Fréttablaðið - 22.04.2007, Side 86

Haukar eru það eina
sem stendur á milli Valsmanna og
Íslandsbikarsins, sem hefur ekki
komið á Hlíðarenda í níu ár. Vals-
menn mæta á Ásvelli á sunnudag-
inn en ef innbyrðisleikir liðanna
frá undanförnum árum eru skoð-
aðir kemur í ljós að Haukarnir eru
langt frá því að vera óskamótherj-
ar Valsliðsins í jafn mikilvægum
leik.
Með sigri ættu Valsmenn í fyrsta
sinn að geta hugsað hlýlega til Ás-
valla, sem hafa reynst þeim svo
erfiður útivöllur frá því að Haukar
fóru að spila heimaleiki sína þar
árið 2000. Valsmenn hafa í þjálf-
aratíð Óskars Bjarna Óskarssonar
aðeins unnið 2 af 17 leikjum sínum
á móti Haukum, þar af aðeins 1 af
13 leikjum liðanna á Íslandsmóti.
Haukar hafa spilað á Ásvöll-
um síðan haustið 2000 og Vals-
menn hafa farið margar fýluferð-
ir til Hafnarfjarðar síðan þá. Það
er ljóst að Valsmenn þurfa að rifja
upp hvað gekk vel í þessum tveim-
ur sigurleikjum. Annar þeirra var í
deildinni í vetur og hinn var fyrsti
leikur liðanna í undanúrslitaein-
vígi þeirra í deildarbikarnum í
fyrravor.
Hornamaðurinn Arnór Gunn-
arsson var hetja Valsmanna í
sigurleiknum 18. nóvember en
hann skoraði þá tvö síðustu mörk-
in í leiknum og tryggði Val fyrsta
deildarsigurinn á Ásvöllum í
fimm ár. Sigurmarkið kom aðeins
nokkrum sekúndum fyrir leikslok.
Haukarnir voru marki yfir þegar
ein og hálf mínúta var eftir og
höfðu fyrr í sömu viku slegið Vals-
menn út úr bikarnum. Valsmenn
fögnuðu gríðarlega enda búnir að
vinna langþráðan sigur á Ásvöllum
en nú er að sjá hvort þeir séu búnir
að sigrast alveg á Ásvallargrýlunni
eða hvort hún birtist á ný í dag.
Haukar hafa unnið alla úrslita-
leiki gegn Valsmönnum sem liðin
hafa spilað á Ásvöllum. Valsmenn
duttu þar út úr bikarnum í vetur
og svo var einnig raunin árið 2001.
Haukarnir unnu oddaleik liðanna
í undanúrslitum deildarbikars-
ins í fyrra og slógu Valsmenn út
úr úrslitakeppninni í húsinu bæði
vorið 2001 og 2004. Valsmenn hafa
tapað öllum leikjum sínum í úr-
slitakeppninni á Ásvöllum.
Valur hefur undir stjórn Óskars Bjarna Óskarssonar aðeins unnið tvo af sautján leikjum sínum á móti Haukum og allir úrslitaleikir
liðsins á Ásvöllum til þessa hafa tapast. Valsmenn verða Íslandsmeistarar í fyrsta sinn í heil níu ár ef þeir vinna Hauka í lokaumferð
DHL-deildar karla á Ásvöllum í dag. Eitthvað verður undan að láta í æsispennandi lokaumferð DHL-deildar karla.