Fréttablaðið - 23.01.2007, Qupperneq 40

{ farið á fjöll } 12
Sigurlaugur Þorsteinsson er vanur
jeppamaður. Hann hefur einnig
starfað innan björgunarsveitanna
og veit því vel hvernig best er að
búast til jeppaferða. Hann segir að
ef óhöpp verði borgi sig að halda
kyrru fyrir því björgunarsveitir
finni bíla mun fyrr en fólk á gangi.
„Númer eitt, tvö og þrjú er að
gæta að því að bíllinn sé í góðu
standi en vera með auka nesti,
svefnpoka og góða kuldagalla með-
ferðis því maður veit aldrei í hverju
maður getur lent,“ segir Sigur-
laugur, sem hefur mikla reynslu af
fjallaferðum.
„Góðir dráttarspottar eru mikil-
vægir og einnig er gott að hafa loft-
dælu til að blása í dekk og helstu
varahluti meðferðis, svo sem viftu-
reim og olíu. Réttur útbúnaður getur
skipt sköpum ef upp koma óhöpp á
fjöllum.” Sigurlaugur segir einnig
mjög mikilvægt að fólk hafi góð
samskiptatæki meðferðis þannig að
hægt sé að láta vita af sér ef eitt-
hvað komi upp á.
„NMT-símar eða talstöðvar koma
að góðum notum, en GSM-símar
duga sjaldnast í svona ferðum.“
Sigurlaugur segir að ef fólk lendi
í óhöppum á fjöllum sé mikilvægt
að halda kyrru fyrir í bílnum. „Það
eru miklu meiri líkur á að bíllinn
finnist en fólk á gangi. Ef fólkið
er farið úr bílnum getur það þýtt
mikla leit og skapar óþarfa hættu.
Það borgar sig því að vera í bílnum
og hita hann reglulega upp með því
að gangsetja hann. Það þarf þó að
gæta að því að láta hann ganga það
lengi í hvert skipti að geymirinn
tæmi sig ekki.“ - öhö
Það borgar sig að halda kyrru fyrir í bílnum
Að mörgu þarf að huga áður en haldið er á fjöll og gott að vera við öllu búinn.