Fréttablaðið - 23.01.2007, Qupperneq 55

Árni Þór Sigurðsson hefur verið kjörinn formaður
Víkurinnar-Sjóminjasafnsins í Reykjavík. Árni Þór,
sem var áður varaformaður, tekur við embættinu af
Stefáni Jóni Hafstein sem verður við störf erlendis
næstu tvö árin.
Nýr varaformaður er Vilhjálmur Þ. Vilhjálmsson
borgarstjóri.
Sjóminjasafnið var stofnað hinn 30. nóvember
árið 1994 og hefur undanfarin ár verið til húsa að
Grandagarði 8. Helgi M. Sigurðsson, sviðsstjóri í
Víkinni, segist vera ánægður með nýja formanninn.
„Árni var mikilvægur málsvari safnsins sem for-
maður Hafnarstjórnar. Í hans tíð var húsið keypt af
Reykjavíkurhöfn og það tryggði það að safnið væri
stofnað,“ segir Helgi.
Húsið að Grandagarði var keypt árið 2003 og
fyrstu átján mánuðina komu um fimmtán þúsund
manns í heimsókn en húsið hefur verið opið í tuttugu
mánuði. Meðal annars hefur sýningin „Togarar í 100
ár“ staðið yfir. Var hún opnuð í tilefni af 100 ára
afmæli togaraútgerðar á Íslandi árið 2005.
Næst á dagskrá hjá safninu verður að klæða
húsið að utan og lagfæra að innan, auk þess sem
nokkrar sýningar verða opnaðar. „Stærsta sýningin
er afmælissýning Reykjavíkurhafnar vegna 90 ára
afmælis sem hefst í nóvember. Þetta hús verður
annars svolítið í lamasessi á þessu ári vegna bygg-
ingaframkvæmda,“ segir Helgi.
Sjóminjasafnið er opið frá klukkan 13 til 17 um
helgar. Aðgangseyrir er 500 krónur en ókeypis er
fyrir börn og hálft gjald er fyrir ellilífeyrisþega og
öryrkja.
AFMÆLI
FÆDDUST ÞENNAN DAG