Fréttablaðið - 03.01.2007, Blaðsíða 59

Óperuunnendur á Íslandi eiga styst
með að skjótast erlendis til að njóta
óperulistarinnar – í það minnsta
þangað til Íslenska óperan setur
Rake Progress eftir Stravinsky á
svið 9. febrúar - Flagara í framsókn
kalla þeir við Ingólfsstrætið verkið.
En vindi menn sér til Hafnar er nóg
að sjá og flest ekki af verri endan-
um: hjá Konunglega leikhúsinu í
Kaupmannahöfn eru stöðugt í gangi
stórar óperusýningar í nýja óperu-
húsinu þeirrra á Dokkeyju: Þar
verður frumsýnd þann 14. janúar
sviðsetning Peter Konwitschnys
hins þýska á Lohengrin eftir Wag-
ner. Sviðsetning hans hefur þegar
verið flutt í Hamburg og Barcelona
og sætt miklum deilum. Vettvangur
sögunnar rómantísku er fluttur
aftur úr miðöldum í skólastofu þar
sem allt er sett upp í einföld og
barnaleg átök krakka.
Og fleiri verk bíða byltingar-
kenndra sviðsetninga í nýja óperu-
húsinu: sænski leikstjórinn Jasenko
Selimovic setur Simon Boccanegra
eftir Verdi á svið um miðjan mars.
Jasenko Selimovic er Bosníumaður
að uppruna og nýráðinn yfirmaður
leiklistardeildar sænska hljóð-
varpsins.
Titus eftir Mozart er á dagskrá í
lok febrúar og einnig Palleas og
Melisande eftir Debussy. Sagan er
sótt í texta Maurice Maeterlinck
hins belgíska og það er engin önnur
en Anne Sofie von Otter sem syng-
ur í verkinu ásamt hinni lofandi
Elisabeth Jansson. Guy Joosten
setur á svið en hann er eftirsóttur
víða um álfur.
Meistarasöngvarar Wagners eru
væntanleguir á svið 1. apríl og er
það heimsókn frá Volksbuhne í
Berlín. Til stóð að setja Le Grande
Macabre á svið en í hennar stað
kemur Leðurblakan 24. mars. Þá
verður Lucia di Lammermoor sýnd
i mai.
Upplýsingar um þessar sýningar
og miðasala er aðgengileg á vef
Konunglega leikhússins: www.
kglteater.dk.
Óperan blómstrar á Dokkeyju
Nú stendur yfir á sýning á
Bókatorgi í Grófarhúsinu við
Tryggvagötu 15 þar sem 20 ára
vígsluafmæli Hallgrímskrikju er
minnst. Sýningin „... hér er hlið
himinsins“ er tekin saman af
Borgarskjalasafni Reykjavíkur.
Á sýningunni er rifjuð upp til-
urð og byggingarsaga kirkjunnar í
máli og myndum. Þar er minnst
einstakra þátta úr byggingarsög-
unni en ekki hvað síst hinnar miklu
fórnfýsi sem fylgismenn kirkj-
unnar lögðu á sig til að gera bygg-
ingu hennar að veruleika.
Hallgrímskirkja var teiknuð af
Guðjóni Samúelssyni, þáverandi
húsameistara ríkisins. Fyrsta
skóflustungan var tekin hinn 15.
desember 1945 en kirkjan var ekki
vígð fyrr en 41 ári síðar og þá var
raunar mörgu enn ólokið. Á ýmsu
gekk í byggingarsögunni og vakti
kirkjan miklar deilur, bæði hvað
varðar stærð, útlit og staðsetningu
kirkjunnar. Þá gekk oft erfiðlega
að afla fjár til að standa straum af
framkvæmdum en í stórum drátt-
um komu um sextíu prósent úr
sjóðum safnaðarins og frá einka-
aðilum en auk þess studdu bæði
ríki og borg verkið.
Kirkjan er hönnuð í nýgotnesk-
um stíl og er hvort tveggja helsta
kennileiti Reykjavíkur og stærsta
kirkja Íslands og heimsækja fjöl-
margir gestir hana á degi hverj-
um. Þar er jafnframt stærsta orgel
landsins, Klais-orgelið, sem var
vígt árið 1992.
Sýningin er opin virka daga kl.
11-19 og um helgar kl. 13-17.
Aðgangur á sýninguna er ókeypis.
Hlið himins á hæð