Fréttablaðið - 23.01.2007, Qupperneq 13

Samtökin Sól á Suður-
nesjum munu í dag senda sveitar-
stjórum á Suðurnesjum yfirlýs-
ingu, sem samþykkt var á fundi
samtakanna hinn 12. janúar, þar
sem þess er krafist að fallið verði
frá fyrirhugaðri byggingu álvers
Norðuráls í Helguvík og virkjanir
á Reykjanesskaganum þar til vilji
íbúanna hefur verið kannaður með
kosningu. Þetta segir Elvar Geir
Sævarsson, einn af talsmönnum
samtakanna.
Samtökin telja að bygging
álversins snerti íbúa allra sveitar-
félaganna á Suðurnesjum því þó að
álverið sjálft, ker- og steypuskálar,
súrálsgeymar og fleiri mannvirki,
verði í landi Reykjanesbæjar og
Garðs muni háspennulínur fara
um landsvæði Grindavíkur, Voga,
Sandgerðis og Hafnarfjarðar og
valda jarðraski. Að sögn Elvars
vilja samtökin að íbúar hvers
sveitarfélags fyrir sig fái að kjósa
um þau mannvirki sem þurfi að
reisa vegna álversins. „Hvert
sveitarfélag þarf að taka ákvörðun
fyrir sig,“ segir Elvar.
Ólafur Örn Ólafsson, bæjar-
stjóri í Grindavík, segist ekki vilja
tjá sig um hvort íbúar sveitar-
félagsins muni kjósa um hvort þeir
séu hlynntir þeim framkvæmdum
sem verða á landi sveitarfélagsins
ef af byggingu álversins verður.
„Bæjarráð þarf fyrst að taka
afstöðu til yfirlýsingarinnar.“
Bæjarstjórinn í Garði, Oddný G.
Harðardóttir, segir að yfirvöld í
sveitarfélaginu hafi ekki gert ráð
fyrir að kosið verði um þá þætti í
byggingu fyrirhugaðs álvers sem
snúa að sveitarfélaginu.
Róbert Ragnarsson, bæjar-
stjóri í Vogum, segir að ekki hafi
verið gert ráð fyrir að íbúar í
Vogum kjósi um skipulag í kring-
um flutningsmannvirki rafmagns
til álversins. „Það yrði þá í fyrsta
skipti sem kosið yrði um raf-
magnslínur.“
Sigurður Valur Ásbjarnarson,
bæjarstjóri í Sandgerði, segir að
bæjarstjórnin hafi ekki gert ráð
fyrir íbúakosningum.
Allir bæjarstjórarnir segja að
tekin verði afstaða til yfirlýsingar
samtakanna eftir að hún hefur
borist til þeirra.
Árni Sigfússon, bæjarstjóri í
Reykjanesbæ, segir að íbúar
bæjarins muni ekki kjósa um
byggingu álversins. „Það verða
ekki íbúakosningar því okkur ber
að halda samninga. Í þeim samn-
ingum sem undirritaðir voru í
bæjarstjórn um byggingu álvers-
ins í byrjun maí á síðasta ári var
ekki kveðið á um íbúakosningar,“
segir Árni.
Ekki stefnt
að kosningu
Sól á Suðurnesjum sendir sveitarfélögum yfirlýsingu
um íbúakosningar um álver í Helguvík. Bæjarstjórar
segja að ekki hafi verið stefnt að íbúakosningum.
Í húsi Samfylkingar við
Hallveigarstíg fór á laugardag
fram ráðstefna um jafnaðarstefn-
una í tilefni þess að tíu ár eru liðin
frá stofnun Gróskusamtakanna.
Þeir sem komu að stofnun sam-
takanna voru meðal annars ung-
liðahreyfingar Alþýðuflokksins,
Alþýðubandalagsins, Þjóðvaka og
Kvennalista en markmið samtak-
anna var að þrýsta á sameiningu
þessara flokka. Þrýstingur Grósku
átti síðan stóran þátt í því að Sam-
fylkingin varð til.
Samtökin opnuðu vefsíðu þar
sem birtir voru pistlar daglega,
auk þess sem þau unnu að kynn-
ingarstarfi um land allt og þrýstu
á valdafólk stjórnmálaflokkanna.
Þegar Samfylkingin leit síðan
dagsins ljós árið 1999 töldu sam-
tökin sig hafa náð settum mark-
miðum og voru lögð niður. Á ráð-
stefnunni var margt góðra gesta
og meðal þeirra sem töluðu voru
Björgvin G. Sigurðason alþingis-
maður um aðdraganda að stofnun
Grósku og Oddný Sturludóttir um
feminisma og jafnaðarstefnuna en
lokaorð flutti Ingibjörg Sólrún
Gísladóttir, formaður Samfylking-
arinnar. Veislustjóri var Helgi
Hjörvar.
Fögnuðu tíu ára
Gróskuafmæli