Fréttablaðið - 22.04.2007, Blaðsíða 6

www.xf.is
FRJÁLSLYNDI FLOKKURINN VILL AFNEMA
NÚGILDANDI KVÓTAKERFI SEM ER ÓRÉTTLÁTT
OG FJANDSAMLEGT BYGGÐUM LANDSINS
AFNÁM KVÓTA-KERFISINSER KOSNINGAMÁL
Skeifan 7 | Reykjavík | sími 553-6061
Annað sætið skipar Ásgerður Jóna
Flosadóttir stjórnmálafræðingur. Ásgerður er
framkvæmdarstjóri í Reykjavík og er formaður
Fjölskylduhjálpar Íslands og fyrrverandi formaður
Mæðrastyrksnefndar.
Fiskifræðingurinn og
alþingismaðurinn Magnús Þór
Hafsteinsson, varaformaður
Frjálslynda flokksins, leiðir
framboðslista flokksins í
Reykjavíkurkjördæmi Norður.
Þau bjóða ykkur öll velkomin á kosningaskrifstofu flokksins að Skeifunni 7
Opið er frá 10.00 til 18.00 alla daga og alltaf heitt á könnunni.
Frakkar ganga í dag að kjörborðinu
til að kjósa sér forseta, sem taka á við af Jacques
Chirac sem kveður Elysée-höll í maí eftir tólf ára
setu þar. Nicolas Sarkozy, flokksbróðir Chiracs og
fyrrverandi innanríkisráðherra, er nánast öruggur
um að komast áfram í úrslitaumferðina. Hann var
með fáeinna prósentustiga forskot á Segolene
Royal, frambjóðanda sósíalista sem sækist eftir því
að verða fyrsta konan á forsetastóli í Frakklandi, í
nær öllum skoðanakönnunum sem gerðar voru fyrir
kosningarnar.
En franskir kjósendur hafa ítrekað áður komið
kosningaspámönnum á óvart og skoðanakannanir
sýndu að milljónir kjósenda höfðu ekki gert upp
hug sinn í síðustu vikunni fyrir kosningarnar. Það
getur því allt gerst, þótt sennilegast þyki að það
verði þau Sarkozy og Royal sem takist á í úrslita-
umferðinni.
Sá sem helst er talinn líklegur til að geta skotist
upp fyrir Royal er miðjumaðurinn Francois Bayrou.
Að minnsta kosti er talið mjög ólíklegt að hinum 78
ára gamla þjóðernissinna Jean-Marie Le Pen takist í
þetta sinn að endurtaka leikinn frá því í síðustu
forsetakosningum árið 2002, þegar hann hlaut
næstflest atkvæði allra frambjóðenda í fyrri
umferðinni og mætti Chirac, sitjandi forseta, í
úrslitaumferðinni. Le Pen hefur þó verið spáð
minnst fjórtán prósenta fylgi.
Allir aðrir hinna alls tólf frambjóðenda eru
ólíklegir til að ná til sín meiru en í mesta lagi
fáeinna prósenta fylgi, en samanlagt gætu vinstri-
jaðarframbjóðendurnir sex náð til sín nógu miklu til
að spilla fyrir möguleikum sósíalistans Royal á að
komast í seinni umferðina. Úrslitaumferðin fer
fram hinn 6. maí.
Tvísýnar kosningar
Hægrimaðurinn Nicolas Sarkozy er sá eini af tólf frambjóðendum í fyrri umferð
frönsku forstakosninganna í dag sem er nánast öruggur um að komast í þá seinni.
Hannes Hólmsteinn
Gissurarson stjórnmálafræði-
prófessor flutti á þriðjudag fyrir-
lestur um beitarréttindi á íslensk-
um afréttum, veiðiréttindi í
laxveiðiám og aflaheimildir á
Íslandsmiðum á ráðstefnu um
eignarréttindi til að stuðla að
framförum í Porto Alegre í Bras-
ilíu. Meðal annarra fyrirlesara
voru José María Aznar, sem var
forsætisráðherra Spánar á árun-
um 1994 til 2004, og Fernando
Henrique Cardoso, sem var for-
seti Brasilíu árin 1995 til 2003.
Í fyrirlestrinum ræddi Hannes
hvernig mynda má einkaeignar-
rétt á gæðum sem eðlis þeirra
vegna verður að samnýta, til
dæmis fiskistofnum, afréttum og
útvarpsrásum.
Ritgerð upp úr fyrirlestri Hann-
esar er prentuð í portúgalskri
þýðingu í brasilíska ritinu Eignar-
rétti og framförum, sem gefið var
út í kjölfar ráðstefnunnar.
Alls voru átján fyrirlesarar á
ráðstefnunni, sem haldin var í
kaþólskum háskóla í Porto Alegre.
Fræddi fólk um beitarréttindi
Þjónustuhús með salernisaðstöðu á golfvell-
inum í Grafarholti gjöreyðilagðist í eldi í fyrrinótt.
Tilkynnt var um eldinn um klukkan tvö og var
kamarinn, sem stendur á teig tíu og er í eigu
Golfklúbbs Grafarholts, í ljósum logum þegar
lögregla kom á staðinn. Slökkvilið kom skömmu
síðar og slökkti eldinn. Eldsupptök eru ókunn en að
sögn lögreglu er málið í rannsókn.
Talið er að tjónið sé í kringum tug milljóna, en
mikið hafði verið lagt í húsið. Þrjár vikur eru þar til
völlurinn verður opnaður á ný og óljóst er hvort
tekst að koma húsinu í lag fyrir þann tíma.
Útflutningsráð stendur
fyrir fimm daga fræðslu- og
kynnisferð til Kasakstans um
miðjan maí og er skráning í
ferðina hafin. Dagskráin verður
kynnt fljótlega en áhersla er
lögð á að fá kynningu á við-
skiptatækifærum, fjárfestinga-
tækifærum og viðskiptaum-
hverfi landsins.
Á vef Útflutningsráðs kemur
fram að fræðslu- og kynnisferð-
in er unnin í samstarfi við
sendiráð Íslands í Moskvu og
mun viðskiptafulltrúi sendiráð-
ins, Yuri Korolev, taka þátt í
ferðinni. Skráningarfestur
rennur út 26. apríl.
Kynnisferð
til Kasakstans
Á að koma á eðlilegum sam-
skiptum við þjóðstjórn Palest-
ínu?
Á Reykjavíkurborg að kaupa
lóðir eignanna sem brunnu í
vikunni sem leið?