Fréttablaðið - 04.12.2006, Blaðsíða 62

4. desember 2006 MÁNUDAGUR30
menning@frettabladid.is
!
Tenórinn Jóhann Friðgeir hefur
sent frá sér á vegum Frost dúetta-
plötuna Jóhann Friðgeir og vinir
þar sem hann syngur m.a. með
Stefáni Hilmarssyni, Björgvini
Halldórssyni, KK og Diddú.
„Þetta er gömul hugmynd sem
ég hafði í kollinum. Í fyrra söng ég
með Leone Tinganelli og það vakti
mikla athygli og lukku. Ég ætlaði
mér þá að gera léttklassískan disk
í þessum anda og útgefandi greip
þetta á lofti og vildi nefna hann
Jóhann Friðgeir og vinir eins og
Pavarotti and Friends-plöturnar,“
segir Jóhann. „Mér fannst ég í
fyrstu vera að herma eftir því en
það stefnir allt í sömu áttina í
þessum heimi.“
Að sögn Jóhanns var frábært
að syngja dúettana. „Þetta er allt
öðruvísi en ég hef verið að gera.
Þetta var dálítið skringilegt fyrir
mig í fyrstu,“ segir hann og tekur
fram að upptökustjórinn, Þórir
Úlfarsson, hafi verið galdra-
maðurinn á bak við útkomuna.
Hann segist vel geta hugsað sér
að endurtaka leikinn síðar. „Það er
engin spurning að ég mun gera
það. Það voru margir fleiri sem ég
myndi vilja hafa á þessum disk,
því ég á svo mikið af vinum í þess-
um bransa. Það er gaman að
syngja þetta því þetta er svo allt
öðruvísi en maður er að gera dags-
daglega. Þetta eru flott lög með
fallegum melódíum.“
Jóhann Friðgeir hefur sungið
einsöng við ýmis tækifæri hér
heima, til dæmis með Karlakórn-
um Fóstbræðrum, Karlakór
Reykjavíkur, Skagfirsku söng-
sveitinni, Sinfóníuhljómsveit
Íslands, Sinfóníuhljómsveit Norður-
lands og Tríói Reykjavíkur. Hann
hefur haldið nokkra einsöngs-
tónleika hér á landi þar á meðal í
Íslensku óperunni.
Hann mun á næstunni halda
áfram að ferðast vítt og breitt um
heiminn til að syngja í hinum
ýmsu óperuhúsum, m.a. í Wales,
Dublin, Bandaríkjunum og Þýska-
landi. Auk þess verður hann „einn
af dívunum“ á Frostrósartónleik-
unum hinn 5. desember þar sem
hann mun syngja að minnsta kosti
tvö lög.
- fb
Vinalegir dúettar
LéttkLassík með vinunum Tenórinn Jóhann Friðgeir syngur poppaða dúetta á
nýjustu plötu sinni. FréTTablaðið/gva
Óperukórinn í Reykjavík heldur
sérstaka tónleika í Langholts-
kirkju aðfaranótt 5. desember en
þá flytur kórinn Sálumessu
Mozarts ásamt hljóðfæraleikur-
um úr Sinfóníuhljómsveit Íslands
og einsöngvurum.
Tónleikarnir fara fram á dánar-
tíma tónskáldsins en hann lést
laust eftir miðnætti aðfaranótt 5.
desember árið 1791, aðeins 35 ára
að aldri.
„Okkur þykir verðugt að gera
þetta á þessum tíma. Mozart dó
frá þessu verki, hann var langt
kominn með það en lauk því ekki.
Sálumessan er eitt þekktasta
verkið hans og við munum flytja
hana eins og hann skildi við hana
og aðeins þá kafla sem hann hafði
lokið,“ útskýrir Ásrún Davíðs-
dóttir sem situr í stjórn Óperu-
kórsins. „Við gerðum þetta á
sama tíma fyrir tveimur árum,
þá myndaðist alveg einstök
stemning í kirkjunni og framtak-
ið vakti mikla hrifningu hjá bæði
áheyrendum og gagnrýnendum.
Því var ákveðið að gera þetta
aftur nú og reka með því smiðs-
höggið á þetta afmælisár.“
Rúmlega fimmtíu félagar
Óperukórs Reykjavíkur flytja
messuna ásamt einsöngvurunum
Huldu Björk Garðarsdóttur,
Sesselju Kristinsdóttur, Snorra
Wium og Davíð Ólafssyni en
stjórnandi er Garðar Cortes.
Mozartsveit skipuð hljóðfæra-
leikurum úr Sinfóníuhljómsveit
Íslands leikur á tónleikunum en
konsertmeistari er Sigrún
Eðvaldsdóttir fiðluleikari.
Tónleikarnir hefjast kl. 00.30 í
nótt en hægt er að nálgast aðgöngu-
miða í síma 552-7366, á midi.is,
einnig við innganginn klukku-
stund fyrir tónleikana. - khh
Sálumessa Mozarts á miðnætti
ÓperukÓrinn í reykjavík Flytur Sálumessu Mozarts á dánarstundu hans í nótt.
Miðasala á þrjá stórviðburði
hefst í dag á www.listahatid.is
Dmitri Hvorostovsky í Háskólabíói 20. maí
Miðaverð: 5.900 / 6.400
San Francisco ballettinn undir stjórn
Helga Tómassonar í Borgarleikhúsinu
Tvennutilboð á barítónana
út desember
Miðasala á www.listahatid.is og í síma 552 8588
Á hátindi frægðar sinnar Tveir fremstu barítónar heims
Miðaverð: 4.800
Sýningarnar eru samstarfsverkefni Listahátíðar
í Reykjavík og Borgarleikhússins
Miðaverð: 11.800
Takmarkaður sætafjöldi
Nánari upplýsingar
á www.listahatid.is
Bryn Terfel í Háskólabíói 21. maí
Miðaverð: 5.900 / 6.400
San Francisco ballettinn, Hvorostovsky og Terfel á Listahátíð í vor
Glæsileg hátíðargjöf!
Aðalsamstarfsaðilar Listahátíðar í Reykjavík 2007 eru KB-banki, Samskip og Radisson SAS
> ekki missa af …
veglegri afmælisdagskrá
Listvinafélags Hallgríms-
kirkju sem nú fagnar 25 ára
starfsafmæli. Nú stendur þar
yfir myndlistarsýning þar sem
28 listamenn sýna myndir sínar
af sálmaskáldinu og sérstök
jólatónlistarhátíð.
Nánari upplýsingar má finna á
heimasíðunni, www.hallgrims-
kirkja.is
Matthías Johannessen
heldur fyrirlestur í dag kl.
12.10 á vegum hug-
vísindadeildar Háskóla
Íslands um Dymbilvöku
og imbrudaga Hannesar
Sigfússonar. boðað er
til fyrirlestrarins í tilefni
af útkomu bókarinnar
Hrunadans og heimaslóð
eftir Matthías. Í bók sinni
birtir Matthías Hruna-
dans, ljóðabálk sem
speglar sýn skáldsins
á lífið, menninguna og
heimsmynd samtímans
og kallast þannig á við
fyrirlestra og erindi höf-
undar sem bókin hefur
að geyma. Í erindunum
birtist sýn skáldsins til bókmennta
og ekki síst til annarra skálda og
listamanna. Þá dregur höfund-
ur upp sterka mynd af ýmsum
þáttum í samtímamenningu okkar
er snerta í senn listir, stjórn- og
efnahagsmál, en ræðir jafnframt
mikilvægi íslenskrar menningar-
arfleifðar. Matthías lauk meist-
araprófi í íslenskum fræðum við
Háskóla Íslands fyrir um hálfri öld
og hefur æ síðan tengst háskól-
anum sterkum böndum, m.a.
sem fyrirlesari og stundakennari.
bók hans kemur út í dag á forlagi
Háskólaútgáfu. Fyrirlesturinn verð-
ur haldinn í stofu 101 í Odda. - pbb
Matthías með fyrirlestur
matthías johannessen
ræðir um Hannes Sigfússon í dag.
Kl. 12.10
Kimmo Lehtonen heldur fyrirlestur
um finnska ljósmyndun í samtíman-
um í Þjóðminjasafni Íslands. Kimmo
er framkvæmdastjóri miðstöðvar
skapandi ljósmyndunar í Jyväskylä
í Finnlandi – Jyväskylä Centre for
Creative Photography – en markmið
þeirrar miðstöðvar er m.a. að kynna
og vekja athygli á ljósmyndun sem
listgrein. Kimmo kennir einnig við
Háskólann í Jyväskylä.
Skáldsögurnar Rokland eftir Hall-
grím Helgason og Sumarljós, og
svo kemur nóttin eftir Jón Kalman
Stefánsson eru tilnefndar til
Bókmenntaverðlauna Norðurlanda-
ráðs 2007. Skáldsögur Jóns Kal-
mans hafa tvívegis verið tilnefndar
til bókmenntaverðlauna Norður-
landaráðs áður, árin 2001 og 2004,
en saga Hallgríms, 101 Reykjavík,
var tilnefnd til verðlaunanna
1999.
Tilkynnt hefur verið um til-
nefningar til bókmenntaverðlauna
Norðurlandaráðs árið 2007. Full-
trúar Norðurlandanna í dómnefnd-
inni tilnefndu tólf bókmenntaverk
norrænna höfunda. Meðal þeirra
eru bæði færeysk og samísk bók-
menntaverk. Engin tilnefning kom
frá Grænlandi að þessu sinni.
Ákveðið verður hver hlýtur
bókmenntaverðlaunin á fundi
dómnefndarinnar sem haldinn
verður á Íslandi í byrjun mars
2007.
Verðlaunin, sem eru 350 þús-
und danskar krónur, eða jafnvirði
4,2 milljóna íslenskra króna, verða
afhent á 59. Norðurlandaráðsþingi
í Ósló um mánaðamótin október-
nóvember 2007. - khh
Tilnefnt til norrænna verðlauna
jÓn kaLman stefánsson