Fréttablaðið - 22.04.2007, Blaðsíða 4

Lið Rimaskóla bar
sigur úr býtum í fyrstu kokka-
keppni grunnskólanna sem fram
fór í Menntaskólanum í Kópavogi í
gær. Lið Álftamýrarskóla hreppti
annað sætið en Hamraskóli það
þriðja. Tíu grunnskólar tóku þátt.
Áslaug Traustadóttir, heimilis-
fræðakennari í Rimaskóla, er upp-
hafsmaður og umsjónarmaður
keppninnar, en Gestgjafinn,
Menntaskólinn í Kópavogi og
Fiskisaga/Gallerý kjöt eru aðal-
bakhjarlar hennar.
Síðustu fjögur ár hefur Áslaug
staðið fyrir kokkakeppni í Rima-
skóla. „Draumurinn var að gera úr
þessu Reykjavíkurkeppni, sem
gerðist í fyrsta skipti núna. Ég á
von á því að á næsta ári verði
margfaldur fjöldi þátttakenda,“
sagði Áslaug, sem stefnir á keppni
á landsvísu. Hún segist finna fyrir
miklum áhuga hjá nemendum.
„Fagið hefur líka breyst mikið. Á
síðustu fimm árum hefur komið út
nýtt kennsluefni fyrir alla aldurs-
hópa,” sagði Áslaug.
Lið Rimaskóla fékk í verðlaun
ferð til London, ásamt 8.000 króna
peningagjöf á liðsmann frá Kaup-
þingi. Fyrir annað sæti var í verð-
laun veislumáltíð á Silfrinu og 5.000
króna peningagjöf, en veislumáltíð
á Galíleó og 3.000 króna peninga-
gjöf var fyrir þriðja sætið.
Rimaskóli vann
Aðeins dregur úr
fylgi Sjálfstæðisflokks og Sam-
fylkingar frá síðustu helgi, er
þessir tveir flokkar héldu lands-
fundi sína, samkvæmt nýrri skoð-
anakönnun Fréttablaðsins. Mun-
urinn er þó innan skekkjumarka.
41,2 prósent segjast nú myndu
kjósa Sjálfstæðisflokkinn, í stað
43,4 prósenta fyrir viku. Skekkju-
mörk eru 4,3 prósentustig, sem
þýðir að fylgið er á bilinu 36,9 til
45,5 prósent. Ef Sjálfstæðisflokk-
urinn fengi 41,2 prósent í alþingis-
kosningum nú, í stað 33,7 prósenta
í síðustu kosningum, myndi þing-
mönnum flokksins fjölga um sjö,
úr 22 í 29.
44,1 prósent karla segist nú
myndu kjósa flokkinn, en 37,6 pró-
sent kvenna. Fylgi flokksins meðal
kvenna dalar því um 5,3 prósentu-
stig á milli vikna.
Fylgi Samfylkingar dalar einnig
aðeins þessa vikuna. 20,3 prósent
segjast nú myndu kjósa flokkinn, í
stað 22,3 prósenta í síðustu viku.
Vikmörk eru 3,5 prósentustig.
Ef þetta væru niðurstöður kosn-
inga myndi kjörfylgi flokksins
dala um 10,6 prósentustig og þing-
mönnum fækka um sex; verða nú
fjórtán í stað tuttugu.
Fylgi meðal karla dalar nokkuð,
um 4,6 prósentustig og er nú 16,7
prósent. Fylgi meðal kvenna eykst
hins vegar lítillega og mælist nú
24,9 prósent.
Fylgi Vinstri grænna eykst
aðeins á milli kannana, en er samt
innan vikmarka. Nú segjast 19,7
prósent myndu kjósa flokkinn, en
í síðustu viku mældist fylgi hans
16,7 prósent. Vikmörk reiknast 3,5
prósentustig.
Ef þetta yrðu niðurstöður kosn-
inga myndi flokkurinn fá þrettán
þingmenn kjörna, átta fleirum en í
síðustu kosningum þegar 8,8 pró-
sent kusu flokkinn. Jafn margir
íbúar höfuðborgarsvæðisins segj-
ast nú myndu kjósa Vinstri græn
og Samfylkingu eða 22,0 prósent.
16,0 prósent íbúa landsbyggðar-
kjördæmanna segjast nú myndu
kjósa flokkinn.
Framsóknarflokkurinn bætir
aðeins við sig frá síðustu viku og í
fyrsta sinn, frá því ágúst á síðasta
ári mælist fylgi flokkins yfir tíu
prósent. 10,4 prósent segjast nú
myndu kjósa Framsóknarflokk-
inn, í stað 8,6 prósenta í síðustu
viku og myndi flokkurinn sam-
kvæmt því fá sjö þingmenn kjörna,
í stað þeirra tólf sem þeir hlutu
kjörna eftir síðustu kosningar.
Vikmörk eru 2,7 prósentustig.
Karlar eru heldur spenntari
fyrir Framsóknarflokknum en
konur og segjast 12,5 prósent
karla myndu kjósa flokkinn, en 7,7
prósent kvenna. Þá er fylgi flokks-
ins 14,9 prósent á landsbyggðinni,
en 7,6 prósent á höfuðborgarsvæð-
inu.
Aðrir flokkar myndu ekki ná
manni á þing. Það er, miðað við
heildarfylgi myndu flokkarnir
ekki fá jöfnunarmanni úthlutað,
þótt ekki sé loku fyrir það skotið
að í einhverju kjördæmanna verði
einhver kjördæmakjörinn.
Íslandshreyfingin mælist með
mest fylgi litlu flokkanna þriggja
og segjast nú 4,0 prósent myndu
kjósa hana, í stað 2,3 prósenta í
síðustu viku. Vikmörk eru 1,7 pró-
sentustig og ná því efri mörkin
yfir fimm prósenta markið.
3,2 prósent segjast nú myndu
kjósa Frjálslynda flokkinn, sem
hlaut 7,4 prósent í síðustu kosn-
ingum og fjóra menn kjörna. Vik-
mörk eru nú 1,5 prósentustig. Í
síðustu viku mældist fylgi flokks-
ins 5,8 prósent.
Þá segjast nú 1,2 prósent myndu
kjósa Baráttusamtök eldri borg-
ara og öryrkja, en 0,8 prósent
sögðust í síðustu viku myndu kjósa
samtökin. Vikmörk eru 1,0 pró-
sentustig.
Hringt var í 800 kjósendur
laugardaginn 21. apríl og skiptust
kjósendur jafnt eftir kyni og hlut-
fallslega eftir kjördæmum. Spurt
var; Hvaða lista myndir þú kjósa
ef gengið væri nú til kosninga?
62,8 prósent tóku afstöðu til spurn-
ingarinnar, sem er aðeins hærra
hlutfall en hefur verið í könnun-
um Fréttablaðsins að undanförnu.
28,2 prósent segjast enn óákveðin.
Ríkisstjórnin heldur velli
Ríkisstjórnarflokkarnir tveir, Framsóknarflokkur og Sjálfstæðisflokkur, fengju alls 36 þingmenn, sam-
kvæmt nýrri skoðanakönnun Fréttablaðsins. Samfylking og Vinstri græn fengju 27 þingmenn. Aðrir flokk-
ar myndu ekki ná manni á þing. Samanlagt fylgi litlu flokkanna þriggja er 8,4 prósent.
Landbúnaðarráðu-
neytið hefur úthlutað tollkvótum
vegna innflutnings á kjöti frá
mars og fram í desember á þessu
ári. Tuttugu og fimm tilboð bárust
í samtals tæp 3.700 þúsund kíló af
kjöti. Hæsta boð var 900 krónur á
kílóið og lægsta 10 krónur.
Meðalverðið var því 308 krónur á
kílóið.
Sláturhúsið Hellu fékk langmest
af tollkvótum, eða 50 þúsund kíló af
frystu nautgripakjöti, 100 þúsund
kíló af frystu svínakjöti og tæp 169
þúsund kíló af frystu alifuglakjöti.
Dreifing fékk 48 þúsund kíló af
frystu nautgripakjöti, 60 þúsund
kíló af frystu svínakjöti og 15
þúsund kíló af kjöti og ætum
hlutum af dýrum.
Sláturhúsið
Hellu fékk mest
Um helmingur þjóðarinn-
ar, eða 50,9 prósent, er hlynntur því
að koma á fót varaliði lögreglu sem
þætti í vörnum Íslands, samkvæmt
könnun sem Capacent Gallup vann
fyrir Ríkisútvarpið og Morgunblað-
ið. Fjörutíu prósent eru andvíg.
Konur eru mun hlynntari
stofnun slíks varaliðs. 58 prósent
þeirra segjast hlynnt því en 33
prósent andvíg. Á móti eru 43,7
prósent karla hlynnt varaliði en
46,9 prósent andvíg.
Andstaðan er mest meðal
fylgismanna Vinstri grænna, en
stuðningur mest hjá sjálfstæðis- og
framsóknarmönnum.
Helmingur vill
varalið lögreglu