Fréttablaðið - 22.04.2007, Side 88

Enska úrvalsdeildin
Spennan á toppi ensku
úrvalsdeildarinnar er að verða
óbærileg. Manchester United sá
á bak tveim mikilvægum stigum
í gær þegar Middlesbrough kom
í heimsókn á Old Trafford. Chel-
sea getur því minnkað muninn í
eitt stig í dag en United og Chel-
sea mætast í næsta mánuði.
„Það er ekki nokkur spurn-
ing að við erum búnir að opna
dyrnar fyrir Chelsea með því að
klára ekki þennan leik. Við gerð-
um okkur alltaf grein fyrir því
að Chelsea hefði getuna til að ná
okkur ef við misstigum okkur. Það
verður mikið verk að landa doll-
unni úr því sem komið er,“ sagði
Sir Alex Ferguson, stjóri Man.
Utd, eftir leikinn og var ekki sér-
staklega skemmt. Ekki bætti úr
skák að Rio Ferdinand og Kieran
Richardson meiddust í leiknum.
„Við erum engu að síður enn á
toppnum og því má ekki gleyma.
Þetta er undir okkur komið.“
Það voru fleiri áhugaverðir
leikir í gær. Liverpool vann ör-
uggan sigur á Wigan og Arsen-
al tapaði tveim mikilvægum stig-
um gegn Tottenham. Jenas jafnaði
undir lokin í leik sem Arsenal átti
að vinna. Það kjaftshögg kemur
beint í kjölfar innanbúðarátaka
sem leiddu til þess að David Dein
hætti sem varastjórnarformaður.
Arsene Wenger, stjóri Arsenal,
segir að þrátt fyrir lætin verði
hann áfram.
„Ég er búinn að fullvissa leik-
mennina um að ég verði áfram
hjá félaginu,“ sagði Wenger, sem
var eðlilega svekkur að landa ekki
sigri. „Við áttum að fá þrjú stig
hér í dag. Ef það væri hægt að fá
sex stig þá hefðum við átt að fá
sex stig. Mér líður eins og ég hafi
tapað þessum leik.“
Rafael Benitez, stjóri Liver-
pool, var ívið kátari enda spiluð-
ust hlutirnir vel fyrir Liverpool og
hann gat þess utan hvílt lykilmenn
í leiknum. „Þetta var frábært. Við
vildum spila vel, vinna og líka
hvíla menn eins og Gerrard. Þetta
var nánast fullkominn dagur,“
sagði Benitez kátur.
„Það er frábært að vera öruggir
í Meistaradeildina á næsta ári.
Það var algjört frumskilyrði hjá
okkur.“
Íslendingaliðið West Ham beit
frá sér á ný í gær er það lagði Ev-
erton og liðið á því enn von um
að halda sæti sínu í ensku úrvals-
deildinni.
„Mér fannst liðið standa sig frá-
bærlega. Við höfum of oft verið
undir í leikjum og það var ágætis
tilbreyting að vera yfir. Við hefð-
um átt að skora fleiri mörk í dag,“
sagði Alan Curbishley. Hann bætti
við að hans menn yrðu að standa
sig betur gegn liðum sem eru einn-
ig í fallbaráttu en West Ham mætir
Wigan í næsta leik. „Við verðum að
breyta þessu munstri gegn Wigan.
Ef ekki þá er þetta búið.“
Watford gerði jafntefli gegn
Man. City og er fallið í 1. deild.
Manchester United heldur áfram að gefa eftir í toppbaráttunni á Englandi en liðið varð að sætta sig við
jafntefli á heimavelli gegn Middlesbrough í gær. Chelsea getur minnkað forskotið í eitt stig í dag. West
Ham á enn von um að halda sæti sínu í úrvalsdeild eftir sigur á heimavelli, 1-0, gegn Everton.