Fréttablaðið - 23.01.2007, Blaðsíða 66

Þetta var lyginni líkast
Leikur Íslendinga gegn Frökk-
um í gær var hreint og beint
stórkostlegur. Alveg þvert á
leikinn gegn Úkraínu var hvergi
veikan blett að finna og fyrri
hálfleikur liðsins er einhver sá
besti sem íslenskt landslið hefur
sýnt. Það er alveg sama hvar er
niður komið, hver einasti maður
gaf sálu sína í þennan leik og
leikmenn uppskáru klárlega í
takt við það.
Vissulega hafði ég trú á
strákunum og verkefninu en ef
einhver hefði sagt við mig að
við yrðum yfir 18-8 í hálfleik,
hvað þá að við myndum vinna
leikinn með átta mörkum, hefði
ég sagt viðkomandi að vera ekki
með þessa vitleysu. Í raun var
leiknum lokið þegar enn voru 10
mínútur eftir, slíkir voru yfir-
burðir íslenska liðsins gegn því
franska.
Liðið sýndi gríðarlegan styrk
í seinni hálfleik, strákarnir spil-
uðu hann af mikilli yfirvegun
og eins og þeir sem valdið hafa.
Franska liðið sá ekki til sólar í
þessum leik og mætti klárlega
ofjörlum sínum.
Varnarleikur íslenska liðsins
var gríðarlega öflugur með
Sigfús og Sverri í hjarta hennar.
Þeir voru ásamt Alexander
bestu menn íslensku varnarinnar
sem skóp þennan sigur ásamt
frábærri markvörslu Birkis
Ívars. Sóknarleikur liðsins var
yfirvegaður og sóknarnýtingin
frábær. Ég sé enga sérstaka
ástæðu til þess að taka ein-
hverja út sem bestu menn liðs-
ins því allt liðið ásamt þjálfur-
um þess á hrós skilið fyrir
frábæra frammistöðu.
Margir spyrja eflaust
hvernig skýra megi þennan gíf-
urlega mun á frammistöðu
íslenska liðsins í gær og í leikn-
um gegn Úkraínu í fyrradag. Í
raun er ekki hægt að skýra
þennan mun á annan hátt en
þetta sé skólarbókadæmi um
hvað taugar og andlegt ástand
skiptir miklu máli þegar út í
svona stórkeppni er komið.
Liðið er komið áfram í milli-
riðil, sem flestir gerðu ráð fyrir,
en að liðið sé komið þangað með
tvö stig er nokkuð sem menn
áttu ekki von á. Fram undan eru
hörkuleikir þar sem íslenska
liðið getur klárlega náð langt.
HM í handbolta
Iceland Express deild karla
Iceland Express deild kv.
Fram hefur gengið frá
lánssamningi við unglingalands-
liðsmanninn Hjálmar Þórarins-
son, sem mun því leika með þeim
bláklæddu í Landsbankadeildinni
næsta sumar. „Ég er mjög ánægð-
ur með að þetta sé komið í höfn
þar sem þetta hefur verið mjög
lengi í vinnslu. Við höfum verið að
leita að sóknarmanni síðan Helgi
Sigurðsson var seldur og mikill
léttir að fá þennan leikmann í hóp-
inn,“ sagði Ólafur Þórðarson,
þjálfari Fram, við Fréttablaðið.
Hjálmar er tvítugur og alinn
upp hjá Þrótti; sextán ára lék hann
fyrst fyrir meistaraflokk félags-
ins. Hann fór til skoska liðsins
Hearts haustið 2004 en eftir að
fjárfestar frá Litháen keyptu
félagið datt hann úr liðinu og var
lánaður til liðs í skosku 2. deild-
inni þar sem hann lék vel. Hjálm-
ar hefur leikið 32 leiki fyrir yngri
landslið Íslands og segist Ólafur
gera miklar væntingar til hans.
„Það er alveg ljóst að þetta er
leikmaður sem á að geta eitthvað,“
sagði Ólafur. Hann sagði líklegt að
fleiri leikmenn kæmu til félags-
ins, en nokkrir erlendir leikmenn
hafa komið til reynslu síðustu
vikur. „Við erum alltaf með augun
opin og vonumst til að semja við
einn leikmann á næstunni,“ sagði
Ólafur og átti þá við Patrik Redo,
26 ára sóknarmann sem einnig
getur spilað á kantinum. Redo var
samherji varnarmannsins Reynis
Leóssonar hjá Trelleborg í fyrra.
Fram vann 1. deildina með tals-
verðum yfirburðum í fyrra og
vann sér þar með sæti í Lands-
bankadeildinni á ný. Talsverðar
breytingar hafa orðið á liðinu
síðan þá en félagið seldi Helga
Sigurðsson til Vals, hinn ungi
Heiðar Geir Júlíusson fór til Sví-
þjóðar og þá lagði Andri Fannar
Ottósson skóna óvænt á hilluna
síðasta sumar. Þeim Hjálmari og
Redo er því ætlað að fylla þetta
skarð í sóknarlínunni.
Hjálmar lánaður frá Hearts
Phoenix Suns varð í
fyrrinótt aðeins áttunda liðið í
sögu NBA deildarinnar til að ná
tveimur 13 leikja sigurhrinum á
sama keppnistímabilinu. Phoenix
vann þá sinn þrettánda sigur í röð
þegar liðið vann 131-102 sigur á
Minnesota. Phoenix hafði áður
unnið 15 leiki í röð frá 20.
nóvember til 19. desember.
Amare Stoudemire var með 25
stig í leiknum, Shawn Marion
skoraði 17 og tók 10 fráköst og
Steve Nash var með 16 stig og 11
stoðsendingar.
Það vekur athygli að aðeins tvö
af hinum liðunum sjö sem hafa
unnið þrettán í röð tvisvar á
tímabili hafa ekki náð að verða
NBA-meistarar. Þetta voru lið
Washington Capitols árið 1947 og
lið Utah Jazz árið 1997.
Í kvöld fer Phoenix á fimm
leikja keppnisferðalag og mætir
þar fyrst liðinu sem stöðvaði 15
leikja sigurgöngu þess í desem-
ber - Washington Wizards. Suns
tapaði 5 af fyrstu sex leikjum
sínum í vetur en hefur síðan
unnið 31 af síðustu 34.
Verður sagan á
bandi Phoenix?
Danmörk vann Noreg
27-25 í lokaumferð E-riðilsins í
gær og varð þar með tólfta og
síðasta þjóðin sem tryggði sér
sæti í milliriðli heimsmeistara-
mótsins. Norðmenn, sem voru
sjóðandi heitir í leikjum sínum
rétt fyrir mótið, þurfa að láta sér
lynda að fara í keppni um 13.-18.
sætið á mótinu. Danir fylgja
Ungverjum upp úr riðlinum.
Danir voru yfir nær allan
leikinn í gær en staðan var 15-13 í
hálfleik. Lars Christiansen var
markahæstur í danska liðinu með
sex mörk í gær en André Marius
Jørgensen skoraði sjö mörk fyrir
Noreg.
Danir síðastir í
milliriðil
Snorri Steinn Guðjóns-
son réð sér vart fyrir kæti eftir
leikinn. „Það gekk allt upp og við
vissum að svo þyrfti að vera ef
við ætluðum okkur sigur. Andinn
og baráttan var með ólíkindum og
hver einasti maður gaf allt sem
hann átti í leikinn. Það var að
duga eða drepast þar sem við
gerðum í brækurnar gegn
Úkraínu,“ sagði Snorri og brosti.
„Við spiluðum okkar leik í dag.
Vörnin var frábær og Birkir
stórkostlegur þar fyrir aftan. Það
var hraði í okkar leik, ólíkt
Úkraínuleiknum þar sem við
vorum eins og fávitar. Þegar við
spilum svona getum við unnið öll
lið og því miður virðumst við
einnig nánast geta tapað fyrir
öllum. Ef við spilum svona í
milliriðlinum þá er ég bjartsýnn,“
sagði Snorri.
Allt gekk upp
„Í nótt var ég nánast í
sjálfsmorðhugleiðingum en það
er ljóst að ég fæ að lifa eitthvað
lengur. Liðið sýndi alveg hreint
ótrúlegan karakter hér í dag og
ég er ótrúlega stoltur af liðinu.
Þetta var eins og að spila á heima-
velli annars og áhorfendur ótrúl-
egir allir saman,“ sagði Alfreð
Gíslason landsliðsþjálfari kampa-
kátur.
„Það var frábært að halda
þetta út. Það var krítískt að vinna
sig út úr vandanum í upphafi síð-
ari hálfleiks. Við komum þeim
klárlega á óvart með að spila 6/0
vörn því ég vissi að þeir voru að
undirbúa að við spiluðum 5/1. Við
vorum vel undirbúnir og liðið var
einbeitt í leiknum í dag. Vörnin
var rosaleg strax í byrjun og mar-
kvarslan einnig góð. Þeir voru
slegnir út af laginu líkt og við
vorum slegnir út af laginu gegn
Úkraínu,“ sagði Alfreð en var
þetta ein af bestu frammistöðum
liðs undir hans stjórn? „Ég á
marga góða leiki en þessi er á
topp tíu. Þessi sigur toppar Svíal-
eikina hvað varðar gæði og
annað.“
Undirbúningur liðsins var með
óhefðbundnara sniði en oft áður
og Alfreð sýndi leikmönnum
meðal annars bíómyndir sem
virðast hafa farið vel ofan í leik-
mennina.
„Það var aðeins öðruvísi vídeó
en sumir eru vanir í handboltan-
um. Ég vil ekki segja hvað það
var samt,“ sagði Alfreð sposkur.
Ísland er í góðri stöðu í milli-
riðlinum með tvö stig og fína
markatölu. Það eru möguleiakr
fyrir hendi hjá liðinu. „Það er alveg
rétt og ég hefði aldrei getað ímynd-
að mér það þrem mínútum fyrir
leikslok að hafa áhyggjur af því að
vinna leikinn of stórt. Ef við hefð-
um sigrað með tólf mörkum eða
meira hefði Úkraína farið áfram
og við með en án stiga. Ég bað því
leikmenn um að hægja á og passa
sig,“ sagði Alfreð og hló mjög dátt.
„Við verðum að halda vel á
spilunum og passa að við séum
ekki strax aftur komnir í krísu.
Við verðum að ná stöðugleikan-
um upp og þá er hægt að gera
ýmislegt.“
Þungu fargi var létt af landsliðsþjálfaranum Alfreð Gíslasyni eftir leik og hann
viðurkenndi að hafa látið strákana slá af svo þeir myndu ekki vinna of stórt.