Fréttablaðið - 28.11.2006, Blaðsíða 46

! KL. 20.00Sjötugasta og fjórða Skáldaspíru-
kvöld Lafleur útgáfunnar verður
haldið í Iðu. Skáldkonan Ásdís Óla-
dóttir les úr fimmtu ljóðabók sinni,
Margradda nóttum, sem út kom fyrir
skömmu. Auk þess mun gítarleikar-
inn Jónas Elí leika nokkur vel valin
lög.
Ræðir þýðingu öndvegisverka
Árni Heimir Ingólfsson,
tónlistarfræðingur og list-
rænn stjórnandi kammer-
kórsins Carminu, kom fram
með hinni heimsþekktu
söngsveit Tallis Scholars
á tónleikum þeirra í Kaup-
mannahöfn um síðustu
helgi. Stefnt er að áfram-
haldandi samstarfi milli
kóranna tveggja.
Tónleikarnir á sunnudag voru sam-
starfsverkefni dansks kórs, Musica
Ficta, og breska kammerkórsins
Tallis Scholars en tilgangurinn var
að sögn Árna Heimis að flytja þar
verk sem sjaldan heyrast sökum
þess hversu umfangsmikil þau eru.
„Við fluttum til að mynda verkið
„Spem in alium“ eftir Thomas Tall-
is sem er skrifað fyrir fjörutíu
sjálfstæðar raddir og verk eftir
Ockeghem fyrir þrjátíu og sex
raddir. Hið fyrstnefnda sungum við
reyndar tvisvar, en í ólíkum upp-
setningum fyrst það var búið að
æfa það upp,“ segir hann og kímir.
Auk þess sungu kórarnir einnig
tvær stórar messur og önnur minni
verk. Efnisskrá sem þessi eru vita-
skuld fáheyrð en áhugasamir tón-
listarunnendur geta notið þessarar
viðamiklu efnisskrár hjá útvarps-
stöðinni Danmarks Radio sem mun
útvarpa tónleikunum á næstu
dögum en hægt er að hlusta á flutn-
ing þeirra á netinu.
Árni Heimir hefur unnið tölu-
vert með Tallis Scholars og þekkir
stjórnanda hópsins, Peter Phillips,
þar sem hann lærði hjá honum kór-
stjórn og endurreisnarsöng á sínum
tíma.
„Þetta var reglulega gaman og
mikill heiður fyrir mig, þetta er í
fyrsta skipti sem ég syng með þeim
á tónleikum í þeirra nafni,“ segir
hann. Margir minnast tónleika Tall-
is Scholars í Langholtskirkju fyrr á
þessu ári en þar söng Carmina-kór-
inn með þeim en félagi úr sveitinni,
Andrew Carwood, stýrði einnig
með Carminu-félögum á Sumartón-
leikum í Skálholti í ágúst. Árni
Heimir stofnaði kammerkórinn
Carminu sumarið 2004 með það að
markmiði að flytja kórtónlist end-
urreisnarinnar á Íslandi. Meðlimir
kórsins eru allir þrautþjálfaðir
söngvarar og hafa hlotið mikils-
verða reynslu innan annarra kóra.
Þar sem heimur endurreisnarkór-
anna er ekki stór áréttar Árni
Heimir að fólk sé fljótt að kynnast
innan hans. „Þótt félagarnir í Tallis
Scholars séu ótrúlega frægir og
með farsælan frama eru allir til-
búnir að miðla af því sem þau
kunna. Þetta er svo vingjarnlegt
fólk líka og þau eru óspör á ráð-
leggingar. Þau gera auðvitað mest
af því að ferðast um heiminn og
syngja sína eigin tónleika en það
eru nokkrir aðrir kórhópar sem eru
í vinaklíkunni þeirra,“ segir hann
og nefnir þar Carminu og Musica
Ficta en stjórnandi hans Bo Holten
og Peter Phillips eru gamlir vinir.
„Samstarf okkar við Tallis Schol-
ars heldur áfram á næsta ári en í
mars munum við frumflytja saman
á Íslandi sálumessu eftir endur-
reisnarskáldið Victoria og svo er
hugsanlegt að Peter Phillips komi
hingað og stjórni okkur,“ útskýrir
Árni Heimir. „Þetta var raunar hug-
myndin að baki stofnun kórsins, að
flytja inn eitthvað af þessari ótrú-
legu þekkingu sem býr í þessu
hæfileikafólki, vitneskjunni sem
besta fólkið í bransanum hefur
safnað sér því mörg þeirra hafa
flutt þessa tónlist áratugum saman
um allan heim.“
Auður Jónsdóttir rithöf-
undur er komin til lands-
ins og í kvöld mætir
hún í Alþjóðahúsið til
umræðna um nýja
skáldsögu sína, Tryggð-
arpant, og stöðu fólks
af erlendum uppruna
í íslensku samfélagi á
Kaffi Kúltúra í
Alþjóðahúsinu.
Katrín Jakobsdótt-
ir fjallar um
Auði Jónsdótt-
ur og Tryggð-
arpant og Auður Jónsdóttir les
úr sögu sinni. Tatjana Latin-
ovic, formaður Samtaka
kvenna af erlendum upp-
runa, talar fyrir hönd
samtakanna. Katrín
Jakobsdóttir stýrir
pallborðsumræð-
um þar sem
þátttakendur
eru Auður,
Tatjana,
Amal Tam-
ini og
Sabine
Leskopf. Dagskráin hefst klukkan
20.
Í gagnrýni í Fréttablaðinu í gær
var því haldið fram af gagnrýn-
anda að Auður hafi samið tvær
skáldsögur. Það er rangt eins og
hollur lesandi benti ritdómara á:
Skáldverk Auðar eru utan Tryggð-
arpants og Fólksins í kjallaranum,
Allt getur gerst frá 2005. Algjört
frelsi frá 2001 og Stjórnlaus lukka
frá 1998. Það er hér með leiðrétt
og beðist velvirðingar á þessari
vangá.
Umræðukvöld með Auði
Björk Bjarkadóttir myndlistar-
kona hlaut íslensku myndskreyti-
verðlaunin sem kennd eru við
Dimmalimm fyrir bókina Amma
fer í sumarfrí. Verðlaunin voru
afhent við opnun sýningar-
innar Þetta vilja börnin
sjá! í Gerðubergi á laugar-
dag.
Björk var fjarri góðu
gamni og tók Harpa
Þórsdóttir við verð-
laununum en Björk býr
í Noregi. Þetta er í
fimmta sinn sem
verðlaunin eru veitt
en að þeim standa,
ásamt Menningar-
miðstöðinni Gerðu-
bergi, Félag íslenskra bóka-
útgefenda, Myndstef og Penninn.
Í dómnefndinni eru þau Aðalsteinn
Ingólfsson listfræðingur, Kalman
le Sage de Fontenay auglýsinga-
teiknari og Nanna Kristín Magn-
úsdóttir leikkona.
Í áliti dómnefndar sagði: „Frá
upphafi hefur það verið yfirlýst
markmið dómnefndar að veita
verðlaunin íslenskri barnabók
sem innihéldi frumsaminn, hug-
myndaríkan og mannbætandi
texta og myndir, helst þannig að
myndirnar ykju við textann í stað
þess að endurspegla hann, bók
sem einnig stæði fyrir sínu sem
prentgripur. Verðlaununum er
síðan ætlað að hvetja bæði útgef-
endur og höfunda texta og mynda
til frekari dáða. Það er álit dóm-
nefndar að í ár sé meiri fag-
mennska ríkjandi í myndskreyt-
ingum íslenskra barnabóka en oft
áður, og má vera að Dimmalimm
eigi einhvern þátt í þeim framför-
um. Það má ekki síst
þakka ýmsum for-
ritum sem bjóðast
innan tölvutækn-
innar. Um leið virð-
ist tæknin leiða til
nokkurrar einsleitni
og skerðingar ímynd-
unaraflsins, þannig
að svipuð höfundar-
einkenni eru á bókum
eftir aðskiljanlega höf-
unda. Alltént voru það
barnabækur með gamla
laginu, teiknaðar og mál-
aðar í höndunum, sem höfðuðu
mest til dómnefndar, þar með talið
auðvitað verðlaunabókin í ár.
Höfundur bókarinnar hefur
vakið athygli dómnefndar allar
götur frá því að stofnað var til
Dimmalimm-verðlaunanna. Hann
semur texta sína jafnan sjálfur, og
meðfram þeim þróar hann sér-
kennilegan og ísmeygilegan frá-
sagnarstíl sem fer bil beggja milli
barnateikninga og evrópskrar
myndlistar, ekki síst súrrealisma.
Höfundurinn fer vel með rými
bókarinnar, teygir myndir sínar
og texta vítt og breitt um síður
með skemmtilegum hætti, og
hefur vit á að tæpa á margvísleg-
um þáttum þannig að glöggur les-
andi verði að bera sig eftir þeim, í
stað þess að láta allt liggja í augum
uppi.“
Gerðuberg mun, í samstarfi við
Borgarbókasafn, taka á móti um
þúsund átta ára skólabörnum á
sýninguna Þetta vilja börnin sjá! á
næstu vikum. Fyrstu hóparnir
komu í gærmorgun og skoðuðu
sýninguna, kusu bestu mynd-
skreyttu barnabókina, fóru í rat-
leik og fengu síðan upplestur úr
þeirri bók sem hlaut flest atkvæði.
Fullbókað er á sýninguna fram að
jólum en nokkrir hópar til viðbót-
ar komast að í janúar.
Verðlaunamyndlýsingar