Fréttablaðið - 28.11.2006, Blaðsíða 56

Fréttablaðið hefur á und-
anförnum vikum tekið ítarleg við-
töl við marga af eftirsóttustu
knattspyrnumönnum landsins. Til-
gangur viðtalanna var að komast
til botns í hinum sérstaka íslenska
leikmannamarkaði sem enginn
veit mikið um. Ekki einu sinni
leikmennirnir sjálfir. Hvað eru
leikmenn að fá í laun? Hvaða lið
borga best? Hvernig samningar
eru í boði hjá hverju félagi? Hvaða
félög brjóta félagaskiptareglurn-
ar? Er verið að greiða leikmönn-
um „svart“ og hvaða lið á flesta
peningana eru meðal þeirra spurn-
inga sem Fréttablaðið spurði leik-
mennina að.
Fréttablaðið mun alla þessa
viku birta greinar sem ætlað er að
varpa ljósi á leikmannamarkað-
inn. Þær upplýsingar sem koma
fram í greinunum eru alfarið
fengnar frá leikmönnunum sjálf-
um. Í dag skoðum við laun og
starfsaðferðir þeirra liða sem
virðast ekki hafa sama fjármagn
undir höndum og turnarnir þrír –
FH, KR og Valur.
ÍA er stærsta liðið fyrir utan turn-
ana þrjá. Félagið hefur verið í
fjárhagsvandræðum síðustu ár og
menn þar á bæ sýna meira aðhald
í rekstri en oft áður. Fáir leikmenn
liðsins eru á háum launum en með
liðinu spila bræður sem hafa lifi-
brauð sitt af boltanum og þeir hafa
ekki farið leynt með það. ÍA greið-
ir þó ekki laun bræðranna heldur
einstaklingar og fyrirtæki.
ÍA hefur ekki mikið á milli
handanna og það sást bersýnilega
þegar félagið gafst upp í barátt-
unni um Reyni Leósson og Hafþór
Ægi Vilhjálmsson. ÍA var einfald-
lega ekki tilbúið að greiða þessum
leikmönnum sömu laun og þeir fá
hjá núverandi vinnuveitendum.
ÍA vildi ekki eyða peningum sem
það á ekki. Grunnurinn er þó að
styrkjast hjá félaginu og KB banki
hallar sér í ríkari mæli að félag-
inu.
Þær breytingar eru að verða á
rekstri félagsins að greiðslurnar
verða árangurstengdari í framtíð-
inni. Guðjón Þórðarson vill hafa
hvetjandi kerfi fyrir sitt lið og
hefur haft hönd í bagga með
hvernig launamálum verður hátt-
að í framtíðinni hjá félaginu.
Framarar hafa tapað miklu fé á
undanförnum árum en það stöðv-
ar liðið ekki á markaðnum.
Framarar eru brenndir
eftir fallið og ætla sér
ekki að falla aftur. Þeir
eru því til í að teygja sig
nokkuð langt eftir réttu
mönnunum. Þeir eru til í
að greiða réttu mönnunum
300 þúsund í fastagreiðslu
plús bónusa eins og staðan er í
dag.
Keflvíkingar eru
með marga snjalla
leikmenn á sínum
snærum sem flest-
ir eru á frekar
lágum launum.
Það var völlur á
Keflvíkingum á
sínum tíma þegar
félagið fékk Guðjón
Þórðarson til starfa.
Keflavík gat
þó ekki
staðið við
fjárhags-
legar
skuld-
bindingar
sínar á
þeim tíma
gagnvart Guð-
jóni.
Keflavík
hefur reynt við
marga stór-
laxana
síðustu
ár án
árang-
urs.
Félagið
hefur
teygt sig
hæst upp
í 400 þúsund á mánuði plús fríð-
indi fyrir þá allra bestu en það
kemur sjaldan fyrir að Keflavík
bjóði svo vel. Félagið ku standa
við gerða samninga í dag og eng-
inn dráttur á greiðslum.
Það á aftur á móti ekki við hjá
nágrannafélaginu Grindavík. Þar
hafa menn verið í vand-
ræðum síðustu ár með að
greiða leikmönnum sínum laun á
réttum tíma. Grindvíkingar greiða
þó ekki mörgum leikmönnum
mjög há laun. Þeir bestu hjá liðinu
hafa verið að fá um 200 þúsund
krónur í fastagreiðslu á mánuði og
svo hafa sömu menn fengið um 25
þúsund krónur fyrir spilaðan leik
og sú upphæð hækkaði í 40 þúsund
fyrir sigur. Grindvíkingar hafa
boðið leikmönnum sínum ýmis
fríðindi og til að mynda hafa leik-
menn fengið að borða frítt nokkr-
um sinnum í viku á veitinga-
staðnum Brim sem er með
venjulegan heimilismat á
borð við fisk með kartöflum.
Breiðablik hefur eytt miklu
þótt vitað sé að félagið sé ágæt-
lega stætt fjárhagslega og nýleg
sala á Marel Baldvinssyni
hefur sett félagið í
góða stöðu en
norskir fjölmiðlar
greindu frá því að
Molde hefði greitt á
milli 20-30 milljónir
króna fyrir Marel.
Hluti af þeirra
vanda er sá að bestu
leikmennirnir hafa
takmarkaðan áhuga á
að spila með
Blikunum.
Breiðablik
er vant að
bjóða
sterkum
leik-
mönnum
250 þús-
und krón-
ur í fasta-
greiðslu á
mánuði.
Þá erum við að tala um fyrsta til-
boð þannig að Blikar eru til í að
fara hærra og þeir hafa óskað eftir
gagntilboðum frá leikmönnum
eftir slíkt tilboð.
Blikarnir hafa verið duglegir
að hafa samband við fjölskyldur
leikmanna og er eitt af fáum liðum
sem hefur sett sig í beint samband
við móður leikmanns. Blikarnir
hafa að sama skapi stundum sýnt
þá kurteisi að biðja félög um leyfi
til að ræða við leikmann. Slíkum
bónum virðist alltaf vera hafnað
af félögunum en það hefur ekki
stöðvað Blika eða önnur félög
hingað til. Kurteisin er þó alltaf
vel metin.
Víkingar hafa einnig reynt við
marga leikmenn á lausu án árang-
urs. Líkt og Blikar hafa þeir verið
að bjóða betri leikmönnunum 250
þúsund í fastagreiðslu á mánuði.
Þeir hafa síðan óskað eftir gagntil-
boði. Víkingarnir bjóða einnig
bónus fyrir sigurleik sem og jafn-
tefli.
Fylkismenn hafa boðið allt frá
150-350 þúsund í fastagreiðslu á
mánuði til leikmanna síðustu ár.
Athygli vekur að Fylkir býður
ekki eins háan bónus og önnur lið í
svipuðum styrkleikaflokki og það
hefur komið leikmönnum á óvart
að Árbæingar séu ekki með meira
hvetjandi kerfi. Fylkir hefur þó
verið að bjóða leikmönnum undir-
skriftagreiðslur sem eru allt að
einni milljón króna.
Fylkismenn eru samt grimmir
á markaðnum og seilast langt eftir
þeim mönnum sem þeir vilja fá.
Til að mynda hafði formaður
meistaraflokksráðs karla sam-
band við föður eins samnings-
bundins leikmanns í júlí síðasta
sumar þegar mótið var rétt hálfn-
að. Flest önnur félög nota einfald-
lega utanaðkomandi aðila í álíka
símtöl eða leikmenn síns félags.
Aðferð formannsins dugði ekki til
þar sem leikmaðurinn samdi við
annað félag á endanum.
Á morgun: Valur
FH, KR og Valur fá flesta stærstu bitana á leikmannamarkaðnum. Minni liðin hafa engu að síður oft og tíðum verið að bjóða álíka vel
í leikmenn og virðast mörg hver hafa úr nægum fjármunum að spila. Dæmi eru um að minni liðin hafi boðið leikmanni hátt í hálfa
milljón í mánaðarlaun en án árangurs. Flest liðin standa ágætlega við gerða samninga og minni dráttur er á greiðslum en áður.
Ekkert hæft í þessum fregnum