Fréttablaðið - 08.05.2007, Blaðsíða 10

Vilhjálmur Þ. Vil-
hjálmsson borgarstjóri ætlar að
verða við óskum íbúa og húseig-
enda á Njálsgötu og eiga með þeim
fund um fyrirhugað heimili fyrir
heimilislausa á Njálsgötu 74.
Eins og komið hefur fram í
Fréttablaðinu hefur fjöldi fólks í
nágrenni Njálsgötu 74 skrifað
undir mótmæli vegna heimilisins
sem þar á að reka fyrir tíu karla.
Nágrannarnir telja borgaryfirvöld
hafa staðið illa að því að kynna
málið. Langflestir vissu fyrst um
málið eftir að Fréttablaðið skýrði
frá því. Kröfðust nágrannarnir
þess að Vilhjálmur borgarstjóri og
Jórunn Frímannsdóttir, formaður
velferðarráðs Reykjavíkur,
útskýrðu málið á opnum fundi.
Samkvæmt tölvupósti sem
nágrannarnir hafa fengið frá Jór-
unni er borgarstjórinn reiðubúinn
að eiga með þeim fund eftir tvær
vikur, eða þriðjudaginn 22. maí.
Í tölvupósti nokkurra íbúa við
götuna hvetja þeir nágranna sína
til að mæta á fundinn:
„Mjög mikilvægt er að við fjöl-
mennum á þennan fund, ekki bara
til að mótmæla heldur til að afla
okkur upplýsinga um fyrirhugaða
starfsemi og fá tækifæri til að
spyrja gagnrýnna spurninga.
Leggjum við til að allir undirbúi
nokkrar spurningar og spyrji
borgarstjóra, formann velferðar-
ráðs og aðra sem þarna mæta fyrir
hönd borgarinnar þeirra spurn-
inga sem á þeim brenna,“ segir í
fjöldapósti til íbúa nærri Njáls-
götu 74.
Fundar með íbúum Njálsgötu
Landhelgis-
gæsla Íslands (LGH) fær nýja eft-
irlitsflugvél sem sérstaklega er
hönnuð fyrir löggæslu, leit og
björgun afhenta í júlí 2009, en
skrifað var undir samning um
kaup og breytingar á vélinni í
Þjóðmenningarhúsinu í gær.
Vélin er af gerðinni Dash 8-
Q300, og mun leysa hina 30 ára
gömlu Fokker-vél gæslunnar af
hólmi. Flugvélin verður smíðuð af
fyrirtækinu Bombardier í Kan-
ada, og svo breytt í eftirlitsflugvél
af Field Aviation í Kanada. Kostn-
aður við kaup og breytingar á vél-
inni verða um 2,1 milljarður króna,
miðað við gengi dollarsins í dag,
auk þess sem um 200 milljónum
króna verður varið í að koma upp
varahlutalager fyrir vélina.
Georg Kr. Lárusson, forstjóri
LGH, segir að þegar vélin verði
afhent verði gjörbylting á starf-
semi gæslunnar. Stærsta breyt-
ingin sé trúlega afar fullkominn
samskiptabúnaður vélarinnar.
„Við erum að fá flugvél með
nýjustu tækni til að stunda eftirlit,
fylgjast með umferð, mengun og
fleiru,“ segir Georg.
Vélin verður búin ýmsum tækja-
búnaði, og mun geta greint meng-
un og hafís að nóttu sem degi, sem
og skipategundir, athafnir og auð-
kenni. Geirþrúður Alfreðsdóttir,
flugrekstrarstjóri LGH, nefnir
sem dæmi að myndavél á vélinni
geri áhöfninni kleift að lesa 25 cm
háa stafi á bátshlið í um 9 kíló-
metra fjarlægð að degi, og 2,8
kílómetra fjarlægð að nóttu til.
Geirþrúður segir að vélin henti
afar vel við íslenskar aðstæður,
hún geti lent og tekið á loft af
stuttum flugbrautum og í tals-
verðum hliðarvindi. Flugþolið sé
svipað og á Fokker-vélinni sem
landhelgisgæslan á í dag.
Sænska strandgæslan hefur
samið um kaup á þremur sams-
konar vélum, og fær þá fyrstu
afhenta í sumar. Georg segir að
haft hafi verið samstarf við
sænsku strandgæsluna, sem hafi
stytt til muna þann tíma sem hafi
þurft til að undirbúa útboð á vél-
inni, ákveða hvaða búnað þurfi að
kaupa og hvað henti við eftirlit
yfir Norður-Atlantshafi.
Björn Bjarnason dómsmálaráð-
herra skrifaði undir samninga um
kaup á vélinni í gær. Hann segir
það tilviljun að skrifað sé undir
slíkan samning í vikunni fyrir
kosningar. „Ég hef ekki stýrt nein-
um tímasetningum í þessu, það
eru ríkiskaup og þeir sem eru í
þessum samningum sem ráða
því.“
Samið um kaup á
nýrri eftirlitsflugvél
Skrifað var undir samning um kaup á nýrri eftirlitsflugvél fyrir Landhelgis-
gæslu Íslands í gær. Kemur til landsins í júlí 2009 og kostar 2,1 milljarð króna.
Tilviljun að skrifað er undir samning mánudag fyrir kosningar segir ráðherra.
Hvað er að vera ég?
64 ungskáld takast á við stóra spurningu.
Hugmyndaauðgi, sköpunarkraftur
og hæfni nemenda til þess að
tjá sig í rituðu máli birtist nú á
mjólkurfernum landsins.
Kíktu á öll verkin á www.ms.is.
Mjólk, andleg
næring á fernum!
Jafnrétti í reynd - atkvæði kvenna
Allir velkomnir!
Framsókn í Reykjavík
Hádegisfundur um jafnréttismál í Iðnó í dag 8. maí kl. 12:15
Árelía Eydís Guðmundssdóttir
mun kynna vottun á
jafnlaunastefnu fyrirtækja.
Frambjóðendur sitja fyrir svörum.