Fréttablaðið - 03.01.2007, Blaðsíða 12

Ríflega tólf hundruð vinnuslys
hafa orðið hjá Impregilo á Kárahnjúkum frá
upphafi framkvæmda árið 2003. Yfir
helmingur slysanna, eða rúm sextíu prósent,
hafa valdið fjarveru frá vinnu í minna en
þrjá daga. Rúmlega þrjú prósent mannanna
hafa verið frá vinnu í tvær vikur eða lengur.
Ríflega sextán prósent slysanna hafa
valdið fjarveru frá fjórum dögum upp í eina
viku og allmörg slys, eða tæp ellefu prósent,
hafa valdið fjarveru í þrjá daga.
Yfirgnæfandi meirihluti slysanna, eða tæp
87 prósent, eru minniháttar áverkar, til
dæmis mar og tognanir. Um fimm prósent
eru beinbrot, fimm prósent eru opin sár og
svo aðrir óskilgreindir áverkar. Ekki eru öll
nýjustu slysin inni í þessum tölum.
Oddur Friðriksson, yfirtrúnaðarmaður á
Kárahnjúkum, segir að tölurnar séu háar og
mikið hafi verið um mar og tognanir sem
segi sitt um vinnuaðstæður mannanna. „Við
höfum áhyggjur af alvarlegu slysunum, en
svo ber líka að geta þess að hvert einasta slys
er skráð,“ segir hann.
Átak hefur verið gert í öryggismálum á
Kárahnjúkum. „Við erum búnir að lesa yfir
mönnunum og það verður gert áfram.
Mennirnir hafa tekið því með jákvæðum
hætti og brugðist vel við,“ segir hann.
Arnheiður Runólfs-
dóttir er ein þeirra fjölmörgu ein-
hleypra kvenna sem bíða þess að
ættleiða barn á vegum Íslenskrar
ættleiðingar. Hún var búin að vera
á svokölluðum hliðarlista í á annað
ár þegar hún komst loks inn í
umsóknarferlið. Arnheiður furðar
sig á því að ekki sé hægt að ætt-
leiða börn frá fleiri löndum en
þeim sem Íslensk ættleiðing hefur
á sinni könnu og þá sérstaklega frá
löndum sem heimila einhleypum
að ættleiða börn.
Arnheiði finnst að Íslensk ætt-
leiðing hafi ekki sinnt þörfum ein-
hleypra nægilega vel en hún var 38
ára þegar hún hóf ættleiðingarferl-
ið en er nú 41 árs. Hún eygði von
um að geta sent umsókn til Kína um
næstu áramót en þær vonir eru nú
að engu orðnar þar sem Kínverjar
hafa breytt reglum sínum og úti-
loka einhleypa frá ættleiðingum
þarlendra barna frá 1. maí 2007.
Það er skoðun Arnheiðar að ætt-
leiðingarmál eigi að vera á hendi
hins opinbera en ekki áhugamanna-
samtaka. „Önnur leið væri að
Ísland hefði sameiginlega skrif-
stofu með einhverju hinna Norður-
landanna bæði vegna smæðar
landsins og einnig vegna þess að
hin Norðurlöndin eru í samskipt-
um við fleiri lönd sem styttir ætt-
leiðingarferlið.“
Ingibjörg Jónsdóttir, formaður
ÍÆ, segir að alltaf sé verið að leita
leiða til að finna fleiri lönd til að
ættleiða börn frá en slíkt taki lang-
an tíma. „Við höldum áfram að
reyna að auka möguleikana fyrir
umsækjendur okkar og við erum í
samvinnu við ættleiðingarfélög á
Norðurlöndunum og víðar í Evr-
ópu.“
Vilja ættleiða frá
fleiri löndum Mikill meirihluti félagsmanna VR vill fá orlofs- og desemberuppbætur greiddar með
hefðbundnum hætti í stað þess að
fella þessar uppbætur inn í laun
sem myndu þá dreifast á tólf
mánuði ársins. Þetta kemur fram
í könnun sem um eitt þúsund
félagsmenn VR svöruðu.
85 prósent svarenda fá
desemberuppbót greidda eins og
kjarasamingur segir til um og 80
prósent fá orlofsuppbót á
hefðbundinn hátt.
Niðurstöður könnunarinnar
sýna að 88 prósent þeirra sem
svara eru mótfallin því að semja
um það í næstu kjarasamningum
að fella orlofs- og desemberupp-
bót inn í laun.
Vilja óbreyttar
uppbætur
Listaverkasafn Einars
Jónssonar hefur verið í brýnni
þörf fyrir nýtt geymsluhúsnæði í
rúmlega aldarfjórðung. Allar
geymslur safnsins eru óhentugar
sem listaverkageymslur. Verk eru
talin liggja undir skemmdum og
sum hver hafa nú þegar laskast í
flutningum.
Júlíana Gottskálksdóttir, for-
stöðumaður safnsins, segir
ástandið eins og hjá öðrum söfn-
um á Íslandi. „Við höfum ein-
göngu bráðabirgðageymslur sem
nauðsynlegt er að fá lausn á. Þetta
er mjög óhentugt húsnæði sem
við þurfum að nota og það er búið
að biðja um fjármagn vegna
geymslu-mála safnsins mörg und-
anfarin ár.“
Júlíana segir að svo virðist sem
það þurfi að verða stórskaði, eins
og listaverkabruninn í Fákafen-
inu, til að eitthvað gerist í geymslu-
málum safna. „Það hafði áhrif hér
því eftir það var lagt nýtt rafmagn
og fleira í safninu hjá okkur.“
Ein af geymslum safnsins er
aflagður bílskúr að sögn Júlíönu. Í
skýrslu sem starfshópur um varð-
veislu- og geymslumál menningar-
stofnana sem Þorgerður Katrín
Gunnarsdóttir menntamálaráð-
herra hefur látið vinna kemur fram
að þar séu verk ekki aðgengileg,
þau liggi undir skemmdum og að
sum hver hafi laskast nú þegar í
flutningum. Júlíana staðfestir
þetta en tekur fram að verk hafi
brotnað í flutningum fyrir mörg-
um árum síðan. Hún segir þetta
bagalegt en sem betur fer séu
skemmdirnar á verkunum aftur-
kræfar þar sem hægt sé að gera
við þau.
Í eigu safnsins eru rúmlega 300
verk. Af þeim eru 220 höggmyndir
og 80 í sýningarsölum. „Það er
óhætt að segja að þau verk sem
eru ekki til sýnis eru geymd í ald-
arfjórðungs gömlu bráðabirgða-
húsnæði.“ Auk höggmynda eru
málverk og pappírsverk geymd í
skrifstofuhúsnæði.
Júlíana telur að leysa þurfi
geymsluvanda Listasafns Íslands
og Listasafns Einars Jónssonar í
sameiningu. „Það er eðli safngrip-
anna sem skiptir máli. Ekki er
sama hvort um gifs, tré, járn eða
marmara er að ræða. Það þarf
samstarf við forverði listmuna
áður en að uppbyggingu kemur.
Menn eiga það til að gleyma
geymslunum af því að þær sjást
ekki en erlendis eru þær einnig
varðveislu- og kennslurými.
Geymsla þarf að vera jafn góð og
sýningarsalurinn. Ég tel að það
þurfi að endurhugsa geymslumál
safna á Íslandi frá grunni.“
Verk Einars
höfð í bílskúr
Allt geymslurými Listasafns Einars Jónssonar er
ófullnægjandi og endurbætur eru aðkallandi. Í
geymslum eru 140 höggmyndir, málverk og pappírs-
verk. Ein geymslan er aflagður bílskúr.