðlindarinnar fyrst
að ísl. útvegur heykist á því að gjalda
það sem keisarans er. Vill allt þiggja en
ekkert gefa til baka. Held að umgengni
ísl. útgerðar um auðlindina gefi ekkert
tilefni til að henni sé treystandi að gæta
hennar og byggja upp til framtíðar.
Rammistakkur á Skoðanir á Vísir.is.
TOSHIKI TOMA RAGNHILDUR
ÁSGEIRSDÓTTIR
vaxtaauki!
10%
H
N
O
T
S
K
Ó
G
U
R
g
ra
fí
s
k
h
ö
n
n
u
n
TIL
MEÐ DAGINN
VÍSINDAMENN
HAMINGJU
RANNÍS óskar vísindamönnum til hamingju með 22. september
en dagurinn er tileinkaður vísindamönnum í Evrópu.
● RANNÍS veitir íslensku vísinda- og tæknisamfélagi aðstoð til framþróunar
á innlendum og erlendum vettvangi.
● RANNÍS er samstarfsvettvangur til undirbúnings og framkvæmdar opinberrar
vísinda- og tæknistefnu.
● RANNÍS gerir áhrif rannsókna á þjóðarhag og hagvöxt sýnilegan.
ps. við minnum á Vísindavökuna í Listasafni Reykjavíkur í dag kl. 18:00.