Fréttablaðið - 21.12.2006, Page 16

„Ég stend hérna í glugganum og
horfi á vatnsflauminn. Eiginmað-
ur minn og sonur eru einhvers
staðar að bjarga skepnum því við
eigum svo mikið af hrossum og
kvígum úti,“ segir Sigríður
Pétursdóttir, bóndi á Ólafsvöllum
á Skeiðum. Þar var vatn úr Hvítá
farið að flæða nálægt bæjardyr-
unum.
„Ég sá bara á eftir þeim út í
flóðið á dráttarvélum í morgun.
Ástandið hjá okkur hefur orðið
slæmt í stórum flóðum og þetta er
orðið ofboðslega mikið núna.“
Um klukkan fjögur kom Kjart-
an Georgsson, eiginmaður Sigríð-
ar, rennblautur inn úr flóðinu. „Við
vorum að koma inn í land, við
fengum björgunarsveitina á Sel-
fossi til þess að hjálpa okkur við
að koma skepnunum á þurrt. Það
voru fleiri í vandræðum en ég,“
segir hann. „Þetta var orðinn mik-
ill mannskapur og við höfðum
þetta loksins. Hrossin voru komin
á sund hjá okkur en við náðum að
bjarga þeim öllum.“
Horfði á eftir þeim út í flóðið
Slökkviliðsmenn frá slökkvi-
liði Reykjavíkur ásamt björgunar-
sveitarmönnum frá öllum björg-
unarsveitum í Árnessýslu voru í
viðbragðsstöðu á Selfossi í gær
vegna vatnavaxta í Hvítá. Búist
var við að vaxa tæki í Ölfusá um
klukkan fimm í gærdag og óttast
að flæddi inn í hús á Selfossi.
„Það er rólegt eins og er hjá
okkur, við bíðum bara átekta eftir
fregnum,“ segir Höskuldur
Einarsson, deildarstjóri slökkvi-
liðs höfuðborgarsvæðisins. Hann
fór ásamt þrettán samstarfsmönn-
um sínum til Selfoss vegna vatna-
vaxtanna í Hvítá. „Við fórum úr
bænum um klukkan hálf fjögur og
verðum hérna fram eftir nóttu.
Helsta verkefnið verður að dæla
vatni úr þeim húsum sem flæðir
inn í, við erum tilbúnir með tvo
dælubíla og lausar dælur.“
Upp úr klukkan fjögur tók að
flæða inn í kjallara Selfosskirkju
og hófst björgunarfélag Árborgar
handa við að dæla upp úr honum.
Í Auðsholti í Hrunamanna-
hreppi urðu öll átta íbúðarhúsin á
bænum innlyksa í allan gærdag
þegar flóðið umkringdi þau.
Björgunarsveitarmenn unnu
ásamt íbúum fram eftir degi við
að bjarga hrossum sem voru á
sundi umhverfis bæinn.
Ekki flæddi að ráði inn í bæjar-
húsin en dæluhús, sem sér bænum
fyrir vatni, varð fyrir vatns-
flaumnum og þurfti að dæla vatni
úr kjallara þess.
Íbúar á Ólafsvöllum urðu einn-
ig fyrir barðinu á Hvítárflóðinu,
en um þrjátíu hestar urðu inn-
lyksa á landinu, sem er sunnan við
Hestvatn. Björgunarsveitarmenn
aðstoðuðu bæjarbúa við að bjarga
hestunum og koma þeim á þurrt
land. Um klukkan fimm í gærdag
hafði öllum hestunum verið bjarg-
að. Vatnsyfirborðið náði nánast
upp að bæjardyrum þegar mest
var en ekki flæddi inn í hús.
Búist er við áframhaldandi
rigningargusum næstu daga og
eitthvað fram yfir jól. Þorsteinn
V. Jónsson, veðurfræðingur á
Veðurstofu Íslands, segist búast
við að umfang flóðanna minnki á
næstu dögum þrátt fyrir að veður
haldist enn hlýtt.
Í viðbragðsstöðu
vegna flóðs í Hvítá
Slökkvilið og björgunarsveitir voru í viðbragðsstöðu á Selfossi vegna mikilla
vatnavaxta í Hvítá í gær. Óttast var að flæddi yfir bakka Ölfusár og inn í hús
bæjarins. Allir íbúar Auðsholts voru innlyksa vegna flóðsins fram eftir degi.
Bíll lenti úti í Djúpadalsá í
Eyjafirði þegar vegurinn við
brúna fór í sundur undan
bifreiðinni um hádegi í gær. Einn
maður var í bílnum en hann slapp
heill á húfi.
Maðurinn var strandaglópur
sunnan megin við ána um tíma
þar sem vegurinn var rofinn en
lögregla og björgunarsveitar-
menn komu honum til bjargar að
lokum. Björgunarsveitirnar Súlur
og Dalbjörg voru sendar á
staðinn til aðstoðar við björgun.
Þyrla Landhelgisgæslunnar fór
einnig á vettvang.
Bíll lenti í á er
vegurinn gaf sig
Stífla ofan við aðra af
tveimur Djúpadalsvirkjunum
brast í gær með þeim afleiðingum
að vatn flæddi yfir virkjunina.
Einnig flæddi yfir Eyjafjarðar-
veg og fór hann í sundur. Lög-
regla og björgunarsveitarmenn
fóru á staðinn og einnig var þyrla
Landhelgisgæslunnar kölluð
norður ef á henni þyrfti að halda.
Engin slys urðu á fólki.
„Vegagerðin er komin á
staðinn með sínar vinnuvélar og
er að ganga í það að fylla upp í
veginn,“ segir Jóhannes Sigfús-
son, varðstjóri lögreglunnar á
Akureyri. Hann segir ekki ljóst
hversu mikið tjón hafi hlotist
vegna flóðsins.
Vatn flæddi yfir
aðra virkjunina
„Það eru allir innlyksa á þessari
torfu,“ segir Steinar Halldórsson,
bóndi á Auðsholti, en Auðsholt
verður iðulega fyrir vatnavöxtum
í Hvítá vegna staðsetningar. Allir
þrjátíu íbúar á svæðinu voru
innlyksa í gær vegna flóðsins í
Hvítá.
„Vatnsflaumurinn er alveg
ofboðslegur, menn hafa ekki séð
annað eins í langan tíma.“ Hann
segir þó enga hræðslu í fólki enda
sé það vant svona vatnavöxtum.
„Þetta er nokkurn veginn árviss
viðburður hjá okkur en vatnið
hefur sjaldan verið svona mikið.
Við tókum hross upp á hólana í
gær vegna þess að við áttum von
á einhverju flóði, en ekki svona
miklu. Einhver hross voru því
ekki komin nógu langt upp á
hólana og þurftum við að bjarga
þeim með hjálp björgunarsveitar-
manna.“
Steinar segist hafa grun um að
allar girðingar á svæðinu hafi
farið í flóðinu aðfaranótt mið-
vikudags og ljóst að tjónið sé
þónokkuð. „Það væsir samt ekki
um okkur hérna, við höfum ennþá
rafmagn og rennandi vatn.“
Sjaldan séð
neitt þessu líkt
H
ví
tá
Hv
ítá
Þjó
rsá
Ap
av
atn
Ólafsvellir
Auðsholt
Selfoss
Sólheimar
Flúðir